[Dilaver]

PLANET E AL-QAEDA-S

Rrjeti terrorist më i kërkuari në botë, harton plane. Cak i sulmeve të Al-Qaedas do të jetë Evropa, kurse bazat e tyre mendohet të shndërrohen Kosova, Sanxhaku, Kroacia dhe Bosnja. Plani më i ri i këtij rrjeti është quajtur “Balkans 2020”.


Lubjanë- 9 shtator - Kosova, Bosnja e Hercegovina, Kroacia dhe Sanxhaku i cili ndodhet në trekëndëshin ndërmjet Malit të Zi, Serbisë dhe Kosovës, së shpejti mund të jenë strofull e rrjetit terrorist të Al- Qaedas.
Ky është plani më i fundit I drejtuesve të këtij rrejti të cilin e ka publikuar Joseph Bodanoëski, këshilltar i kongresit të Shteteve të Bashkuara të Amerikës.
Vetëm pak orë para se New -Yorku të kujtojë pesë vjetorin e rreth 3 mijë viktimave të sulmeve terroriste të 11 shtatorit, zyrtarë të lartë amerikan shpalosin një plan më të ri të rrjetit më të njohur terrorist në botë-Al - Qaedas.
Derisa televizioni i njohur arab Al-Jazera ka transmetuar një ditë më parë një xhirim ku shihen personat të cilët rrëmbyen avionët e ditës së martë të 11 shtatorit 2001 duke marrë instruksione, kongresisti amerikan ka treguar se Al-Qaeda planifikon të krijojë bazën e saj në rajonin e Ballkanit.
Në këtë mënyrë, organizata terroriste Al-Qaeda e drejtuar nga personi më i kërkuar në botë Osama Bin Laden, vazhdon të përgatisë plane të tjera për të vepruar.
Kësaj radhe nuk janë ndërtesat e larta në Shtetet e Bashkuara të Amerikës, por cak i këtyre sulmeve, ata planifikojnë të kenë qendrat e mëdha të Evropës.
Pesë vjet pas sulmeve të përgjakshme mbi kullat binjake në New -York të njohura si World Trade Center ku vdiqën rreth 3 mijë persona, pjesëtarët e kësaj organizate vazhdojnë hartimet e planeve terroriste.
Këshilltari i kongresit Joseph Bodanoëski, ka deklaruar se Al - Qaeda është duke përgatitur një plan sekret të cilin e ka quajtur “Ballkans 2020”. Sipas këtij kongresisti, organizata më e njohur terroriste në botë në bazë të këtij plani, synon të instalojë organizmat e veta terroriste për të goditur më pas gjithë Evropën.
Këtë deklaratë të këshilltarit të Kongresit të Shteteve të Bashkuara e ka publikuar gazeta “Slovenian Finance” e Sllovenisë.
Sipas shkrimit të gazetës, duke iu referuar Bodanoëski, plani përfshin disa faza si ngritjen e kampeve terroriste në Kroaci, Bosnjë, Kosovë dhe Sanxhak, nga ku do të ndërmerren sulme terroriste kundër Evropës.
Sipas Bodanowskit, të paktën 5 agjenci të shërbimeve sekrete janë duke punuar kohët e fundit për të ndaluar komplotin “Balkans 2020” duke gjurmuar njerëzit dhe armët që vijnë nga shtetet arabe me qëllim ndalimin e ngritjes së grupeve terroriste në Ballkan. Aktualisht në Ballkan ka mijëra trupa të aleancës veri-atlantike të cilat ruajnë paqen, në mënyrë të veçantë në Bosnje e Hercegovinë dhe Kosovë.
Zyrtarët e KFOR-it në Kosovë gjithmonë kanë deklaruar se Kosova është një vend shumë i sigurt dhe nuk ka asnjë mundësi që vendi të dalë jashtë kontrollit.
Megjithëkëtë kapja e këtyre celulave dhe pengimi i tyre për organizim në Ballkan mund të jetë i vështirë duke pasur parasysh se ka disa vjet që në Ballkan shëtisin të lirë dy personat më të kërkuar së paku në këtë rajon. Ish gjenerali i serbëve të Bosnjës Ratko Mlladiq dhe ish lideri i tyre Radovan Karagjic, vazhdojnë t’i ikin drejtësisë së Tribunalit të Hagës, pavarësisht se në Bosnje dhe Kosovë ka mijëra trupa të NATO-s.
(Slovenian Finance)