[legenda]

Mungesa e Pokerit vertete lene nje boshllek ne FORUM,dhe nje zbehje te debateve...mirpo une jam kunder kthimit te TIJ,
se pari nuk deshiroj qe AI te then vendimin qe ka marr,dhe se
dyti kete me verteton edhe letra qe mora nga AI,ku ai e deshmon kete.
Une votoj : JOOO! se keshtu do te votonte edhe Pokeri.
--------------------------------------------------------------------------






Pokeri shkruan:
Me duhet të them se; nuk e kisha pritur gjithë këtë bujë (të panevojshme) rreth “ikjes” dhe kthimit!?
Faji është edhe imi. Ka mundur gjithçka të përcillej me heshtje! Ka pasur mundësi (dhe është dashur) të mos krijoj asnjë lloj “pompoziteti” rreth një vendimi shumë normal dhe të zakonshëm!
Dua t’i sqaroj vetëm dy gjëra;
-Nuk jam kurrfarë gjeniu (ju lutem më kurseni nga këto epitete të panevojshme dhe “denigruese”), por jam njeri si gjithë të tjerët, me virtyte të mira, edhe me mangësi.

(Mike, pandehe këtë; - Kush do ta kundërshtoj gjeniun? Kush do të polemizoj me gjeniun? Kush nuk do ta votoj gjeniun?) Besoj që e kupton qartë, se kësisoj, padashtas është krijuar një situatë thjesht “e paprekshmërisë” së Pokerit. E keni vendosur në një “lartësi” nga e cila i merren mendët. Ore, edhe pak dhe do të krijoni kult! Jo. Kjo nuk i nevojitet as forumit, as pokerit, e juve, miqve të mi, edhe më pak. Besojeni këtë. Si do t’më kundërshtoni, atëherë kur keni një mendim tjetër nga imi? Si do t’më qortoni, atëherë kur në ‘nxitim’ apo (kur vie në shprehje ajo ana ime tjetër e karakterit) bëj ndonjë “gaf”. Si do t’më arsyetoni, atëherë kur “do të shahem” me dikend? Po njerëz jemi, jo makina të programuara. Kemi anët e mira, por kemi edhe ato anët e tjera (më pak të mira)! Ndodh, edhe të shahemi, ndodh edhe të kacafytemi, ndodh edhe të mbajmë inat! Shumë normale.
Mikja Jador, e dij që pa qëllim të keq ka bërë një gabim! Ka bërë një grishje publike duke më “mveshur” epitete të cilat (besoje këtë) nuk më përkasin! Nuk është kjo një modesti e rrejshme, apo ta quaj - e tepruar. Nuk jam as Mazohist që kënaqem duke e “rrahur” vetvetën (me moralizime, vetë-mohime etj). Thjesht, nuk jam i tillë çfarë më pandehni (larg, larg gjeniut jam).

Në forum ka shumë potencial pozitiv, por mendoj që vetëm duhet të kanalizohet drejtë, në kahe të dobishme. Forumi nuk ka nevojë për një Nofkë, as dy, dhjetë… forumi ka nevojë për FRYMË. Për një frymë progresive, për një frymë debatuese, për një frymë shkëmbimi (informacionesh, përvojash…) E këtë frymë, nuk e mbjell pokeri, legenda, jador, Agolli, Dea_A, Gentiani, Dogzona, Drinni etj etj. veç e veç!!! Forumi nuk është një hapësirë ‘interne’ e njerëzve që mendojnë njejtë, (një-trajtshmëria e të menduarit, përceptuarit, debatuarit, është shumë më e dëmshme se sa polemika,) megjithatë kërkohet një “menaxhim” më i shkathtë, një ruajtje e baraspeshës, një kultivim i disa vlerave sublime, qofshin ato morale, estetike, artistike etj.
(Edhe unë moralizova mjaft).

Diçka për moralin
Morali paraqet një tërësi të rregullave dhe zakoneve të pashkruara, të cilat determinojnë raportet ndërnjerëzore dhe “gjykojnë” çka është e mirë, e çka është e keqe.
Morali është diç objektive si formë e vetëdijes shoqërore, kodeks i ligjeve, shprehive, normave.
Pra, është kërkesë e shoqërisë për sjellje të caktuara, parime që përcaktojnë se si duhet të jetë diç.
Morali është diç relative dhe nuk është i njejtë në të gjitha grupet shoqërore, në periudha të ndryshme historike.
Vlerat themelore të moralit janë: E mira, e vërteta, e drejta.
Morali bazohet në botën dhe ndërgjegjën e individit, ndërsa si sankcion për sjellje amorale, paraqiten; brerja e ndërgjegjës, qortimi apo bojkotimi i rrethit.
E mira është vlera më e lartë e moralit. Njerëzorja është detyrë e çdo individi, parakusht i jetës së mirë.
Kështu e definojnë moralin, mirëpo mua shumë më shumë më pëlqen një thënie jokonvencionale që e kam dëgjuar, e që mund të jetë e kujtdo-fqiut, sharraxhiut, shitësit të cigareve, hamallit…
‘MORALIN E KANË SHPIKUR TË DOBËTIT, PËR T’U MBROJTUR NGA TË FUQISHMIT”.
Tani-Ikja dhe kthimi
Ajo që më së shumti më ka pëlqyer në momentin e "ikjes" (kujtoje)-Postimi i fundit-parafundit (me të drejtë e konstaton panta_rhei), ishte "reagimi patetik" (nga pozicioni i moderatorit-ores) i nickut Vranina. Edhepse nga motive të ulta, shpallja e pokerit 'i vdekur", dhe "gjëma e kuja" e saj/tij ka diçka shumë domethënëse, dhe të vërtetë... E mira e gjithë kësaj është që Vraninushka nuk më ka dhënë sisë dhe ndjellakobi i saj nuk më zë mua, por pokerin (ne jemi dy tërësi të ndara), dhe funksionojmë në mënyrë autonome (një shtet-dy sisteme). Ajo që na bashkon në këtë rast është urrejtja!!! Urrejtja për këtë nick-Pokeri. Derisa "Vajtorja" e Pokerit mund ta urrej për ikjen (dhe efektin e saj), Unë e urrej Pokerin për budallallëkun e shpeshtë dhe idealizmin e 'pandreçshëm' që ka reflektuar në shkrimet e veta, e që nuk ka shumë të përbashkët me Mua (me jetën time reale). Sidoqoftë, pajtohem me atë që pokeri ka vdekur, njëherë e përgjithmonë... edhe si lojë, edhe si "prototip", edhe si "karakter"!!! I qoftë i lehtë pluhuri i dardania.de. Amen!!!