[sunshine]

Të nderuar! Sigurisht se keni lexuar apo ndëgjuar që para disa ditesh Koorporata Energjetike e Kosovës ( KEK ), ka vendosur ta dyfishojë çmimin e rrymës për konsumatorë! Me këtë Kosova ka çmimin më të lartë të rrymës në tërë rajonin (bile me diçka të jemi të parët!).
Unë nuk dua të mirrem me atë se e vendosën të huajt këtë apo vendorët, por pyes vetën, "athua ku janë duke jetuar këta njerëz", "ndoshat kanë ndonjë plan të msheftë sesi ta pasurojnë popullin në mënyrë që edhe pagesa e rrymës mos të paraqes problem të madh", nuk i dihet, ne jemi të zot për mrekullira!? Për mrekullira të mbrapshta ama! Kosova me Valën 900 ka një ndër telefonitë më të shtrenjëta në botë, tash me rrymë do ia kalon edhe vendeve të zhvilluara perëndimore! Deri kur kështu? Edhe sa do të ketë durim populli që në kurrizin e tij të bëhen eksperimente?
E di që nga dikush do ketë menjëherë reagime negative, por prapë e them: Populli duhet ngritur në këmbë edhe të protestojë për çdo padrejtësi që i bëhet, qoftë nga pushteti vendor, qoftë nga UNMIK-u! Kjo aspak nuk e zbeh, siq thuhet nga dikush "procesin e pavarësisë". Fundja, pavarësia e ka kuptim e plotë vetëm atëherë kur ka një bazë të shëndoshë të zhvillimit të mëtutjeshëm. E me një popull të plaçkitur, të varfëruar e të gënjyer në çdo aspekt, nuk mund të bëhesh konkurrent i denjët me ata që ne mendojmë të jetojmë nesër bashkë, pra me shtetet tjera europiane!

Për fund do pyesja: A mendoni që KEK-u me këtë vendim e ka përforcuar emrin e Koorporatës Energjetike të Korrupcionit!