[Drinni]

Postimi origjinal është bërë nga Dilaver

Hollbruk: Prishtina të garantojë të drejta për minoritetet, ndërsa Beogradi të pajtohet se e ka humbur Kosovën


Nju Jork, 2O prill (Halil Mula) - Arkitekti i Konferencës së Dejtonit, ambasadori Riçard Hollbruk porosit lidershipin dhe Institucionet e Kosovës se duhet të jenë unikë si dhe të garantojnë të drejtat e minoriteteve nëse e dëshirojnë Kosovën e pavarur.
Ambasadori Hollbruk tha se nuk e di nëse këtë vit në formën e plotë të valojë flamuri i Kosovës në Kombet e Bashkuara si anëtare e plotë, por gjithsesi kjo do të ndodhë shumë shpejt. "Por me rëndësi është që Beogradi duhet ta kuptojë se aventura e tyre në Kosovë ka përfunduar dhe tani ata duhet të kërkojnë fatin e tyre dhe të zgjedhin Brukselin para Prishtinës ndërsa pala kosovare duhet ta zgjedhin Kosovën multietnike ku të drejtat e minoriteteve janë plotësishtë të mrojtura dhe të garantuara".
"Negociatat për statusin e Kosovës është dashur të fillonin para katër, pesë vitesh, por më në fund filluan", tha në fillim të bisedës ambasadori Hollbruk, me të cilin zhvilluam këtë intervistë gjatë një ligjërate që mbajti shkrimtari ynë Ismail Kadare në Universitetin Kolumbia në Nju Jork.
Hollbruk më tej tha: "Unë i njoh mjaft mirë z. Ahtisari dhe ambasadorin Uizner të cilët janë një ekip shumë i mirë dhe kam besim të plotë se nëse pala kosovare do të negociojë në mënyrë korrekte, do ta arrijnë qëllimin për të cilin janë duke punuar me vite të tëra, e ai është Kosova e pavarur. E që kjo të ndodhë dhe të realizohet lidershipi kosovar, institucionet kosovare duhet të sigurojnë dhe garantojnë të drejtat e plota minoriteteve posaçërisht minoritetit serb", u shpreh Hollbruk.
"Unë mendoj se janë dy çështje këtu me të cilat duhet të pajtohen të dyja palët. Prishtina duhet të pajtohet me formën e garantimit të të drejtave për minoritetet përkatësisht serbët, të cilën e kërkojnë nderkombëtarët, ndërsa Beogradi në anën tjetër të pajtohet me faktin se e ka humbur Kosovën për shkak të sjelljes së Sllobodan Millosheviqit dhe regjimit të tij, sjellja e të cilit në periudhen 1989 1999 krijoi tragjedi për shumë popuj dhe i ka humbur të drejtën Serbisë mbi Kosovën e cila tanimë e ka kohën që të zërë vendin në familjen e vendeve të pavarura. Ky është një rast i mirë për Serbinë që të fillojë marshin e vet drejt antarësimit në Unionin Europian dhe ajo do të ndodhë vetëm nëse e kuptojnë se Kosova nuk do të jetë pjesë e teritorit të tyre dhe së dyti nëse i sjellin para drejtësisë kriminelët e luftës gjeneralin Mlladiq dhe Radovan Karaxhiqin".
Në pyetjen tonë se si e komenton ftesën e Beogradit drejtuar serbëve të Kosovës për mosbindje dhe mosbashkëpunim me institucionet e Kosovës, ambasadori Hollbruk thotë mosbashkëpunimi i Beogradit dhe refuzimi i negociatave vetëm se do ta izolojë edhe më tepër Serbinë e cili i filloi dhe i humbi 4 lufta që nga viti 1991 dhe tani është koha të shkohet përpara dhe bllokimi i Institucioneve dhe i qeverisë sëKosovës bënë vetëm dam për vet serbët.
Në pyetjen tjetër se a do ta shohim Kosovën të pavarur këtë vit, ambasadori Hollbruk tha se nuk e di a do të ndodhë këtë vit në formën e plotë që të valojë flamuri i Kosovës në Kombet e Bashkuara si anëtare e plotë, por gjithsesi do të ndodhë shumë shpejt. "Por me rëndësi është që Beogradi duhet ta kuptojë se aventure e tyre në Kosovë ka përfunduar dhe tani ata duhet të kërkojnë fatin e tyre dhe të zgjedhin Brukselin para Prishtinës ndërsa pala kosovare duhet ta zgjedhin Kosovën multietnike ku të drejtat e minoriteteve janë plotësishtë të mrojtura dhe të garantuara. Nëse serbët tentojnë të bllokojnë do të ballafaqohen me izolimin botëror, nëse kosovarët dështojnë në garantimin e duhur të të drejtave për minoritete do të humbin rastin historik të tyre. Kryeministri Çeku, të cilin e njoh që nga viti 1999 dhe për të cilin kam shumë konsideratë, jam i bindur se do të bëjë punë të mirë dhe është shumë me rëndësi që ta ketë përkrahjen e të gjithëve në rrugën e tij për përmbushjen e standardeve dhe njëherë e përgjithmonë të realizohet ëndrra e kahmotshme që do të sjellë paqen dhe stabilitetin si dhe të drejtat e minoriteteve në të njejtën kohë. Nuk do të jenë negociata të lehta që janë duke u zhvilluar, por shqiptarët duhet të bashkohen dhe të përkrahin qeverinë Çeku ndërsa serbët duhet të pajtohen me realitetin", u shpreh Holbruk në fund të intervistës.

Euuuuu se ç'mbremje e kendshme pas ketij leximi..............