Dardania.de - Shiko Postimin Tek

**Zero Cool** · 15-09-11, 14:42

Gabove ministër

Nga Arben Bajraktaraj më 09 shtator 2011 në ora 08:54
Letër drejtuar Ministrit të Kulturës së Republikës së Kosovës, z. Memli
Krasniqi.

I nderuar zoti ministër,

Getoizmi kulturor i Kosovës ka zgjatur së tepërmi. Dhe është kënaqësi e madhe kur marrim vesh se shfaqje nga Kosova përzgjidhen për t’u shfaqur në festivale të rëndësishme botërore, si paraqitja vitin e kaluar e dramës ‘Çifti Martin’ me regji të Bekim Lumit në EUROSCENE të Leipzigut (përkrah emrave më me peshë të regjisorëve europianë si: Pipo Delbonno, Romeo Castellucci, Alain Platel apo edhe koreografit me prejardhje shqiptare Angjelin Preljocajt), apo edhe paraqitja e ardhshme e shfaqjes ‘Rock and Roll’ me regji të Dino Mustafiçit në Lubjanë, si dhe pastaj në Bogota. Kjo tregon se pas mundit e djersës, rrugë të reja po hapen për teatrin kosovar dhe është vërtet shpresëdhënëse për teatërbërësit e rinj të vendit tonë.
Kosova ka shumë për të thënë, si për të kaluarën, të tanishmen dhe të ardhmen. Dhe krijuesit kosovarë kanë aftësi dhe talent për ta shprehur këtë për së mbari. Por lajme ngrysëse vijnë kohëve të fundit pikërisht nga një fushë që nuk do e prisnim fare, nga teatri!
Së pari politizimi i turpshëm i shkuarjes eventuale të shfaqjes ‘Çifti Martin’ në teatrin Atelier 212 në Beograd dhe mandej vendimet e çuditshme rreth Bordit Artistik të Teatrit dhe emërimit të drejtorit artistik, në vlugun e ngjarjeve dramatike në veri të Kosovës. Vendimet e tilla të marra pikërisht në këtë periudhë marrin ngjyrë dyshimi. Nga njëra anë ose duken të ngutshme, gjë që për një vend si Kosova, ku nevoja për stabilitet në institucione është vërtet vitale, mund të ketë pasoja të dëmshme afatgjate ose duken interes-ngushtuese, gjë që shpresoj të mos ketë ndodhur, ngase në këtë rast do të krimboset atmosfera krijuese në Kosovë për një kohë të gjatë dhe do të vështirësohen edhe më shumë mundësitë (edhe ashtu të cunguara) të daljes së shfaqjeve të krijuesve kosovarë jashtë vendit. Një gjë të tillë me siguri se askush nuk e do, e shpresoj se as ju z. ministër.
Kohëve të fundit, ministri aktual i kulturës në Francë, Frederique Miterrand-i, ka ndërruar mendje për disa emërime të drejtorëve të teatrove kombëtarë që donte të bënte, ngase ato ishin parë si plasime të miqve të tij.
Tradita e rezistencës së shoqërisë civile, si dhe argumentet e sjella nga rrethi i krijuesve teatror francez kanë pasur ndikim në ndryshimin e këtyre vendimeve. Natyrisht në Kosovë jo vetëm rrethanat por edhe hallet janë tjera. Megjithëkëtë, një vendim i matur dhe i mirëdebatuar nga vetë rrethi i krijuesve teatror kosovarë, do të ishte mese i domosdoshëm.
Fjalët që një nga shkrimtarët më me peshë të teatrit bashkëkohor botëror Ariel Dorfman ju ka drejtuar janë të prekshme: “Për një vend si Kosova, teatri është padyshim një nga artet më të nevojshme për të rrëfyer ngjarjet – ashtu si edhe për njerëzit e Kosovës – pa frikë”.
Ai flet këtu për frikën nga pushteti, z. ministër. Shpresoj se një gjë e tillë do hiqet njëherë e përgjithmonë nga hapësira e krijuese kosovarë zoti ministër dhe uroj që vendimmarrjet e juaja por edhe të pasardhësve tuaj të orientojnë mundësitë e institucioneve artistike drejt
një shprehjeje të lirë si dhe mirëfillësisë së vlerave krijuese.

Me respekt,
Arben Bajraktaraj
Paris, 7 shtator 2011

15-09-11, 14:42	#35
Zero Cool Administratorët Anëtarësuar: 18-03-03 Vendndodhja: Netherland Postime: 24,987	Titulli: Qeveria Gabove ministër Nga Arben Bajraktaraj më 09 shtator 2011 në ora 08:54 Letër drejtuar Ministrit të Kulturës së Republikës së Kosovës, z. Memli Krasniqi. I nderuar zoti ministër, Getoizmi kulturor i Kosovës ka zgjatur së tepërmi. Dhe është kënaqësi e madhe kur marrim vesh se shfaqje nga Kosova përzgjidhen për t’u shfaqur në festivale të rëndësishme botërore, si paraqitja vitin e kaluar e dramës ‘Çifti Martin’ me regji të Bekim Lumit në EUROSCENE të Leipzigut (përkrah emrave më me peshë të regjisorëve europianë si: Pipo Delbonno, Romeo Castellucci, Alain Platel apo edhe koreografit me prejardhje shqiptare Angjelin Preljocajt), apo edhe paraqitja e ardhshme e shfaqjes ‘Rock and Roll’ me regji të Dino Mustafiçit në Lubjanë, si dhe pastaj në Bogota. Kjo tregon se pas mundit e djersës, rrugë të reja po hapen për teatrin kosovar dhe është vërtet shpresëdhënëse për teatërbërësit e rinj të vendit tonë. Kosova ka shumë për të thënë, si për të kaluarën, të tanishmen dhe të ardhmen. Dhe krijuesit kosovarë kanë aftësi dhe talent për ta shprehur këtë për së mbari. Por lajme ngrysëse vijnë kohëve të fundit pikërisht nga një fushë që nuk do e prisnim fare, nga teatri! Së pari politizimi i turpshëm i shkuarjes eventuale të shfaqjes ‘Çifti Martin’ në teatrin Atelier 212 në Beograd dhe mandej vendimet e çuditshme rreth Bordit Artistik të Teatrit dhe emërimit të drejtorit artistik, në vlugun e ngjarjeve dramatike në veri të Kosovës. Vendimet e tilla të marra pikërisht në këtë periudhë marrin ngjyrë dyshimi. Nga njëra anë ose duken të ngutshme, gjë që për një vend si Kosova, ku nevoja për stabilitet në institucione është vërtet vitale, mund të ketë pasoja të dëmshme afatgjate ose duken interes-ngushtuese, gjë që shpresoj të mos ketë ndodhur, ngase në këtë rast do të krimboset atmosfera krijuese në Kosovë për një kohë të gjatë dhe do të vështirësohen edhe më shumë mundësitë (edhe ashtu të cunguara) të daljes së shfaqjeve të krijuesve kosovarë jashtë vendit. Një gjë të tillë me siguri se askush nuk e do, e shpresoj se as ju z. ministër. Kohëve të fundit, ministri aktual i kulturës në Francë, Frederique Miterrand-i, ka ndërruar mendje për disa emërime të drejtorëve të teatrove kombëtarë që donte të bënte, ngase ato ishin parë si plasime të miqve të tij. Tradita e rezistencës së shoqërisë civile, si dhe argumentet e sjella nga rrethi i krijuesve teatror francez kanë pasur ndikim në ndryshimin e këtyre vendimeve. Natyrisht në Kosovë jo vetëm rrethanat por edhe hallet janë tjera. Megjithëkëtë, një vendim i matur dhe i mirëdebatuar nga vetë rrethi i krijuesve teatror kosovarë, do të ishte mese i domosdoshëm. Fjalët që një nga shkrimtarët më me peshë të teatrit bashkëkohor botëror Ariel Dorfman ju ka drejtuar janë të prekshme: “Për një vend si Kosova, teatri është padyshim një nga artet më të nevojshme për të rrëfyer ngjarjet – ashtu si edhe për njerëzit e Kosovës – pa frikë”. Ai flet këtu për frikën nga pushteti, z. ministër. Shpresoj se një gjë e tillë do hiqet njëherë e përgjithmonë nga hapësira e krijuese kosovarë zoti ministër dhe uroj që vendimmarrjet e juaja por edhe të pasardhësve tuaj të orientojnë mundësitë e institucioneve artistike drejt një shprehjeje të lirë si dhe mirëfillësisë së vlerave krijuese. Me respekt, Arben Bajraktaraj Paris, 7 shtator 2011 __________________ Asgjë nuk është e pamundur. Pamundësinë apsolute e shkakton mosdija jonë reale.