[Peja-Boy]

Më 17 shtator të vitit 2000 një djalosh 13 vjeçar nga Argjentina , i cili kishte talent të madh për futboll, por vuante nga një çrregullim hormonal dhe familja e tij nuk kishte para për shërim, erdhi në qytetin e Barcelonës, në klubin me të njëjtin emër në provë.


Djaloshi ishte në kërkim të kontratës me këtë klub që do të mundësonte të stërvitej të akademinë e Barcelonës, klub i cili i kishte premtuar se do të paguante 900 $ në muaj sa kushtonte terapia për rregullimin e tajjtjes së hormonit të rritjes nga truri i tij. 10 vjet më vonë ai djalosh është 23 vjeçar, është futbollisti më i mirë në botë, një prej njerëzve më të famshëm dhe më të respektuar në botë dhe idhull i po thuajse çdo të riu që nisë të merret me futboll.
Lionel Mesi, ka një tregim përrallor se si është ngutur deri në majë të futbollit botëror, por ka edhe shkathtësi dhe karrierë që kur përshkruhen me fjalë duken vërtetë përrralore.
Fillimi në Argjentinë dhe “dhimbjet e rritjes”
Lionel Mesi është i lindur më 24 qershor 1987 në Rosario. Babai i tij ka qenë trajner në një klub lokal dhe ai ka filluar të luajë futboll qysh në moshën pesë vjeçare. Më 1995 si tetë vjeç fillon të ushtrojë në shkollën e klubit të njohur Njuells Old Bojs ku edhe bie në sy të sakutëve të shumtë nga Amerika e Jugut dhe Evropa. Përderisa talenti dhe mundësitë e tij në futbollist ishin ën rritje, kjo nuk mund të thuhet edhe për trupin e tij.
Mesi në adoleshencën e hershme u diagnostifikua me një çrregullim të hormonit të rritjes (HGH) meqë u konstatua se hipiofiza në trurin e tij nuk trajtonte sasi të mjaftueshme. Në atë kohë familja e tij nuk kishte kushte materiale për terapi ose shërim dhe e vetmja rrugëdalje ishte që Lioneli të nënshkruajë kontratë profesionale me ndonjë klub që do ti mbulonte shpenzimet e shërimit.
Adresa e parë ishte Boka Juniorsi, klubi i famshëm nga Buenos Airesi, zyrtarët e së cilit u impresionuan nga talenti i tij por nuk ishin të gatshëm të “sakrifikonin” edhe 900 dollarë shtesë në muaj për terapi. Në saje të disa lidhjeve familajre në Spanjë, babai i tij arrin të aranzhojë një provë në klubin e Barcelonës dhe më 17 shtator 2000, ai për herë të parë shfaqet para trajnerëve të këtij klubi të madh. Në një nga çastet më të rëndësishme të jetës së tij, Mesi e shfaqi talentin e tij të madh, ndaj të cilit asnjë njeri normal nuk mund të qëndrojë indiferent dhe Barcelona e nënshkroi atë duke pranuar të paguaje terapinë për sëmundje.
Lindja dhe krijimi i një legjende
Mesi shpejt u ngjit nëpër rangjet e grupmoshave të reja të Barcelonë dhe më 2003 (kur kishte 16 vjet e 145) debutoi për ekipin e parë të Barcelonës në një ndeshje miqësore me Porton. Ai në këtë ndeshje kërkonte të impresiononte një njeri të vetëm, trajnerin e atëhershëm Frank Rajkard dhe ia arriti këtij qëllimi, Rajkard i dha mundësinë Mesisë që si 17 vjeçar të debutojë në Primera kurse partneriteti i tyre tashmë është tregim për të cilin Barcelona është klub shumë krenar.
Më 1 maj të vitit 2005 ai shënoi golin e tij të parë në ekipin e parë të Barcelonës duke u bërë golashënuesi më i ri në histori të Primera Divizionit, rekord të cilin më pas me asistim të Mesisë e ka thyer Bojan Kërkiq. Më 2006 ai ishte pjesë integrale e kipit të Barcelonës që u bë kampion i Evropës i prirë nga Frank Rajkardi, kurse me reprezentacionin e Argjentinës u paraqit në Kampionatin Botëror pasi kishte shkëlqyer në reprezentacionet e grupmoshave të reja.
Mesi përveç profesionalizmit të lartë të treguar në ekip, për çka është vazhdimisht në sy të mrië të mediave, ka qenë vazhdimisht i gatshëm për obligimet në reprezentacion dhe ka luajtur me shuëm sukses dhe në Lojërat Olimpike Verore më 2008 dhe në Kampionatin Botëror të sivjetmë si dhe Kupën e Amerikës më 2007. Ai sot nga shumica e ekspertëve dhe adhuruesve të futbollit konsiderohet si futbollisti më i mirë në botë, kurse Arsen Venger lojën e tij e quan “të mundshme vetëm të Plej Stejshën”.
Mesi është vetëm 23 vjeç kurse lista e shpërblimeve dhe trofeve të fituar nga ai është më e madhe se e shumicës së futbollistëve në histori të këtij sporti. Ai mbush 10 vjet në Barcelonë, klub për të cilin ka treguar besnikëri të madhe nga klub i cili atë e bëri super yll. Në kohën kur futbollistët ndërrojnë klube e mjedise për pak para dhe më shumë brengosen për frizurat e tyre ose modelin e patikave, Mesi është njeriu që tregim se futbolli është mënyrë e mirë e kapërcimit të çdo pengese dhe realizimit të çdo ëndrre në jetë.
Lista e trofeve
Trofetë me klub:
Kampion i Spanjës: 2005, 2006, 2009, 2010
Fitues i Kupës së Spanjës: 2009
Kampion i Evropës: 2006, 2009
Fitues i Superkupës së UEFA-s: 2009
Fitues i Kupës së Botës për klube: 2009
Trofetë individualë:
Futbollisti më i mirë i FIFA-s: 2009
Ekipi ideal i FIFA-s: 2008, 2009
Futbollisti më i mirë i Ligës së Kampionëve: 2009
Fitues i Topit të Artë: 2009
Golashënuesi më i mirë në Spanjë: 2009, 2010
Golashënuesi më i mirë në Evropë: 2010