Dardania.de - Shiko Postimin Tek

Arb · 21-03-06, 15:22

Të rinjtë përkujtuan Presidentin Rugova - njeriun që ndërtoi shtetin e Kosovës

Prishtinë, 21 mars - Presidenti historik i Kosovës Ibrahim Rugova, është përkujtuar dy muaj pasi u nda nga jeta në një akademi përkujtimore të organizuar nga Forumi i Rinisë së LDK-së, në Teatrin Kombëtar në Prishtinë, ku merrnin pjesë udhëheqësit më të lartë të vendit - Presidenti Fatmir Sejdiu, kryekuvendari Kolë Berisha, anëtari i Kryesisë së Kuvendit Sabri Hamiti, si dhe ministra e mysafirë të tjerë.

Në një akademi të thjeshtë, duke respektuar frymën e modestisë së Presidentit Rugova, ka folur vetëm kryetari i të rinjve të kësaj partie Sejdë Tolaj, ndërsa janë lexuar fragmente të ideve qendrore të filozofisë politike të Presidentit Rugova si dhe copëza të bashkuara nga shkrimet kushtuar atij.

Ndërsa, sfondi i skenës në teatër ishte zbukuruar vetëm me një foto të madhe të Presidentit Rugova, ku shquhej buzëqeshja e tij karakteristike, si dhe fjalët e mbivëna: "Lutu për ne dhe Kosovën, siç po lutemi Ne për Ju President i Kosovës"! Në skajin e djathtë të platosë, qëndronin flamuri kombëtar në mes të flamurit presidencial dhe flamurit të LDK-së.

Tolaj, pas muzikës së Himnit Kombëtar dhe atij të propozuar për himn të Kosovës, dhe një minutë heshtjeje të mabjtur në shenjë nderimi për Presidentin Rugova, tha se ai me 16 vjet të politikës së tij personifikoi përpjekjet e vazhdueshme shqiptare për krijimin dhe ndërtimin e shtetit të pavarur të Kosovës.

"Prijësi ynë me urtësinë e tij fitoi simpatinë e botës së qytetëruar dhe u bë simbol i humanizmit", tha Tolaj. Ai shtoi se këta dy muaj pa praninë fizike të Presidentit Rugova, ishte kohë e zotimit dhe përbetimit jo vetëm të shqiptarëve, por edhe të sintitucioneve për përmbushjen e vizionit të Presidentit për Kosovën shtet sovran dhe të pavarur.

Ai ka kritikuar ata, që sipas tij, po përpiqen të marrin vendime brenda partisë në emër të asaj se çfarë ka dashur të thotë apo të bëjë Presidenti Rugova. "Kohëve të fundit shumëkush e merr lirinë që të flasë për atë se çka ka dashur të thotë e çka ka dashur të bëjë Presidenti", tha Tolaj, i cili një ditë pas vendimit unanim në kryesinë e LDK-së, anëtar i së cilës është, për shkarkimin e kryekuvendarit Daci, ishte deklaruar me kryesinë e Forumit kundër këtij vendimi.

Ai dhe të rinjtë e LDK-së me dallim nga ata që po veprojnë ashtu, tha se nuk dëshirojnë të profetizojnë dhe të japin përgjigje, në atë se si do të kishte reaguar në këto situata. Por, filozofia e Presidentit Rugova njihet si amortizuese e kundërshtimeve.

"Presidenti ynë asnjëherë nuk ka kthyer goditje, por të gjitha i ka amortizuar në brendinë e shpirtit të tij të madh", tha Tolaj, duke kërkuar që politika e LDK-së t'i referohet kësaj urtësie, këtij qëndrimi. "Do t'i dalim zot këtij vendi që mendja, vizioni dhe puna e tij e solli këtu. Do t'i dalim zot Kosovës tonë dhe të Dr.Ibrahim Rugovës", tha Tolaj, i cili rikujtoi se i takon rinisë, të cilën Presidenti Rugova e quante "brezi i Republikës së Kosovës".

21-03-06, 15:22	#2
Arb Anëtarësuar: 09-10-04 Vendndodhja: Little Dardania, NEW YORK Postime: 11,439	Të rinjtë përkujtuan Presidentin Rugova - njeriun që ndërtoi shtetin e Kosovës Prishtinë, 21 mars - Presidenti historik i Kosovës Ibrahim Rugova, është përkujtuar dy muaj pasi u nda nga jeta në një akademi përkujtimore të organizuar nga Forumi i Rinisë së LDK-së, në Teatrin Kombëtar në Prishtinë, ku merrnin pjesë udhëheqësit më të lartë të vendit - Presidenti Fatmir Sejdiu, kryekuvendari Kolë Berisha, anëtari i Kryesisë së Kuvendit Sabri Hamiti, si dhe ministra e mysafirë të tjerë. Në një akademi të thjeshtë, duke respektuar frymën e modestisë së Presidentit Rugova, ka folur vetëm kryetari i të rinjve të kësaj partie Sejdë Tolaj, ndërsa janë lexuar fragmente të ideve qendrore të filozofisë politike të Presidentit Rugova si dhe copëza të bashkuara nga shkrimet kushtuar atij. Ndërsa, sfondi i skenës në teatër ishte zbukuruar vetëm me një foto të madhe të Presidentit Rugova, ku shquhej buzëqeshja e tij karakteristike, si dhe fjalët e mbivëna: "Lutu për ne dhe Kosovën, siç po lutemi Ne për Ju President i Kosovës"! Në skajin e djathtë të platosë, qëndronin flamuri kombëtar në mes të flamurit presidencial dhe flamurit të LDK-së. Tolaj, pas muzikës së Himnit Kombëtar dhe atij të propozuar për himn të Kosovës, dhe një minutë heshtjeje të mabjtur në shenjë nderimi për Presidentin Rugova, tha se ai me 16 vjet të politikës së tij personifikoi përpjekjet e vazhdueshme shqiptare për krijimin dhe ndërtimin e shtetit të pavarur të Kosovës. "Prijësi ynë me urtësinë e tij fitoi simpatinë e botës së qytetëruar dhe u bë simbol i humanizmit", tha Tolaj. Ai shtoi se këta dy muaj pa praninë fizike të Presidentit Rugova, ishte kohë e zotimit dhe përbetimit jo vetëm të shqiptarëve, por edhe të sintitucioneve për përmbushjen e vizionit të Presidentit për Kosovën shtet sovran dhe të pavarur. Ai ka kritikuar ata, që sipas tij, po përpiqen të marrin vendime brenda partisë në emër të asaj se çfarë ka dashur të thotë apo të bëjë Presidenti Rugova. "Kohëve të fundit shumëkush e merr lirinë që të flasë për atë se çka ka dashur të thotë e çka ka dashur të bëjë Presidenti", tha Tolaj, i cili një ditë pas vendimit unanim në kryesinë e LDK-së, anëtar i së cilës është, për shkarkimin e kryekuvendarit Daci, ishte deklaruar me kryesinë e Forumit kundër këtij vendimi. Ai dhe të rinjtë e LDK-së me dallim nga ata që po veprojnë ashtu, tha se nuk dëshirojnë të profetizojnë dhe të japin përgjigje, në atë se si do të kishte reaguar në këto situata. Por, filozofia e Presidentit Rugova njihet si amortizuese e kundërshtimeve. "Presidenti ynë asnjëherë nuk ka kthyer goditje, por të gjitha i ka amortizuar në brendinë e shpirtit të tij të madh", tha Tolaj, duke kërkuar që politika e LDK-së t'i referohet kësaj urtësie, këtij qëndrimi. "Do t'i dalim zot këtij vendi që mendja, vizioni dhe puna e tij e solli këtu. Do t'i dalim zot Kosovës tonë dhe të Dr.Ibrahim Rugovës", tha Tolaj, i cili rikujtoi se i takon rinisë, të cilën Presidenti Rugova e quante "brezi i Republikës së Kosovës".