[Linka_pz]

Shkencëtarët kanë përdor me sukses teknikat inxhinierike të indeve për të rritur dhëmbë pothuajse në formën e plotë në kafshë. Ata besojnë se ky zbulim i madh do të mund të çonte drejt krijimit të dhëmbëve surrogatë biollogjikë që do të zëvendësonin dhëmbët e njeriut.

Dr Pamela Yelick është e mendimit se një ditë do të bëhet e mundur rritja e dhëmbëve të njeriut në madhësinë dhe formën e dëshiruar të cilët do të zënin vend në nofull posi dhëmbët natyrorë.
Ajo parashikon se brenda 5 vjetëve, do të marrim vesh me saktësi nëse qelizat zanafillëse të dhëmbëve mund të manipulohen për të bioinxhinieruar dhëmbët. Pastaj për të mbërritur në krijimin e dhëmbëve të njeriut do të duheshin edhe 5 deri 10 vjetë të tjera.
Dhëmbët sintetikë implantues që përdoren sot për të zëvendësuar dhëmbët e njeriut ndonëse shpesh e kryejnë si duhet rolin e tyre, nuk kanë hijen e dhëmbëve natyralë.
Për më tepër ndërsa kafshimi i njeriut ndryshon me moshën, dhëmbët e implantuar nuk zhvendosen në mënyrë të natyrshme në nofull.