[Urata]

Edhe sot qytetarë dhe delegacione i bëjnë nderime Presidentit Rugova






Prishtinë, 28 janar - Qindra qytetarë dhe delegacione të LDK-së, kanë vazhduar edhe sot ta vizitojnë dhe të vendosin kurora lulesh mbi varrin e Presidentit Rugova, në "Varrezat Përkujtimore" në Velani.
Të pesë degët e LDK-së nga Prishtina, në grupe të veçanta, kanë filluar të vendosin kurora nga ora 10.00, në një ceremoni që ka zgjatur për rreth dy orë. Edhe pas kësaj kohe, vizita spontane dhe në grupe janë duke vazhduar. Deri më tash e kanë vizituar mijëra veta vendin ku prehet Presidenti Rugova, që nga dita e enjte kur rreth një milionë qytetarë, nga Kosova, e të gjitha vendet ku jetojnë shqiptarët, përfshirë SHBA-të dhe Australinë, i thanë lamtumirën e fundit, Presidentit Rugova.
Presidenti Rugova u nda nga jeta të shtunën e kaluar, më 21 janar.

http://www.kosova.com/~news/foto/2006/060128_foto3.jpg