[Murgesha]

Arti i Meshës solemne për njerëzit institucion

Teksa ndjej e ftohtësinë e largësisë fizike dhe ngrohtësinë e frymës tande të pavdekshme, më duket sikur jam frymëzuar nga shpirti yt i shenjt. Teksa po të flas, një festë lotësh bie mbi mermer! Një çast mallëngjimi e dashurie sikur unë të rilindem dhe jo Krishti në k’të fundvit të brishtë për Kosovën plot terr e dhunë psikologjike gjithfaresh… Pas epokës tande z. President, Dardania jonë ngjanë në një pallat inkuzicioni dhe një spital mëshire. Aty ka edhe njerëz e korba që pa pra krrokasin sikur këmbana të vdekjes së paralajmëruar. Më duket se ndjej zërin e profesor Aganit tek qeshet me misteriozitet të ndjeshëm duke ironizuar pohimet aktuale të ndërkombëtarëve për “zgjedhje demokratike” sipas standardeve europiane!
“Pse po na çsyzojnë nga të prekurit e dritës, do të pyeste Enveri”!
Ndërsa Afrim Maliqi do citonte Kadarenë: Kjo është mënyra evropiane e çsyzimit. Japin mjete materiale për më shumë energji elektrike gjatë dimrit, por nga mungesa e e dritës, plot 3 vjet pa 24 me 0 të kryeministrit, heqja e befasishme e cohës së zezë do na shkaktojë verbim të plotë! Me butësinë e një profeti, Xhema do i buzëqeshte të gjeturave në Raportin e Progresit të BE-së dhe raportet e shumta të organizatave ndërkombëtare për lirinë e fjalës, krimin dhe korrupcionin! Çka mbetet këtu e paqartë?! EU politika e karrotës dhe e shkopit nuk do mend se është ekskluzivitet i atyre që udhëheqin, por jo atyre që keq qeverisen! Institucionet tona e kanë gojën plot “përparim”, ato vërtetë mendojnë se mund të hedhin krip në sy të qytetarëve. Ato nuk japin sqarim bindës pse jemi jasht procesit të lëvizjes së lirë dhe liberalizimit të vizave. Qeveria nuk sqaron dot pse nuk është pjesë e Hapësirës