[Dardania^Hero]

Simonds: Nuk jam pasardhësi i Briatores
"Jam inxhinier në shpirt". Pat Simonds, shef i inxhinierëve te Renault, përgënjeshtron kështu zërat që e cilëosnin si trashëgimtar të Briatores. Simonds që në skuderinë franceze është edhe drejtor i strategjive për garat, i vë kapak spekulimeve që qarkullonin ditët e fundit që e shihnin si pasuesin e Briatores ditën kur Flavio të vendosë të kalojë stafetën. "Duke qenë se jam inxhinier me mish e me shpirt, shkoj aty ku më çojnë interesat e mia", thotë Simonds. "Ndryshimi i roleve brenda skuderisë Renault, është e drejtë që t'i lihet të rinjve. Kemi shumë të rinj premtues dhe unë përfaqësoj përvojën. Dëshira ime nuk është të jem shef, por të shoh stafin që e çon makinën në një drejtim të ri. Me ndërrimin e gomave na u desh të ndërronim disa gjëra në makinë dhe harmonia në skuadër është fantastike. Të rinjtë janë shumë të aftë dhe punoj me kënaqësi me ta. I kemi rritur deri këtu dhe tani presim që të marrim mbi supe përgjegjësitë".