[4peace]

***

More,
paskan filluar te dyshojne dhe hamenden edhe ati shtete qe na kane njohur (ishalla s'bohen pishman...)
...se, po te vazhdojme te ecim mbrapsht, s'eshte per t'u cuditur qe dikush behet pishman (pendohet)...
...per arsye se e kane pranuar si shtet pa fussnote (demek cello durrzhave hesapi) e jo te gjymte me ne fund...

1244 e pamundëson lobimin
Artan M. Haraqija | 20-02-2012 00:33 CET

Nëse qeveria e Kosovës vërtet e ka pranuar rezolutën 1244, atëherë kjo e bën lobimin për pranimin e Kosovës pothuajse të pamundshëm, vlerëson një eurodeputet për “Zërin”.

I shqetësuar nga lajmi që ka marrë të dielën se kryeministri i Kosovës, Hashim Thaçi, e ka pranuar përfaqësimin e Kosovës edhe në kuadër të rezolutës 1244, një nga pjesëtarët më me ndikim i parlamentit të BE-së e ka kontaktuar “Zërin” për ta konfirmuar nëse kjo është e vërtetë apo jo?

Duke mos pranuar të flasë zyrtarisht, ai kujton kohën kur raportuesja për Kosovën në Parlamentin e BE-së, Ulrike Lunacek, e kishte prezantuar rezolutën e saj të fundit për Kosovën.

“Atëkohë eurodeputet socialistë grekë, rumunë e qipriotë, por edhe disa nga përfaqësuesit e partive popullore (grupi më i madh parlamentar) kërkonin me ngulm përfshirjen në këtë dokument edhe të rezolutës 1244. Kur ne që vijmë nga shtete që e kanë njohur Kosovën nuk e lejuam këtë gjë, ata na pyesnin, ‘çka keni kundër kësaj rezolute’? Ne iu thamë, përderisa 22 vende e kanë pranuar Kosovën shtet, rezolutë 1244 nuk ka më. Tash, të them të drejtën nuk e di se çfarë do të themi më”, thotë ky eurodeputet që është dhe një nga përkrahësit më të mëdhenj të pavarësisë së Kosovës.

Ai kujton një takim para pak ditësh në Strasburg me komisionerin për Zgjerim, Stefan Fyle, i cili është dukur i shqetësuar nga kokëfortësia e palës kosovare që të paraqiten patjetër si Republikë dhe pa rezolutën 1244.

“Ai ishte i shqetësuar se po afrohej koha e takimit të radhës, kur pritet t’i jepet Serbisë statusi i kandidatit, ndërsa pala kosovare dukej se nuk do të lëshonte pe. Tani besoj se edhe vetë Fyle është habitur me këtë qëndrim krejt të kundërt. Ndoshta vizita e Burnsit është arsyeja pse ndryshoi qëndrimi kaq papritmas”.

***