[Fshatari]

Rita në Tiranë dukej si një princeshë e vërtetë
Tiranë, 1 dhjetor - Vajza e motit në ABC News, Floriana Garo rrëfen për gazetën panorama të gjitha impresionet me Rita Orën, në bisedat me këngëtaren pas kuintave të koncertit.
Ti munde të njiheshe me Rita Orën. Si do ta përshkruaje pamjen dhe tipin e saj pas kuintave?
Pamja e saj ishte magjepsëse. Ajo kishte atë vetinë që i tërhiqte njerëzit shumë, aq sa të gjithë nuk ngopeshin duke e parë. Rita ishte më e vogël në trup në krahasim me mua, por shumë e ëmbël dhe energjike. Mund të them se ishte shumë e emocionuar për faktin që performonte për një ngjarje kaq të rëndësishme për popullin e saj. Po ashtu, fustani i Rita Orës më la pa fjalë. Nuk arrita dot ta kuptoja cili ishte stilisti, por ajo dukej një princeshë e vërtetë.
Munde të komunikoje me të dhe si u ndje ajo para dhe pas daljes në skenë?
Komunikova pak me të pasi erdhi me kryeministrin, ndërkohë që unë isha në skenë. Performancën e saj e pashë nga shumë afër dhe ajo ishte krejtësisht e përfshirë në atë performancë. Donte të fliste sa më shumë shqip për publikun, që e kishte pritur me aq padurim.
Ndikoi shiu i rrëmbyeshëm në humorin e saj dhe a shfaqi Rita ndonjë tekë të momentit?
Shiu patjetër që ndikoi negativisht, sepse e pengoi t’i afrohej më shumë publikut teksa këndonte.
Por shumë prisnin të shihnin Ritën e qeshur siç e kemi parë në klipe, ndërsa në këtë koncert ajo u duk pak më ndryshe. Cili ishte tipi që ajo shfaqi pas kuintave?
Ajo ishte e qeshur natyrisht, por duhet konsideruar fakti që ishte shumë e emocionuar, sepse ishte hera e saj e parë në Shqipëri.
Mes jush i shprehu përshtypjet e saj personale për njerëzit që gjeti në Tiranë?
Në fakt, ajo dukej që ishte mjaft e lumtur që ndodhej mes njerëzve të saj, mes patriotëve të saj. Ndoshta mund të ketë qenë një nga netët më të bukura për të, sepse këtë gjë ajo e komentoi jo vetëm në skenë, por edhe duke shkruar në twitter për këtë eksperiencë. Madje, edhe i dashuri i saj, Rob Kardashian, e komentoi këtë ngjarje.
U fol se ajo pas koncertit do të argëtohej në një club të Tiranës, por në fakt ajo shkoi direkt në hotel. Pse nuk pranoi të kalonte disa momente argëtimi ndryshe?
Besoj që ka qenë një ditë e lodhshme për të: udhëtimi, emocionet, koncerti dhe ndaj ajo s’ka mundur. Është krejtësisht normale.
Premtoi Rita një herë të dytë në Shqipëri?
Ajo nuk e shprehu gjatë koncertit, por jam e bindur që do të kthehet sërish.
__________________________________________________ __
Berisha: Rita Ora, më yll se Madonna
Tiranë, 1 dhjetor - Të thuash që është Madonna, është pak. Është diçka mes Beyonces dhe Rihannës, është e mrekullueshme, superstar. Kështu e cilësoi kreu i qeverisë shqiptare, Sali Berisha këngëtaren Rita Ora, ndërsa u shfaq si një njohës i mirë i repertorit të saj.
Përveç zërit të saj, R.I.P është një këngë që çon peshë zemrat e të rinjve në të gjithë botën, tha kryeministri.
Berisha tha se Rita është një atdhetare e flaktë dhe është edukuar nga një familje shqiptare, duke pohuar gjithmonë se është shqiptare dhe kosovare.
Kreu i qeverisë, tha se pas gjithë asaj lodhje që ishte akumuluar gjatë gjithë muajit, u shkri kur të rinjtë në shesh i gëzoheshin ritmeve të saj.
Ndërkaq, vetë Rita Ora është shprehu mjaft e ekzaltur nga pritja që i është bërë në Shqipëri. Pas mbylljes së performancës së saj në Tiranë, Rita Ora ka shkruar në Twitter se e gjitha është e pabesueshme, ëndrra po bëhet realitet.
Pavarësisht shiut, të gjithë të pranishmit në koncert mbyllën çadrat për të festuar bashkë me yllin shqiptar, shkruan Panorama.
____________________________________________
http://www.kohaditore.com/index.php?page=1,6,125489
__________________________________________________

Ylli shqiptar qe ndriçon token e bekuar shqiptare e tmerron fqinjet tane ziliçare e zullumçare :



Princesha sublime shqiptare : Rita ORA, nje yll qe s'fiket kurrë.