[pasioni_]

09.04.2012

Ishte ditë interesante. Kushtetuta, Kosharja, Mitrovica,.... Shumë biseda, takime, manifestime dhe "manifestime" ndodhën sot. Shumë biseda, analiza dhe komente u bënë me këtë rast. Shteti e ka Kushtetutën. Shteti nuk e mbronë, nuk e respekton por përkundrazi e shkel dhe përdhosë Kushtetutën. Kosharja na ktheu prapa në kohën e luftës se lavdishme. Na kujtoi dhe rikujtoi të kaluarën jo të largët. Kosharja na mbushi me ndjenjën e atdhedashurisë dhe na rikujtoi detyrat tona për realizimin e porosisë së të rëneve për liri. Është borxhi jonë ndaj tyre dhe gjeneratave që vijnë. Ata ranë për ne dhe për të ardhmen tonë.
Derisa ishim me mendje dhe me shpirt në Koshare erdhi Mitrovica. Një grusht huliganësh, edhe një herë treguan, se janë më të fortë se shteti. Huliganët tregojnë vendosmëri në realizimin e qëllimeve dhe nuk e ndalin veprimtarinë e tyre. Shteti, deklarativisht reagon, proteston por nuk ndërmerr asgjë. Shteti është më i dobët se grupi i huliganëve të organizuar dhe të mbështetur nga një shtet tjetër.

Deri kur? Deri kur do të luajmë dhe aktrojmë se kemi shtet? Nuk e di....

pasioni_