[Skofiar]

ritta,

Faleminderit që më lexon dhe inkurajon sepse në këtë vorbull që ka krijuar interneti kur te lexon dikush, çdo autor ndien kënaqësi.

Përshëndetje dhe respekt
skofiar

-------

lirik,

Është hera e dytë që i kushton kohën poezive të mia. Të falënderoj nga zmera dhe të përshëndes me shumë respekt. Herën e dytë ke bërë një kritikë që më pëlqeu. Të lumtë, sespe kur e skam shkruar atë poezi pikërisht atë motiv e kam trajtuar.

Unë nëse ende nuk kam bërë një reagim në temat tua ku ti shkruan poezi, dije që megjithatë të lexoj me deshirë. Që të bindesh se të lexoj po e konfirmoj se t'i di edhe problemet dhe mosmarrëveshje që ke pasur në një forum tjetër.

Sinqerisht dhe miqësisht
skofiar

Në vazhdim një poezi nga repertoari im
--------------------------------------------

PËRSIATJE...

Ah mëkat, i bukuri mëkat!
Ende joshesh në pambarim
Unë hija jote që të rri ngatë
E të përcjell me përkushtim.

Ah ëndërr, e bukura ëndërr!
Edhe kur s’më flet, me ty flas
Sa të ika, më dole zhgjëndërr
Dhe gjurmëve më ndjek pas!

Ah dhimbje, e bukura dhimbje!
Sa shumë djeg e përvëlon
Çdo vdekje thonë është rilindje?
Si ikja, si kthimi yt drithëron.

Ah trazim, i bukuri trazim!
Cilin ligj hyjnor shkele Ti?
Pse ky flijim, pse ky gjunjëzim?
Pse dhimbje e lot përsëri?

Ah pëshpërimë, o pëshpërimë
Do të shkrijmë bashkë përsëri
E pres atë ditë ... psherëtimë
Dhe zjarri yt lè të më bej hi.

Ah ndjenë, e bukura ndjenjë
Ruaje kujtimin që përtërinë
.........................................
Ruaj për besnikët kur vinë…