[4peace]

*


Pyetje:
A do të mund të thoshit se një lloj Marshall-Plani për më të varfërit e kësaj bote do të kishte qenë një fillim i mirë për kthim nga udha jonë destruktive?

Përgjigje:
Plani-Marshall, Banka Botërore, Banka Zhvillimore Interamerikane, Banka Zhvillimore Aziatike, të gjitha këto kanë mundësi për një ndryshim të njëmendtë – një të ardhme të përndritur, nëse doni të shprehem kështu. Ata tashmë i posedojnë të gjitha institucionet e domosdoshme, në mënyrë që me mëshirë ndaj botës t’ia shtrijnë dorën (e ndihmës) si dhe t’i zgjidhin problemet më të mëdha.

24 mijë njerëz në ditë vdesin nga uria, 30 mijë fëmijë për shkak të mungesës së përkujdesjes shëndetësore. Kjo s’duhet të ndodhë. Familjet dhe njerëzit përreth janë shumë të pezmatuar: Ata e dijnë se për çfarë është duke ndodhur kështu – jo vetëm pse sistemi i atjeshëm ka dështuar, porse edhe për atë se ne i krijojmë kushtet në vendet e tyre, të cilat edhe i shkaktojnë këta probleme. Mirëpo, këto banka (të lartëpërmendura) dhe mu korporatat tona të mëdha mund t’i zgjidhin këta probleme.



Paramendoni sikur të ngritej populli amerikan e të kërkonte që „Coca-Cola“, „Nike“ dhe „McDonald’s“-i duhen të garantojnë se askush në botë nuk guxon të jetojë pa ujë, pa veshëmbathje apo pa ushqim. Këtë gjë kanë mundësi për ta bërë këto firma. Ato posedojnë me mjete të domosdoshme. Sikur të ishin obliguar për këtë, atëherë edhe konkurrenca do të vepronte njësoj.

Imperiumi i krijuar nga ne e ka një aspekt unikat. Në rend të parë është krijuar nga një shtet, i cili ka ideale shumë të larta dhe standarde morale dhe popullata e mëshirueshme e së cilës beson në një qeveri të popullit, për popullin dhe nëpërmjet popullit. Sipas bindjeve të tija, çdonjëri ka të drejtë për të jetuar, për liri dhe përpjekje për lumturi. Kjo është përcaktuar në dëftesat tona më të shenjta. Mirëpo, në vend të këtyre kemi një qeveri të korporatave, nëpërmjet korporatave dhe për korporatat. Ne i kemi krijuar këta sisteme që kanë arritur deri në skajet më të largëta të planetit Tokë, kurse unë mendoj se mu aty qëndron edhe shpresa jonë. Një Marshall-Plan për gjithë botën apo mundësia për ta arritur gjithë botën me ndihmën e Bankës Botërore apo Fondit Monetar Botëror – këto janë mundësi shumë konkrete. Në fillim mund të jenë pasojat e 11. shtatorit. Ndoshta na duhen edhe ca vite por, më në fund, do të hetojmë se ka ardhur koha t’i qasemi zgjidhjes së këtyre problemeve me zemër, arsye (të shëndoshë) e shpirt.
Pyetje:
Ç’ju ka shtyer për ta shkruar këtë libër?



Përgjigje:
Pas 11. shtatorit isha në “Ground Zero”, aty ku më herët qëndronin kullat binjake të World Trade Center-it. Këtë shkatërrim të paimagjinueshëm e kam shikuar dhe me këtë rast më është bërë e qartë që, me gjithë betimin e dhënë për të heshtur, më duhet ta shpjegoj këtë histori. Më duhej ta bëj nga shumë arsye, por njëra nga më të rëndësishmet është vajza ime, tanimë 22-vjeçare. E vetmja mundësi për t’i ofruar asaj një botë më të mirë qëndron në atë që të përqendrohem për ta bërë botën më të mirë – për t’i shporrur shkaqet e zemërimit, urrejtjes dhe vuajtjeve në botë. Forcat e sigurisë nëpër aeroporte dhe armatat nuk do të mund të na ofrojnë më siguri. Më tepër siguri mund të ketë nëse vërtet bashkëndihmojmë në bashkimin e gjithë botës e të mund të arrijmë me të vërtetë dashuri, mirëqenie e paqë.




***
burimi:
John Perkins (gjermanisht/deutsch)" Bekenntnisse eines Economic Hit Man." München, 2005, Riemann Verlag."

Informata të mëtutjeshme(anglisht/english) www.johnperkins.org