[Kalt]

Bush i bën thirrje Sirisë të ndalet


Bush tha se dyshonte për përpjekje për kthimin e Sirisë në LibanPresidenti Bush e ka akuzuar Sirinë se po përdor grupin ushtarak militant Hezbollah në përpjekje për të ushtruar influencën e tij në Liban.
Duke folur në Uashington për krizën në Lindjen e Mesme, ai sugjeroi se veprimtaria e Hezbollahut ishte e orkestruar nga DAmasku.
Presidenti amerikan tha se dyshonte se disa vetë në Liban do të përpiqen që ta ftojnë përsëri Sirinë brenda vendit
"Shkaku kryesor është Hezbollahu dhe ky problem duhet të adresohet në skenën ndërkombëtare duke i bërë të qartë Sirisë se duhet të ndalë mbështetjen e saj për Hezbollahun."
"Mua më duket se Siria po përpiqet që të kthehet në Liban."
"Ka dyshime se destabiliteti i krijuar nga sulmet e Hezbollahut do t'i bëjë disa në Liban që ta ftojnë përsëri Sirinë atje dhe kjo është kundër politikave të Kombeve të Bashkuara dhe Shteteve të Bashkuara," tha zoti Bush.
Presidenti amerikan shtoi se ishte shumë e rëndësishme që qeveria libaneze, e cila erdhi në pushtet pasi Siria i dha fund pushtimit të Libanit një vit më parë,- duhet të mbijetonte dhe të kishte sukses.
Ndërkohë kryeministri izraelit, Ehud Olmert, e ka akuzuar Iranin se ka nxitur raundin e fundit të përplasjeve të armatosura mes Izraelit dhe Hezbollahut me qëllim që të largojë vëmendjen ndërkombëtare nga programi i tij bërthamor.
Zoti Olmert u tha diplomatëve izraelitë se Irani kishte koordinuar kapjen e dy ushtarëve izraelitë një javë më parë, - incident ky që provokoi eche sulmet e Izraelit mbi Libanin.
Qëllimi ishte që programi i debatuar bërthamor i Iranit të mos ishte në axhendën e samitit të vendeve të G-8-s që u mbajt në fundjavë në Shën Pjetërburg.

BBC