[Zero Cool]

Murgesha Postuar: Wed Feb 11, 2004 1:01 am Titulli i mesazhit:

--------------------------------------------------------------------------------
Zero_Cool sa her po hyj ne kete teme dhe po shoh keta numra ketu po mbeshtillem krejt. Te lutem nje skjarim nese ka mundesi.
Per cka sherbejne dhe cfare kuptimi kane?
Pershendetje nga Murgesha.

Këtë pytje Murgesha e bëri në temën U HaP PraPDugojA-Proxy

Shumë e nderuara Murgesha !

Gjdo kompjuter i cili hyn në rrjet (Network, internet) është i obliguar ta ketë një emër, ti psh identifikohesh me nofkën Murgesha unë Zero Cool etj. kurse kompjuteri identifikohet me një numër unik. Në bazë të këtij numri pastaj mund të gjindet parapaguesi i tij dhe dihet pronari i saktë. Kështu që edhepse shumica e njerëzve mendojnë që kur të hyn në internet gjenden në një anonimitet të thellë, kjo fare nuk është e sakt. Në bazë të këtij numri (emër për PC) identifikohet edhe shfrytëzuesi i rrjetit(internetit). Për dallim nga njeriu kompjuterit i jepet një numër pra në vend të emrit i cili mund të jetë prej 4 x 3 numrave dhe atë prej nr. 0.0.0.0 e deri te numri 255.255.255.255 .Këta numra mund të ndahen në 4 kategoti pra, psh nëse një PC e ka nr. 123.456.789.0 këtë emër të PC-së mund ta ndajmë në 123(A), 456(B), 789(C), 0(D). Provajderët e mëdhenjë zakonisht i kan të blerë numrat D dhe C , kurse ata ma të vegjël vetëm D. Lidhja e internetit ADSL ta jep mundësinë që ta kesh numrin e përhershëm (të njëjtë), kurse lidhjet tjera, më të ngadalshme pra nuk ta japin numrin e përhershëm por sa herë që ti lidhesh në rrjet e përdorësh një numër të provajderit tënd (dmth. gjithmonë është tjetër).
Tani kur i kemi këto gjëra të qarta duhet ta dijmë edhe një gjë . Në të vërtetë asnjë faqe(web site) nuk është asgjë tjetër përpos një numër i ndarë në 4 pjesë(kategori). kështu psh www.dardania.de nuk është asgjë tjetër përpos 212.97.132.102 apo www.shqip.dk është 195.47.247.41
Ka shumë njerëz të cilët për arsye të ndryshme kan dëshirë që kur të hyn në rrjet ,internet, nuk duan që të tjerët ta dijnë se kush është ai (gjithmonë duke u nisur që i gjehet numri i PC-së pastaj parapaguesi i inernetit edhe adresa e sakt e personin bile edhe me gjith numër të telefonit). Për ti mëshefur fërkemët në internet pra njeriu e ka zbuluar edhe të ashtuquajturin proxy server. Ky farë proxy serveri nuk është asgjë tjetër përpos një ndërmjetësues mes teje si shfrytëzues edhe pjestarëve tjerë në rrjet. Do të thotë Proxy Serveri është mbulesa jote, dhe nëse dikush e përdorë një Proxy Server për komunikim me tjerët në rrjet atëherë numri (emër) i PC-së së tij është i mbuluar(mshefur) pas numrit të Proxy Serverit dhe gjdo tentim për ta ditur se kush është personi është e pamundur. Tani këtu këta Proxy Server ndahen në : Transparent. Anonim dhe Anonim të Thellë.
Këta pra janë PROXYT(Proxy Server) të cilat po i botoj unë për gjdo ditë të freskët
Këtu duhet ta ceki që validiteti i këtyre PROXYve nuk është i përhershëm, ai vlen një ditë, apo 2-3 orë apo një javë e pastaj jo. Por edhe këta proxyt ndahen në grupe të veçanta. Psh. për shfletimin e web siteve janë tjerë PROXY kurse për IRC (chat) tjerë...
Me siguri e ke parë ndonjëherë në chat kur dikush e ka mbushur faqën me të shara të ndryshme edhe i ka penguar tjerët të chatojnë normalisht. Operatorët në atë rast ja bëjnë ndalesë personit në fjalë,përdorimin e chatit (serverit), edhe ai nuk mund të hyj më aty por nëse personi në fjalë ka hyrë me anë të një Proxy Serveri atëherë Operatori ska bë tjetër përpos ja ka ndaluar një adrese të gabuar hyrjen. Ky tani e përdorë një Proxy Server tjetër edhe hyn prap edhe e bën të njëjtën prap, e Operatorët ja ndalojnë prap e kështu deri në pakufi... E gjithë kjo pra Murgesha është një punë e mundimshme dhe e mërzitshme, por që Shqiptarët mos të lodhen duke kërkuar këso PROXY napër faqe të botës , unë e kam themeluar ZERO COOL PROXY COMPANY e cila prodhon këso farë proxysh edhe po i botoj këtu GRATIS.
Shpresoj që sadopak të kam ndihmuar ty edhe të interesuarve tjerë