[Alima]

...

LAMTUMIRË, IKA NË PUSHIM I THASH VETES

Kohë e vështirë, u lodha nga unë apo nga ti, s'di!
Jo, ti s’ke faj, as ju, por ai tjetri i cili s’kthjellohet dhe ende në errësirë qëndron, e që fatkeqësisht nuk është i vetëm.
S’dua të pranoj se s’ka...m vullnet të mjaftueshëm për të vazhduar, s’do t’i tregoj askujt se me forcën e fundit mundohem të shkruaj porosinë e radhës.

I lodhur si jam më shumë do t’ia vështirësoja vetes, më mirë të vazhdoj heshtjen dhe të kërkoj qetësi diku larg ku as veten s'mund ta gjejë.
Po pra, pse të mos pushoj dhe vetminë ta shijoj?!
Jo përgjithmonë, së paku për disa ditë të shkoj aty ku as hijen time se takoj.

Ah sa do të doja që njëkohësisht të merrem me armikun e jashtëm, jobesimtarin e brendshëm dhe besimtarin kokëfortë, e në ndërkohë diku i vetmuar të pushoj, unë pa veten time dhe askush tjetër, vetëm se me Krijuesin.
Më mirë të mos e marrë veten me vete, më bën trysni dhe s'më le të qetë, që moti më ka bindur se angazhimi i vazhdueshëm është jeta e vërtetë.

Puno, lexo, lufto, shkruaj dhe kombinoj pa e harruar All-llahun, e kur të kesh vdekur, në varr hijen tënde nuk e takon, atëherë pusho, më tha vetja.
S’do ta dëgjoja, por ja që ka të drejtë, si duket sërish s’do të çlodhem.

Falë All-lahut, u qartësua se pushimin e vërtetë në Xhennet e synoj, e si të kundërshtoj, kur asgjë tjetër s’kërkoj.

Samidin Xhezairi (Komandant Hoxha, Prizren)

.