[legenda]

Cilat janë fshehtësitë e shpirtit femëror?

(Dashuria i çon shpirtërat të flasin me engjëjt)

(Baki Ymeri, Bukuresht)





Dy gjëra i preferon burri i vërtetë: rrezikun dhe lojën, prandaj e do gruan, që është loja më e rrezikshme. Sipas një mendimi të (pa)pjekur, gruaja është dhurratë e butë për zbavitjen e burrit të fortë. A je burrë i fortë, pyet albanologu bukureshtar, Grigore Brënkush, duke shtuar se fjalët që ndërlidhen me përforcimin e lidhjeve ndërmjet burrit dhe gruas vijnë nga një lashtësi bimilenare trako-irlire, respektivisht rumuno-shqiptare (bukuri, buzë, puthje, futje etj.). Gruaja është është një përzjerje bizare që e ka krijuar Zoti. E ka nxjerrë femrën nga Parajsa për t’a përkëdhelur vetminë e burrit në botë. Sipas kulturës indiane, gruaja është një përzjerje kullosash, kafshësh, yjesh, zogjsh, stinësh, dëborash.

Ajo është një forcë e fshehtë që e mban ekuilibrin e Universit dhe që e përfaqson fuqinë e kësaj bote.

Krejt dyshimet që fshihen në shpirtin e burrit, e shndërrojnë gruan në një enigmë permanente.

Gruaja shëmbëllen me një legjendë në të cilën fshihen vetitë pozitive dhe negative përmes të cilavet ajo krijon një fuqi të brendshme, e aftë për t’i lëvizur bjeshkët nga vendi.

Si mund ta njohë forcën e gruas burri që gjendet pranë saj, për ta shoqëruar në rrugën e jetës? Fuqia e gruas nuk duhet minimizuar, as nga ana e saj, dhe as nga ana e burrit.

Sipas një mendimi tjetër të (pa)pjekur, gruaja është engjëll dhe demon. Atje ku forcat negative qëndrojnë mbi vlerat pozitive, gruaja din t’i zbusë dhe t’i bëjë të afta për të vepruar në drejtim të zhvillimit të relacionit me familjen, dashurinë dhe shoqërinë......