[Zero Cool]

Tiranë, Lek Plepi incident me policinë: Më bllokuan motorrin, u tallën me mua





Personazhi “i famshëm” i krijuar më së shumti në Facebook, Lek Plepi ka pasur një incident me policinë kohët e fundit.
Tek stacioni i Trenit në Tiranë ai është ndaluar nga policia rrogore e cila i ka bllokuar motorrin me të cilin po lëvizte i riu nga Shkodra.
Policia i ka thënë drejtuesit të mjetit se kishte shkelur rregullat duke lëvizur pa kaskë mbrojtëse në kokë.
“Më ndaluan dhe më thanë ke 10-20 mijë lekë gjobë, për shkak se nuk e ke mburojën në kokë dhe unë u tregova i gatshëm të shlyeja detyrimet dhe të largohesha, por ata filluan të talleshin, hajde bëjmë një foto, jo po rri ti, çfarë pune ke që s’rri me ne e kështu gjëra. Unë ndërkohë duhej të nxitoja për një takim, pasi kisha për të marrë paratë e një koncerti”, ka thënë Lek Plepi për median.
Ai shton se pasi i kundërshtoi policët, ata filluan të flisnin me njëri-tjetri dhe i kërkuan edhe 10 mijë lekë të tjera.
“Më thanë që nuk të lëmë të largohesh nëse nuk na i jep tani lekët. Unë u thashë që s’kam kohë të merrem me ju dhe u largova, ndërkohë që ata më mbajtën dokumentet”,
Pas kësaj Lek Plepi ka tentuar të kërkojë sqarime por drejtuesi i komisariatit nr.3 i ka kërkuar dokumentet dhe në përfundim policia ka bllokuar motorrin si dhe ka vënë 300 mijë lekë gjobë ndaj Lek Plepit.