[Zero Cool]

Dënim me kusht për mjeken e Gjilanit


Gjykata Themelore në Gjilan, pas shumë seancave gjyqësore në rastin e kthyer në rigjykim të doktoreshës Nakije Baliu, pediatre në Spitalin e Gjilanit, e ka shqiptuar masën e dënimit me burg prej gjashtë muaj, me kusht për një vit.


Afrim Shala kryetar i trupit gjykues këtë vendim e ka marrë pasi ka shtjelluar provat dhe janë dëgjuar dëshmitarët e propozuar nga prokurorja Rabije Jakupi.

Sipas aktakuzës, Baliu akuzohej se më 13 mars 2010 në repartin e pediatrisë me qëllim të përfitimit të kundërligjshëm të dobisë pasurore për vete ose për tjetrin, me dashje ka tejkaluar kompetencat pasi obligon një pacient të blejë në barnatore një terapi e cila ishte në fletën esenciale, shkruan rajonipress.

Nakije Baliu ka mohuar veprën kategorikisht, duke thënë se gjatë punës së saj profesionale është përpjekur të jetë në shërbim të pacientëve.