[Murgesha]

Postimi origjinal është bërë nga Murgesha

Eh kohë të arta e të vështira ishin vitet kur shkruaja në Dardani.
Ishte kohë kur shumë nga anëtarët argëtoheshim tek kafja e forumit, kishim temat për dashuri e diskutime shoqërore, dhe poetët që më vonë u bënë të famshëm pikërisht në Dardani filluan të hjedhin vargjet e para. Shumë prej këtyre poezive bënin fjalë për dashuri, vuajtje e shpresa për një të ardhme më të mirë.
Më kujtohen poashtu forumet për Diskutime Fetare e Forumi i Politikës.
Bo-bo skuqem edhe sot kur e kujtoj se sa zënkat e fyrjet i baheshin partive të ndryshme politike, religjioneve tjera, e besa edhe njëri tjetrit. Ishin disa që shfrenin ndjenjat e tyre më shoveniste pa pasë rrespekt për asgjë as për komb e as për fe.
Mirëpo kjo nuk vazhdoi gjatë. Diku kah fundi i 10 vjetçarit të dytë, vetëdija e popullit u ngrit në nivel shumë të lartë. Brezi i ri duke e parë se të vjetrit po e dërgojnë në humnerë popullin shqiptar u revoltuan një ditë dhe e morrën pushtetin në duart e veta.
Ata përmbysën çdo mendim antishqiptar, pastruan kokat e mykura të cilat mendonin vetëm për pushtet, filluan të ndërtojnë shtetin. Brezi më përparimtar që ndonjëherë ka pasë Kosova, lanë kisha e gjamija, lanë partitë dhe organizuan popullin që të kenë besim vetëm te përparimi i vetëdijës dhe moralit shqiptar. Organizuan kurse të ndryshme për moralin e rënë shumë poshtë të qytetarëve, duke u thirrurr në emër të stërgjyshërve shqiptar të cilët gjithnjë ja kanë dashtë të mirën këtij vendi.
Populli i përqafoi të gjitha progreset e brezit të ri. Nuk u dasht shumë kohë që sytë të hapen, të përqafohet vëllau me vëlla të shtrëngojnë grushtet deri në përgjakje dhe ja arritën, ja arritën që më në fund diku kah mesi i viteve të 20-ta, Kosova ti ngjajë parajsës. Parajsë të cilën sot e kësaj dite e gëzojmë. Sot Kosova është qendër botërore, me të mira materiale dhe shpirtërore. Populli jeton në paqë, i qetë e në liri. Është vigjilent dhe punëtor. Sejcili shikon punën e vet, ka standard të lartë të jetës e të vetëdijës qytetare.
E strukur në një nga sallat e Ekspozitës madhështore po kujtoja këto gjëra.
Eh sa tragjedi kemi përjetuar, por sa e mirë është sot jeta jonë.
Dikur shkruaja nga Mërgimi, e tani më ska mërgimtar shqiptar të shpërndarë në çdo cep të botës. Ska nevojë më se Kosova-Parajsë ka të mira materiale dhe pasuri për çdo qytetar të vetin.
Sot 26.09.50 është ora 1 e natës. Nesër në sheshin e qytetit do të bahet një manifastim madhështor për nder të qytetarëve. Hyrja do të jetë gratis, se qëllimi i manifestimit është që qytetarët të argëtohen e të pushojnë për vikend. Këto argëtime bëhen në emër të shtetit për falendërim qytetarëve punëtor të Shtetit Kosovar. I pari do e heq vallën e gezimit Kryetari i Kosovës i cili e pret me gëzim këtë manifestim. I gëzuar se do të jetë në mesin e qytetarëve të shtetit më demokratik në botë.

E Hënë 18.05.2054

Pikërisht me datën 23.05.2054 bëhen 4 vite që u hap Ekspozita e Dardanisë 2050.
Mbikqyrësit e kësaj ekspozite që në mëgnjez më erdhën në shtëpi e më lan vetëm 5 minuta kohë të bëhem gadi dhe drejt e në Ekspozitë. O çfarë befasie më priti atje.
Më ulën afër një tavoline dhe aty më shpalosën gjithë planin që kan përgaditur për të festuar përvjetorin e 4-të Ekspozitës. U mallëngjeva aq shumë sa që ke ka më lëshon shpirti. Pas një intervenimi nga mjeku më i njohur në qytet erdha në vete dhe munda të shof në detaje përgaditjet për këtë festë të madhe që do të mbahet të:

Shtunën me 23.05.2054

Fillimisht në orët e para të mëngjezit do të këndohet Himni i Shtetit, "Kur ka ra kushtrimi n`Kosovë". nëpër të gjitha sheshet e qytetit do të jehojnë autoparlantët e të gjithë qytetarët do të mbledhen tek Sheshi i Skëndërbeut. Prej aty do të nisen për në Sheshin Nënë Tereza ku edhe gjinden lokalet e Ekspozita e Dardanisë - viti 2050. Aty do të takojnë live anëtarët e vjetër të Dardanisë të cilët janë të ulur në në një palestër të ndërtuar enkas për ta.
Për anëtarët e vjetër të Dardanisë që nuk janë në mesin e të gjallëve do të mbahet një minut heshtje e fill pastaj do të ju përmendet niku me të cilët kan shkru dhe në shenjë përkujtimi për ta do ju lexohet nga një citat të cilët me dorë të vet e shkrujtën në Forumin e Shenjtë Dardan. Do të lexohen edhe shkrime të anëtarëve të gjallë. Kuptohet që anëtarët e gjallë do të kenë emocione e për shkak të pleqërisë së thellë dhe nga friga e keqësimit të gjendjes së tyre shëndetësore janë angazhuar ekipe të tëra mjekësh që do të përkujdesen për ta.

Patjetër mu desht të ndërhyj për të parë se çfarë citate do të lexohen. Mi sollën faqe të tëra me shkrime.
Kishte aty citate të ndryshme por u ndjeva shumë ligsht (prap u desht ndërhyrja mjekësore) kur pash citatet që kishin nxjerr nga nënforumi Politika dhe Bota Shpirtërore.
Mbikqyrësit e Ekspozitës të lindur e rriturr në Kosovën Parajsë e kishin pa të arësyeshme të sjellin shkrimet reale që janë bërë, pa i klasifikuar në ishte shkrimi sharje apo mburrje. Mu dasht polemikë e gjatë me ta, por prap se prap nuk ju mbush mendja të përdorin censurën ndaj atyre shkrimeve.

"Brezi i ri ka të drejtë të dijë të vërtetën se si kan shkru gjyshërit e tyre.
Ata duhet ta dijnë që ka pas shqiptarë që Presidentin Historik e kanë quajtur tradhëtar, të pa aftë e çka jo tjetër. Duhet ta dijnë gjithashtu se shumë vetav më shumë ju ka pëlqyer flamuri që ka përfaqësu të gjithë popujt në Kosovë përveq Shqiptarëve, ndërsa Flamurin e Shenjtë Dardan me të gjitha elementet e shqiptarisë që na e la amanet Presidenti Historik e që sot valon në çdo shtëpi shqiptari e kan djegë e e kan quajt paçavër.
Le ta dijë brezi i ri se veq në Shqiptari ka ndodhë që Komandantët e Ushtrive Legjendare janë vrarë nëpër shtëpi të veta pa e pas as edhe një ushtar afër vetes.
Le të dihet botërisht që ditën kur u shpall "Pavarësia e Kosovës" ata që duhej ta bënin shpalljen e që rastësisht ishin në ato poste ishin analfabet me magjistratura.

Le ta dijnë gjithashtu që ka pas Shqiptar që për fe janë sharë vëlla me vëlla, që kan mburr kultura të huaja, që e kan identifikuar vetveten me pushtuesit e ndryshëm të Dardanisë, që kanë thënë se ne vet i kemi ftuar të na pushtojnë forca aziatike e sllaviste."

U dasht që të ma japin edhe një infuzion për të mundur të qetësohem kur mi thanë këto gjëra. Nuk munda me i bindë me i hjek nga programi festiv këto gjëra.

Më treguan citate të anëtarëve që me këmbëngulje kan kundërshtuar gjërat më lart, citate nga kafja e forumit, nga shoqërorja, shkenca e filozofia e nga të gjitha forumet që funksionin në Dardaninë e para 50 viteve. U skuqa pak kur më sollën një citat timin ku i thoja Drenit - "O veq sa të qoj në shtëpi se e din ti çka të baj atje", - se mu kujtua qëllimi për çka i pata thënë ashtu. Kur deshtën me sjellë citate nga Pa censura i luta të mos mi lexojnë se edhe ashtu skam mbetë më as për censurë e as për pacensurë

Pastaj më dërguan tek lokalet e www.dardania2050.de aty nuk pata nevojë për ndonjë qetësues se mu ba zemra mal kur pash qendrën e Dardanisë së re.
Lexova shkrimet që baheshin në atë faqe, më ftuan që të antarsohem po nuk pranova ngaqë nuk po mund të orientohem në këta kompjuterët e rinj. Regjistrimi i zërit për anëtarësim me replikat e zëshme disi nuk po më shkon. Ju thashë nëse më jepni tastaturën time ndoshta edhe do të filloj me shkru sërish, por e pashë që ata, atë tastaturë e kishin mburrje të Ekspozitës dhe nuk insistova më tepër. Edhe ashtu nuk do të mund kurr të adaptohem e të marr pjesë në debate mbi yje, trupa qiellor, biseda shoqërore të ditëve të sotme, e as për kafe që të vijnë posa të kërkosh kafe në forum.

Jam dobësuar shum nga shëndeti dhe nuk është çudi se pikërisht me 16.03.2054 i mbusha 90 vjet e memzi po shtyj këto ditë të fundit që më kan mbetë.


Ju mirëpret të Shtunën me 23.05.2054


Stërgjyshja Murgeshë