[GjIlAnAsI_cSi]

Sipas një artikulli të publikuar nga “El Mundo”, mbreti Huan Karlos ka shprehur pakënaqësinë e tij kundrejt trajnerit të Realit të Madridit, Fabio Kapelos. Pas vërshëllimave të “Santiago Bernabeut”, vjen një tjetër kontestim në adresë të Fabio Kapelos, por këtë herë shamia e bardhë ngrihet nga vetë mbreti Huan Karlos. Sipas shtypit spanjoll, mbreti i Spanjës i ka shprehur pakënaqësitë e tij drejtuesit madrilen, Visente Boluda, për punën e bërë nga Fabio Kapelo dhe i ka kërkuar atij që trajneri italian të largohet sa më shpejtë nga Reali i Madridit. Boluda, një milioner i njohur nga Valencia, i është përgjigjur mbretit se tani për tani është shumë e vështirë që vullneti i tij të realizohet, duke i thënë se trajneri italian do të qendrojë në vendin e tij, të paktën për momentin. Biseda ndërmjet mbretit dhe Baludës, u bë të martën e kaluar gjatë një ceremonie zyrtare. Ky është një tjetër fakt që tregon tregon qartë se sa pak i dashur dhe i mirëpritur është Fabio Kapelo në Spanjë. Pas tifozëve dhe lojtarëve madrilen, tashmë në listën e “armiqve” të Kapelos shtohet edhe vetë mbreti i Spanjës, Huan Karlosi.