[4peace]

*

Pyetje:
A keni hetuar ndonjë shenjë të dështimit të imperiumit?


Përgjigje:
Po, jam duke parë shenja të paparashikueshme për atë se ky imperium po merr të çara të mëdha. Në vitin 1997 „shtetet-tigër aziatike“ pësuan kolaps ekonomik, i cili është i lidhur ngushtë me politikën e Fondit Monetar Ndërkombëtar dhe Bankës Botërore, kurse sot janë duke u përvjedhur në Kinë, Japoni e madje edhe në Kore. Duket se është duke u formuar një aleancë e re aziatike, të cilat në njëfarë pikëpamje janë duke na u kundërvënë neve. Kjo mund të vështrohet edhe në Amerikën Jugore (Latine). Në gjashtë zgjedhjet e fundit atje, si në Kil, Brazil, Argjentinë, Urugvaj dhe Ekuador, janë zgjedhë burrështetas, programet e të cilëve në esencë nuk janë në pëlqyeshmëri ndaj imperiumit.



Madje edhe në Aleancën (veri)atlantike (NATO), e cila gjat Luftës së Ftohtë ishte shumë e fortë, në ndërkohë po tregohen të çara të mëdha. Më e dukshmja nga këto është sjellja e françezëve kundrej nesh, e gjithashtu edhe gjermanët po na kundërshtojnë. Edhe vet BE-ja dhe forcimi i euros janë shenja për atë se imperiumi po dridhet. Gjithandej në botë po formohen lëvizje shumë të forta sociale. Unë posa jam kthyer nga Forumi Social Botëror, i mbajtur në Porto Alegre të Brazilit. Ishte një forum që lën përshtypje të madhe ku u takuan së bashku 155 000 njerëz, e që të gjithë janë shumë të shqetësuar mbi imperiumin. Në SHBA është duke u shembur ekonomia. Sistemi ka marrë plasaritje të mëdha, të cilat bashkarisht tregojnë se imperiumi është duke u fundosur dalëngadalë. Mu dhe kjo është arsyeja për çfarë njerëzit në Korporatokraci po tregohen aq të vrazhdët.



***