[Zero Cool]

Martesa si mburojë ndaj anarkisë morale


Devijimet bashkëkohore morale kanë marrë hov të madh edhe tek ne edhe në botë. Mediumet, detyrë e të cilëve është të ruajnë moralin dhe pengojnë erozionin e tij, vetë kontribuojnë për shkatërrim, tejkalimin e kufijve moral dhe nxisin anarki morale.

Në planin e jetës seksuale, perëndimi moti kohë është duke shkuar drejt humnerës. Në të vërtetë, intelektualët e saj qartë tërheqin vërejtjen në këtë rrezik.
Kështu, sociologu i njohur Will Durant, në librin e tij Magjia e filozofisë tërheq vërejtjen: “Jeta në qytetet e civilizuara nuk i lejon njeriut që aspak të mendojë për martesë, derisa epshet seksuale janë në rritje, ndërsa kushtet mundësojnë kënaqësitë. Kështu, pastërtia, e cila më herët është konsideruar virtyt, sot ajo është bërë mjet përqeshjeje dhe nënçmimi. Në këtë atmosferë humb edhe turpi, i cili më herët ka zbukuruar njeriun, ndërsa gratë nën velon e barazisë me meshkujt, hyjnë në lidhje të pakufishme jashtëmartesore dhe kjo bëhet diçka e zakonshme. Sot ka më pak prostitute nëpër rrugë, jo për shkak të policisë, por për shkak se kanë humbur punën duke iu falënderuar grave të cilat këtë e bëjnë pa para.

Teoria e Frojdit e cila të gjitha aktivitetet njerëzore i shpjegon nëpërmjet ndjenjave seksuale, shumë veta i ka çuar në shkatërrimin më të madh seksual. Kjo teori seksin e ka ndarë prej moralit.
Ndershmëria ka eroduar në fundin e pakufishëm. Le të shikojmë disa të dhëna:

Psikologu Dale Carnegie thotë: “Të dhënat statistikore të cilat i ka publikuar një fondacion amerikan, tregojnë se burrat për të cilët dihet se kanë tradhëtuar gratë e tyre, i takojnë të gjitha klasave sociale dhe moshave. 50% të anketuarve nganjëherë kanë tradhëtuar gratë, ndërsa disa prej tyre përherë. Pjesa tjetër, ata të cilët janë besnikë ndaj gravë të tyre, kanë mbetur besnik ose për shkak të ndonjë frike, sëmundje, skandali apo për shkak se nuk kanë pasur mundësi të tradhëtojnë. Përgjimi i telefonave në Nju Jork për një interval të shkurtë kohor, ka shpalosur se shumë gra të Nju Jorkut gjithashtu kanë tradhëtuar burrat e tyre.”

Është interesant e dhëna se prej numrit të përgjithshëm të spitaleve amerikane, 650 prej tyre janë të specializuara për sëmundje venerike (seksuale)! Numri i fëmijëve të lindur jashtëmartesor në Amerikë është në rritje e sipër, e cila i shkakton probleme të mëdha qeverisë së këtij shteti. Statistikat e vitit 1957 tregojnë për më shumë se 200.000 fëmijë të lindur jashtë martese, ndërsa ky numër rritet 5 përqind për çdo vjet brenda 20 vjetëve.

Vetëm në Amerikë për çdo vit numri i aborteve arrinë 1.000.000 raste! Prej tyre, 65 përqind janë pasojë e marrëdhënieve jashtëmartesore, ndërsa tjerat janë nga vajza dhe gra të lira!

Gjendje aspak më e mirë nuk është edhe në vendet tjera të perëndimit. Kështu, dr. Molenz nga Londra thotë: “Çdo e pesta vajzë e pamartuar e cila shkon në kishë në Angli, është me barrë. Numri i aborteve vetëm në Londër arrinë shifrën prej 50.000 për një vit! Më së shumti fëmijë jashtëmartesor lindin në familje me ekonomi stabile, ndërsa vajzat e familjeve të pasura më shumë preferojnë të bëhen nëna të pamartuara!

Si dhe me çfarë shpejtësie Evropa është duke shkuar në ambis pa fund, më së mirë do të ilustrojë e dhëna e gazetës Oslobo��enje: “Në korrik të vitit 1997 në Berlin janë tubuar më shumë se një milion të rinjë në paradën (defilenë) tradicionale të dashurisë. Bëhet fjalë për një festival të hapur në të cilin takohen grupet tekno, dance dhe hip-hop me ithtarët e tyre. Kolona e të rinjëve, duke vallëzuar gjysëm të lakuriquar dhe të disponuar për dashuri, arrinte gjatësinë 6 kilometra, kështu që kanë bllokuar tetë drejtime kryesore të rrugëve në këtë qytet!



Epidemia e amoralitetit ka përfshirë edhe qenien tonë


Ne nuk do të kishim tepruar ne alarmim, po të mos na kishte përfshirë kjo epidemi edhe ne. Mirëpo, për fat të keq, kjo sëmundje na ka përfshirë dhe po zgjerohet edhe më shumë, kështu që kërkon aksion të shpejtë dhe energjik të të gjithë faktorëve relevant të popullit tonë, me qëllim të ndërprerjes ose të zvogëlimit të kësaj epidemie të madhe.

Amoraliteti i përmasave të gjëra është kryesisht pasojë e luftës dhe agresionit ndaj vendit tonë. Numër i madh i grave gjatë kohë ka qenë në shpërngulje, të ndara nga burrat legalë, ndërsa një numër tjetër kanë mbetur përgjithmonë pa burra të cilët kanë rënë duke e mbrojtur atdheun e vet.



Kush është fajtorë



Athua vetëm gratë janë fajtori kryesor dhe i vetëm i kësaj anarkie morale? Menjëherë duhet konstatuar se një numër të madh të fajit bartin edhe ato. Mirëpo, jo vetëm ato. Fajtorë ka shumë! Në të vërtetë, fajtor dhe bashkëfajtor është edhe ai i cili ka mënyra për të ndërprerë këtë epidemi dhe këtë vërshimë të amoralitetit, e ai nuk ndërmerr asgjë. Fajtor janë edhe ata të cilët vetëm materialisht i ndihmojnë ndërsa nuk u bie ndërmend aspak që të shikojnë nevojat e tyre natyrore dhe epshin e tyre seksual, të grave të reja të cilat kanë mbetur pa burra. Fajtor janë edhe ata të cilët gjithë këtë e shikojnë me ndërgjegje të qetë, duke harruar se jemi në një anije të njëjtë dhe se padyshim se jemi duke u fundosur, në bazë të kërcënimit të Allahut!

Është e çuditshme se muslimanët dhe shoqëria në përgjithësi në mënyrë indolente shikojnë problemin në fjalë! Gati se as që gjykohet, e lëre më t’i afrohet problemit në rrënjë për zgjidhjen e tij, nga shkatërrimi ynë përbrenda.

Zotërinj përgjegjës, pa marrë parasysh se në cilat funksione jeni, ju të cilët mund të ndaloni këtë kataklizmë, ju thërras që të lëvizni dhe të ndërmirrni hapa konkrete dhe kështu të ndërpreni praktikën e shkatërrimit tonë! Historia na mëson se civilizimet më të mëdha dhe më të fuqishme, madje edhe shtetet, kanë rënë - jo duke iu falënderuar fuqisë së armiqve të tyre, por anarkisë morale në radhët e tyre. Nuk duhet të harrojmë se shkatërrimi i vlerave morale lind probleme të reja, sëmundje të reja dhe u hapë dyert perverzioneve të reja!

Allahu i Lartmadhëruar këtë e ka paralajmëruar në ajetet e Librit të Tij të Shenjtë. Muhamedi s.a.v.s. gjithashtu nëpërmjet shumë haditheve ka tërhequr vërejtjen se një prej parashenjave të ditës së Gjykimit do të jetë përhapja e kurvërisë!




Zgjidhja islame e këtij problemi




Mekanizmat të cilat Islami i ka vendosur në largimin prej amoralitetit janë shumë të përsosura. Islami aspak nuk flet për amoralitetin, të cilit gati se është e pamundshme t’i ikësh, kur të gjitha mundësitë për kryerjen e saj i janë afruar njeriut. Islami, në të vërtetë prenë çdo çrregullim që në rrënjë! Për këtë Allahu i Gjithmëshirshëm thotë: “Dhe mos iu afroni imoralitetit (zinasë) sepse vërtet ai është vepër e shëmtuar dhe është një rrugë shumë e keqe.”

Me këtë rast është shumë interesant të thuhet se Islami kurrë asnjëherë nuk ndalon diçka e të mos ketë alternativë dhe të mos gjejë zgjidhje se si atë ndalesë të largojë dhe të ruajë nderin e tij. Janë të njohura metodat e veprimit preventiv islam ne planin e çrrënjosjes së prostitucionit dhe çrregullimit moral në shoqëri.

Të përkujtojmë disa prej tyre:

1. Ulja e shikimit dhe largimi nga shikimet e tepruara të personave të gjinisë së kundërt,
2. Ndalimi i përzierjes së meshkujve dhe femrave të cilët nuk janë në afri gjaku (familje),
3. Ndalimi i vetmimit me personat e gjinisë së kundërt pa prezencën e personave tjerë,
4. Mbulimi i gruas si një masë preventive për ruajtjen e saj dhe afirmimin moral të saj,
5. Martesa e ligjshme me të cilin ndërpritet shkatërrimi, dhe
6. Poligamia- martesa me shumë gra që bëhet farz kifaje në rastin e nevojës, kur në një shoqëri ka më shumë femra se sa meshkuj.