[lirik]

Me tradhtoi, tani kerkon te kthehet tek une--
NJE HSITORI E NDJESHME DHE ENIGMATIKE INTRESANTE PER LEXUESIT PER ANALIZE PUBLIKE

“Histori dashurie”.
Kam dëshirë që të botoj historinë time dhe pse jo të marr edhe ndonjë këshillë
nga lexuesit tuaj.

Jam në dilemë dhe nuk di çfarë të bëj. Ndihem shumë e lënduar dhe konfuze dhe uroj që asnjë femër tjetër mos t’i ndodhi kjo që më ka ndodhur mua, megjithëse jam e sigurt që shumë vajza të tjera e kanë provuar se çfarë do të thotë të ndihesh e tradhtuar. Ai ishte betuar se nuk do ta bënte kurrë diçka të tillë, por ja që atë premtim nuk e mbajti, ndërsa tani më kërkon falje. Më e tmerrshmja e tradhtisë së tij është që e ka bërë me një femër që unë e njoh personalisht. Ajo është kolegia e tij, me të cilën ka rreth 3 vjet që punon. Ma ka prezantuar si një mikeshë të mirë, e cila e ndihmon në punë dhe e nxjerr nga situata kur ai është keq me punën. Kemi dalë për darkë me kolegen e tij dhe më kanë treguar dhjetëra histori dhe ngjarje që iu ndodhin në punë. Mu duk tip argëtues dhe krijova përshtypje të mira për të, ishte vajzë e mirë dhe pata besim se e vetmja femër që nuk ishte rrezik për mua ishte pikërisht ajo. Por isha gabuar. Atë darkë ka qenë gjithçka teatër dhe mes tyre flirti kishte kohë që kishte nisur. Ai më ka thënë se në atë kohë nuk kishte ndodhur asgjë, por unë nuk arrij ta besoj. Tani që di të vërtetën iu jap shpjegim shumë sjelljeve të dyshimta të asaj dhe të atij njëkohësisht. Sipas tij gjithçka ka ndodhur ditën që unë kam qenë tek prindërit e mi një muaj më parë. ata kishin dalë bashkë në darkë dhe e kishin tepruar paksa me alkoolin. Pas darkës ishin nisur për në shtëpi dhe ajo ishte ndjerë keq. Për tu qetësuar pak më shumë ata kishin qëndruar në makinë, pasi dhe i dashuri im kishte qenë pak i dehur dhe nuk mund të ngiste makinën në atë gjendje. Aty ishin puthur dhe më pas kishin përfunduar në shtrat. I dashuri im më betohet se ajo ka qenë e vetmja herë që ka ndodhur dhe ishte një gabim i madh nga ana e të dyve. Ai ia hedh të gjithë fajin alkoolit, madje më ka bërë edhe mua që të ndihem fajtore duke më thënë se nëse unë nuk do kisha ikur, ajo gjë nuk do kishte ndodhur kurrë. Gjithsesi unë mendoj se përderisa ka ndodhur, mundësia që ta bënte këtë gjë ishte e pranishme dhe ishte thjesht çështje kohe. Ky veprim më ka bërë të mendoj se ai nuk më ka dashur ndonjëherë, ose që nuk më do më tani. E ndërsa dyshoj për dashurinë e tij vendosa që t’i jap fund lidhjes. Në fund të fundit i kisha thënë që tradhtinë nuk e falja kurrë. Ai nuk duhet ta bënte, ai nuk duhet të më tradhtonte. Jo vetëm që tani nuk kam besim tek ai, por ndihem tmerrësisht e lënduar dhe e zhgënjyer. Të gjithën këtë ai e bën më të vështirë, duke më kërkuar falje. Më lutet vazhdimisht ta fal me pretendimin se ishte një gabim, se mes tyre nuk ka ndodhur kurrë më parë diçka dhe ai as e ka pasur ndërmend një gjë të tillë. Më thotë se më do vetëm mua dhe se nuk do që të më humbasi për shkak të këtij gabimi idiot, për të cilin është penduar dhe do pendohet gjithë jetën. Më thotë se për hir të viteve që kemi bashkë dhe kësaj dashurie duhet t’i jap një mundësi të dytë. Unë nuk di çfarë të bëj, pasi isha e papërgatitur dhe nuk e mendoja kurrë që gjërat do vinin kështu. Ndihem mirë pran tij dhe e dua më shumë se jetën time, por këtë nuk mund ta faj, e kam të pamundur që ta fal. Nuk di si mund ta kaloj këtë situatë dhe nëse duhet ta përtyp këtë tradhti apo jo, për hir të ndjenjave që kam për të. Atë nuk e besoj, nuk e di nëse vazhdon të më dojë akoma, por personalisht jam shumë e përfshirë dhe e dashuruar. Ju lutem më thoni çfarë të bëj, ai duket shumë i penduar.-