[arti69]

Vendi ku do të ndërtohet xhamia e re në qendër të Prishtinës
U caktua lokacioni për ndërtimin e Xhamisë në Prishtinë

Këshilli i drejtorëve të Komunës së Prishtinës ka caktuar lokacionin për ndërtimin e Xhamisë së Madhe në Prishtinë.

E premte 26 Gusht 2011 15:16
Zyra për marrëdhënie me publikun e komunës së Prishtinës njofton se në mbledhjen e sotme të këshillit, që është mvajtur nën udhëheqjen e kryetarit Isa Mustafa, "është miratuar propozimvendimi për caktimin e lokacionit për ndërtimin e Xhamisë, sipas kërkesës së Bashkësisë Islame të Kosovës".
Kryetari i Bashkësisë Islame, Naim Tërnava, ka insistuar që Xhamia e re të ndërtohet në vend të qerdhes së fëmijëve "Gëzimi ynë", përballë Institutit Albanologjik të Prishtinës.
Këshilli i drejtorëve të komunës së Prishtinës ka miratuar Rregulloren për dhënien në shfrytëzim të banesave të komunës për familje të dëshmorëve, invalidë e veteranë të UÇK-së dhe për pjesëtarë të familjeve të tyre./botasot/