[tipi engjellor]

Bacë, u krye, po thotë Lokja
Qerpikloti që flet shumë .
Po flet vallja që s’faroka
Zemra jonë, zjarr e prush.
Bash një shekull thurëm djepe
Ndezëm shkronjat nëpër shpirtëra
Ngritëm vetë 1000 ortekë
Të na vinte pranë Rilindja.
2
Bacë, u krye thotë tupani
Flasin plagët e pathara.
Dhëndërron çdo gur vartani
këngë të reja po sjell dasma
Ta ndez vallen në log zjarri
me bajrakun nëpër oda
Bacë, u krye thotë Prekazi,
Bacë, u krye, thotë Kosova...
3
Gjerdanojnë yje, urime
po loton një lot prej gazi.
Ndër lahuta zgjoj krenshikët
Djep të ri po marr nga Sharri.
Kam dëbuar larg mandatën
Po piskama ma zgjon dhimbjen
Mezi pres që të hap brazdën
grurë e këngë të mbjell ndër brigje.
4
Bacë, u krye, thotë lahuta
Që nder telin për rapsodë
Nëpër varre, lulon lulja
Një nga një shqiponjat zgjon.
Vjen një Loke, piskamëfshehur
përmbi varr të luftëtarit.
Paska mbetur thëngjillndezur
Nëpër vatra gacë e zjarrit.

Vjen një mal ulet më gjunjë
gur më gur të stisë ëndrrën
E hap gjoksin fushë më fushë
Të puthë gazin, të puthë furkwn
Bacë u krye, po thotë Kulla
Cep më cep me plumba shpuar.
Sa e gjatë ishte rruga.
Nëpër pragjet gurshkrumbuar!
Ëndrra jonë e pranguar
Na përgjaku udhë e shteg.
E sot gaz i pambaruar
Thellë në gjoks po bëhet det.
……..Bacë, u krye, bacë u krye!