[Shpati]

Postimi origjinal është bërë nga Dilaver

The Guardian, Raporti KE:Thaçi bos i drogës dhe trafikut të organeve



TIRANE- E përditshmja britanike “The Guardian” publikon sot rezultatet e një raporti të Këshillit të Europës mbi krimin e organizuar.

Në raportin që i referohet burimeve të FBI-së, emri i kryeministrit të Kosovës, Hashim Thaci, rezulton ndër personat që kanë lidhje me trafikun e drogës, armëve dhe organeve.

Sipas asaj që raportohet në gazetën britanike, Hashim Thaci qëndron në krye të një rrjeti mafioz shqiptar, përgjegjës për kontrabandën e armëve, drogës dhe trafikut të organeve në të gjithë Europën Lindore.

“Hashim Thaçi është identifikuar si "bosi" i një rrjeti që e filloi aktivitetin kriminal në prag të luftës së vitit 1999 në Kosovë, dhe ka mbajtur ndikim të fuqishëm mbi qeverinë e drejtuar nga ai” shkruhet në gazetë.

Raporti është rezultat i një hetimi 2 vjecar i drejtuar nge Dick Marty, një investigues i të drejtave të njeriut që i referohet burimeve të FBI-së dhe në të shkruhet se Hashim Thaci është ndër emrat që kanë pasur ndikim të fortë në tregun e heroinës gjatë dekadës së fundit.

Ndërkaq, Kryeministri i Kosovës dhe persona të tjerë të afërt me të akuzohen për tregëtinë e organeve të disa shtetasve serbë.

Sipas “The Guardian”, serbët janë vrarë dhe më pas u janë hequr veshkat në klinikën e njohur si 'Medicus' në Kosovë. Ndërkohë për këtë cështje akuzohet në mënyrë të drejtpërdrejtë Ushtria Çlirimtare e Kosovës.

Raporti duket se i jep të drejtë pretendimeve të ish kryeprokurores së Hagës Carla Del Pontes në lidhje me trafikun e organeve të robërve serbë në veri të Shqipërisë.

Në raport thuhet se UCK-ja ka mbajtur robër serbë në një fshat të thellë në veri të Shqipërisë, ku ata u vranë ndërsa ogranet e tyre u shitën në tregun e zi.

Raporti në fjalë pritet të paraqitet ditën e enjte në Paris përpara diplomatëve europianë të Këshillit të Europës, nga raportuesi Dick Marty.

"The Guardian" shkruan se publikimi i këtij raporti vjen në një periudhë vendimtare për Kosovën, e cila zhvilloi zgjedhjet e saj të para që nga shpallja e pavarësisë nga Serbia në vitin 2008. Thaci shpalli fitoren ndërkohë që është në kërkim të formimit të koalicionit me partitë e opozitës.

(e.nurcelli/BalkanWeb)

Agim Çeku fajëson Beogradin për akuzat ndaj ThaçitPublikuar më 15 dhjetor, 2010 në orën 15:56 ( Para 28 minutave )Lajme | Draft raporti nga raporteri i Këshillit të Evropës, Dick Marty që pretendon se kryeministri në largim Hashim Thaçi dikur ka drejtuar një rrjet të krimit të organizuar që trafikonte organe njerëzore të marra nga të burgosurit e vrarë dhe se kjo tregti ka filluar kur ai ishte udhëheqës politik në Ushtrinë Çlirimtare të Kosovës në fund të viteve 1990 vlerësohet si e pabazë edhe nga kundërshtarët politik të Thaçit.



Përveç Qeverisë së Kosovës që e ka vlerësuar si të pabazë draft raportin evropian, edhe zyrtarë të partive politike e denoncuan atë si një goditje kundër përpjekjeve për pavarësinë e Kosovës, e cila ka një popullsi kryesisht shqiptare, raporton Telegrafi.

Sekretari i përgjithshëm i AAK-së, Burim Ramadani ka vlerësuar se sa i përket luftës së UÇK-së, akuzat janë të papranueshme.

“Shqiptarët në Kosovë luftuan për liri dhe të mos përfitojnë nga unaza kriminale”, ka thënë ai.

Kreu i Social Demokratëve, Agim Çeku, njëherësh komandant i UÇK gjatë luftës 1998-1999, fajësoi Beogradin për këto akuza.

“Çdo akuzë kundër UÇK-së vjen nga Serbia apo ndihmues të saj”, tha Çeku për Reuters duke shtuar se raporti “është vetëm një përpjekje për të njollos luftën dhe fitoren e kosovarëve”.

Ndryshe, akuzat e tilla bëhen në një raport nga raporteri i Këshilit të Evropës, Dick Marty. Thaçi akuzohet se dikur ka drejtuar një rrjet të krimit të organizuar që trafikonte organe njerëzore të marra nga të burgosurit e vrarë. Raporti pretendon se kjo tregti ka filluar kur zoti Thaçi ishte udhëheqës politik në Ushtrinë Çlirimtare të Kosovës në fund të viteve 1990.

Raporti i Dick Marty-t, që e quan Thaçin si kreun e një grupi shqiptarësh “në formë mafie” përgjegjës për kontrabandën e armëve, drogës dhe organeve njerëzore nëpër Evropën Lindore. Thaçi është identifikuar si “bosi” i një rrjeti që ka filluar të vërë në veprim reketet e tij kriminale në prag të luftës së vitit 1999 në Kosovë, dhe i cili ka ruajtur ndikimin e tij të fuqishëm mbi qeverinë e vendit që nga atëherë”

Ky raport pritet të diskutohet në Komitetin e Ligjeve dhe të Drejtave të Njeriut në Paris ditën e enjte.