[Zero Cool]

Modelja kroate ngacmohet nga politikanët kosovarë





Kishte qenë e ftuar në Prishtinë gjatë “Javës së Modës” ku ishte mysafire speciale. Por jo gjithçka ka shkuar mirë për modelen kroate Kristina Lumpar.


Modelja kroate thotë se të qenit mysafirë special në “Javën e Modës” në Prishtinë është bezdisëse për shkak të politikanëve kosovarë, të cilët e kanë ngacmuar rregullit, përcjell gazeta “Express”.

Modelja ka pohuar se ka kaluar shumë mirë në Prishtinë, porse disa politikanë kosovarë janë treguar të pamoralshëm me ofertat që i kanë bërë.

“Atje politikanët janë ‘facerat’ kryesorë. Në të vërtetë ata çdo kund janë të këtillë, por kjo është tejet e theksuar në Kosovë. Bëjnë çfarë të dëshirojnë dhe askush nuk guxon t’i shikoj shtrembër”, ka theksuar modelja.

“Ata më bënin komplimente të vazhdueshme, madje njëri prej tyre më ftoi në vilën e tij të pinim nga një gotë verë dhe të diskutojmë për marrëdhëniet fqinjësore ndërmjet Kroacisë dhe Kosovës”, ka thënë ajo duke shtuar se ka refuzuar të shoh brendësinë e shtëpisë së dikujt.

Lumpar ka pohuar se ka fituar dy dhurata të mira e të vlefshme, zinxhir të arit dhe byzylyk dore, por nuk ka dashur të zbulojë emrat e politikanëve.