[4peace]

*


Në këtë deal (marrëveshje) i përkiste edhe ajo që Shtëpia Saud ishte deklaruar se është e gatshme që çmimin e naftës ta mbajë mbrenda kufinjve të akceptueshëm (pranueshëm) për ne. Ndërsa ne u deklaruam se jemi të gatshëm që Shtëpinë Saud ta mbajmë në pushtet, përderisa ajo t’i përmbahet marrëveshjes sonë. E gjithë kjo edhe ka ndodhur dhe është duke funksionuar edhe sot e kësaj dite. Por kjo ka shkaktuar edhe diçka, të cilën CIA e quan „zmbrapsje“ (goditje nga mprapa). Kjo shprehje e CIA-s qëndron për aktivitet të fshehtë, që në dukje është e suksesshme, por edhe sjelle me vete konsekuenca të paparashikueshme e të vështira. Për shkak të zhvillimeve në Arabinë Saudite, në botën islame dominon zemërim jashtëzakonisht i madh kundër Shtëpisë Saud – meqenëse muslimani nuk mund të jet i kënaqur kur qytetet e tij më të shenjta, Mekka e Medina, janë të rrethuar nga qytete me dukje perëndimore, me fabrika petrokimike e McDonalds-a. Shtëpia Saud tash për tash është në situatë shumë jostabile. Ka shumë atentate, shumë dhunë. Pakënaqësia është e madhe, papunësia e lartë. Mu ashtu sikurse edhe në vendet tjera del në pah se për shumicën e njerëzve nafta është më tepër mallkim se bekim. Kjo ka kontribuar për zemërim shumë të madh në botën muslimane e cila ka çuar në mënyrë direkte apo indirekte deri te formimi i al-Qaidës dhe lëvizjeve tjera terroriste.


Pyetje:
Si i shihni zhvillimet në Lindjen e Afërt?


Përgjigje:
Mendoj se – po mendoj vërtet seriozisht – në Lindjen e Afërt kemi krijuar një situatë shumë të rrezikshme e jostabile. Njëra nga arsyet për këtë është se ne duam t’i kontrollojmë edhe Kinën, Japoninë dhe Korenë, të cilat pjesën më të madhe të derivateve të naftës e marrin nga Lindja e Afërt. Ne vetë nuk jemi aq të mvarur nga nafta e atjeshme – kurse ata po. Si rrjedhojë ky aspekt i ka takuar gjithmonë politikës sonë (amerikane). Ne do ta kishim me gjithë dëshirë kontrollin mbi naftën iraniane, irakiane, siriane, saudi-arabike e kuvajtase, mirëpo në jemi zhytur në moçalin e quajtur Irak dhe me këtë rast kemi shkaktuar edhe më shumë zemërin se sa gjat 11.shtatorit. Sot në Irak kemi një armatë të tërë terroristësh, shumë prej të cilëve nuk janë irakianë. Ç’do të bëhet me këta terroristë të posakalitur, të ushtruar mirë e vërtet të zemëruar, nëse qeverisë (së SHBA-ve) i shkon përdore t’i marrë si shkas për tërheqje të trupave nga Iraku pas zgjedhjeve të posambajtura, të cilat dukeshin si e shtime nga mbrapa? Ku do të shkojnë pastaj këta terroristë?


...