[pokeri]

Postimi origjinal është bërë nga pokeri

Së pari, nuk është e ndershme të polemizosh me dikend që për një
arsye apo për një tjetër, mungon!
Së dyti, me ç'të drejtë përpiqesh t'ua imponosh të tjerëve
koncept-filozofinë tënde të Jetës?
Së treti, a din të lexosh dhe a din ta "kapësh" nëntekstin?
Së katërti, a edhe me poezi ke qejf të polemizosh?
Nga kjo replikë ytja dalin edhe shumë pyetje, megjithatë do t'i bie
shkurt.

Ja, pasiqë nuk njeh figurat stilistike (janë edhe qesharake) të
poezisë, do të flas me gjuhën që ndoshta e kupton. Po them
ndoshta?

JETA ËSHTË NJË BARRË TË CILËN NJERIU E ZBRAZ TE VARRI.
JETA ËSHTË PASOJË.
JETËS I JEP KUPTIM - VDEKJA. (Jo lindja)
JETA ËSHTË TYMI, E VDEKJA HIRI.
JETOJMË PËR TË VDEKUR.
JETA ËSHTË IKJE.
JETA ËSHTË PARADHOMA E VDEKJES.

Kur flet për Jetën, njëkohësisht e ke përmendur Vdekjen, sepse këto dyja janë të pandashme. Dhe është fat i madh që njeriu e
koncepton filozofikisht Vdekjen, sepse po t'i çasej konceptimit fizik, do të çmendej (padyshim).

JETA ËSHTË ÇASTI IM.
JETA ËSHTË URIA IME.
JETA ËSHTË ENIGMA MË E THJESHTË (e zgjidh vdekja-s'do mend).
JETA ËSHTË DHURATË E RASTËSISË.
JETA ËSHTË LOJË NERVASH.
JETA ËSHTË POEZI.

Po e ripostoj këtë shkrim, që ta them shqip; -Kjo është Filozofia
ime për Jetën. E ku e dini ju, më mirë se unë, se si e konceptoj
unë Jetën?
E pakuptimtë, tmerrësisht e pakuptimtë.

Secili ka të drejtë ta konceptoj Jetën sipas tekeve, veseve,
huqeve, pasioneve vetanake! Po, askush nuk ka të drejtë,
t'ia imponoj dikujt tjetër, filozofinë e vet për Jetën. Pse, a jeta
qenka matematikë?

Jeta mbi të gjitha është POEZI, (për mua). Çfarë është për ju,
është çështja juaj, jo imja.
Mos polemizoni me Poezinë, se është e njejtë sikur të shitni
mjegull, s'e blen askush!