[Hattabi]

Një gabim tjetër i Mateut



Një gabim tjetër i cili gjithashtu gjendet tek Ungjilli sipas Mateut dëshmon qartë se Bibla si e tërë nuk e ka një burim të vetëm frymëzimi. Autori i këtij Ungjilli tek kapitulli 27 vargu 9 gabimisht citon një varg duke pohuar se ai gjendet në Librin e Jeremisë, përderisa si i tillë vargu askund nuk gjendet tek aty.

“Atëherë u përmbush ç`ishte thënë nga profeti Jeremia që thotë: ``Dhe i morën të tridhjetë monedhat prej argjendi, çmimin e atij që e çmuan, siç kishin çmuar bijtë e Izraelit;…” (Mateu, 27:9)

Një pasazh i ngjashëm me këtë gjendet tek Zakaria 11:13 dhe askund tek Jeremia. A mund të ndodhë që Zoti të gabojë në një mënyrë të tillë duke pohuar se vargu gjendej tek Jeremia përderisa ai ishte tek Zakaria?
Dhe pastaj vargu është një tentim naiv për të nxjerrë një profeci nga ngjarja e treguar tek libri i Zakarias. Përderisa tek Zakaria nuk ka as edhe një supozim të vogël rreth ndonjë profecie për Jezusin, Mateu e ka paraqitur këtë ndodhi nga Libri i Zakarias si përmbushje në ngjarjet që i paraprinë kryqëzimit të supozuar të Krishtit.