[Albanian eX|PerT]

Sejdiu hedh poshtë çdo mundësi diskutimi rreth negocimit te pakos Ahtisari apo pavarësisë

Bashkimi Evropian është i vendosur që zgjidhja e statusit të Kosovës të kalojë nëpërmjet Këshillit të Sigurimit, ndërsa kërkon që kjo të ndodhë sa më shpejt dhe me mbështetjen e planit të Ahtisarit, tha sot i dërguari i BE së për statusin, Shtefan Lene pas takimit me Presidentin Fatmir Sejdiu. Presidenti Sejiu tha se Këshilli i Sigurimit duhet që sa më shpejt ta miratojë rezolutën në mbështetje të pavarësisë dhe se Kosova nuk mund të mbetet peng i askujt. "Me rëndësi është që Kosova të kryejë këtë proces me të gjitha vendet që kanë mbështetur këtë proces që ta ndërtojë të ardhmen e saj, pra pavarësinë. Për neve pakoja e Ahtisarit dhe pavarësia janë të panegociueshme. Unë nuk mund të them se kur do të vijë pavarësia, por jam i bindur se ajo do të ndodhë", tha Sejdiu. Ndërsa, Lehne theksoi se mbështetja ndërkombëtare për planin e Ahtisarit është më e madhe se sa ka qenë më parë dhe se në këtë ka ndihmuar edhe vetë Kosova, e cila në dy tri javët e fundit ka bërë një progres të madh, gjë që e cila ka bërë që të arrihet një përkrahje solide për planin e Ahtisarit. "BE është duke ndjekur nga afër situatën në Kosovë dhe vendimet që merren rreth saj dhe ajo është lart në azhendën e BE së. Ka disa pengesa që duhet të largohen dhe unë e kam siguruar Presidentin Sejdiu se vendet anëtare të BE së dhe vendet anëtare në Këshillin e Sigurimit janë të përkushtuara për zgjidhjen e shpejtë të statusit të Kosovës", ka theksuar Lene. Sipas emisarit evropian, vendimi i përcaktimit të statusit të Kosovës është historik, andaj për këtë nevojitet legjitimitet. "Vendimi i përcaktimit të statusit të Kosovës është i një rëndësie të madhe historike, por këto vendime kërkojnë kohë, bazë dhe legjitimitet të nevojshëm dhe e gjithë kjo mund të bëhet vetëm përmes rezolutës së Këshillit të Sigurimit", tha Lehne. Ndërsa, pas refuzimit të Rusisë për projektrezolutën e paraqitur mbrëmë në Nju Jork, ai tha se ky është proces që kërkon konsultime shumë intensive në nivele të ndryshme në Nju Jork në mes delegacioneve të ndryshme dhe besimi ynë për të pasur sukses është shumë i fortë, tha ai. I dërguari evropian konfirmoi sërish se janë 27 vende të BE së, që i kanë dhënë mbështetje planit të Ahtisarit dhe shpejtimit të miratimit të atij plani përmes një rezolute të ardhshme në Këshillin e Sigurimit, kështu që, sipas tij, duhet bërë përpjekje dhe biseda që kjo rezolutë të miratohet sa më shpejtë që mundet. Lene inkurajoi institucionet kosovare për përmbushjen e standardeve dhe të sundimit të ligjit. Ai po ashtu tërhoqi vërejtjen për durim përkundër frustrimeve, se mbase plani i Ahtisarit do të merrë kohë derisa të zyrtarizohet në Këshillin e Sigurimit. "Duhet të siguroj popullin dhe shoqërinë e Kosovës se ne jemi plotësisht të vetëdijshëm për frustrimet dhe durimin, pasi gjërat nuk kanë shkuar ashtu siç ne kemi shpresuar. Por, ju keni arritur progres dhe puna juaj ka qenë e suksesshme që t'i bindni më shumë qeveri se plani i Ahtisarit është rruga e mirë e vetme për të ecur përpara, por ne nuk jemi atje akoma", theksoi Lene. "Unë mendoj se keni çdo arsye për të pasur besim në të ardhmen dhe të vazhdoni të punoni ngushtë me BE në drejt arritjes së këtij synimi. Ajo që është duke ndodhur në KS, është përpjekje e fortë e sponsoruesve të rezolutës për të arritur një bazë të domosdoshme për marrjen e vendimit", ka thënë Lene. Presidenti Sejdiu hodhi poshtë çfarëdo mundësie të negociimit të pakos së Ahtisarit ose të pavarësisë së Kosovës. "Ekipi i Unitetit nuk mund të vihet në dilemë që të negociohet kjo. Ne kërkojmë që në Këshill të Sigurimit të saktësohet data e pavarësisë së Kosovës. Ne jemi në një mandat shumë të qartë i mbështetur nga Kuvendi i Kosovës që është mbështet edhe projekti i Ahtisarit. Ne përfaqësojmë në mënyrë të thellë dhe besnike këtë mandat në pavarësimin e Kosovës", tha kreu i vendit. Presidenti Sejdiu tha se Kosova nuk mund të mbetet peng i qasjeve që do ta mbyllin perspektivën dhe se "me rëndësi është që Kosova të kryejë këtë proces me të gjitha vendet që kanë mbështetur këtë proces, që ta ndërtojë të ardhmen e saj, pra pavarësinë e saj". Lehne, pas takimit me presidentin Sejdiu është takuar edhe me kryetarin e PDK së, Hashim Thaçin