Refleksion -Meditim

[jadore]

sqarim .
i gjithe materali i sjellur eshte huazim , shpresoj qe sado pak do te ju sherbej ..


Ankorimi i vibracionit të bashkimit

Gjithmonë e më shumë njerëz bëhen të ndërgjegjshëm se jemi duke hyrë në një kohë ndryshimesh të mëdha. Dhuna dhe luftërat po bien gradualisht nëpër botë, me gjithë shpërthimet e rastit, që raportohen gjatë e gjerë nga mediat.

Mirëdashje dhe një ndjenje përgjegjësie të përbashkët për të ardhmen tonë tregohet nga aq shumë njerëz dhe organizata sot se do të ishte punë e vështirë të japësh një imazh të saktë të gjithë dashamirësisë së burrave dhe grave në gjithë planetin tonë të mrekullueshëm.

Megjithatë kërcënimet duken dërrmuese kundër nesh ... vazhdimi i shpërthimit demografik në pjesëtet më të varfra të botës, dëme kundrejt mjedisit në përmasa të paqena më parë, përshtypja e indiferencës nga ana e politikanëve dhe ndërmarrjeve vigane ndaj dëmeve që bëjnë ndaj të tjerëve, e të tjera ... duket se loja ecën kundër nesh dhe fëmijëve tanë, fëmijëve të tyre dhe të gjithë brezave të ardhshëm.

Nga jashtë, njeriu mund të mendojë se asnjë përpjekje ose iniciativë individuale ka një shans për të ndikuar mbi rezultatin.

Por shikuar nga brenda, nga pika e epërme të Krijuesit të këtij universi, nëqoftë se mund të merret përsipër për pak çaste kjo perspektivë krejt unike, të gjitha gjërat duken në një dritë të ndryshme.

Nëpërmjet ushtrimit të vullnetit të vet të lirë, njerëzimi është duke shtruar një udhë të re drejt një të ardhme të mrekullueshme prej lumturisë së patreguar dhe begatisë shpirtërore. Njeriu po mëson të largojë shekuj plot me urrejtje për gjininë e vet dhe koncepte të gabuara për rolin dhe vendin e vet në këtë botë materiale.

Një burim i ri Dashurie gufon i bollshëm nga zemrat e milionëve e milionëve qeniesh, dhe kjo shprehje e natyrës së shenjtë të njeriut e transformon dalëngadalë këtë botë në një vend plot harmoni, barazi, shëndet dhe kuptimit të përgjithshëm se çfarë mban të gjitha format e Jetës bashkë në një sinfoni barazpeshe dhe bashkimi.

Kjo ndërgjegje e brendshme shprehet tani nëpërmjet një numri gjithmonë e më të madh kanalesh, dhe shpesh do të jetë në vijën e parë të punëve njerëzore.

Të udhëhequra nga nxitje të brendshme dhe qindra rastësish të vogla, por të mrekullueshme, këto kanale po zbulojnë se sa thjeshtë është t'i shërbesh Synimit të Madh të Jetës, kur dëshira e papenguar për ta ndihmuar Zotin është motivimi i vërtetë i vendimeve dhe veprave të tyre, dhe jo dëshirat tokësore të një uni ende të pazbutur nga përkushtimi vetëmohues ndaj Qenies së Dritës.

Sinkronicitete, ngjarje plot kuptim që nuk shpjegohen nga logjika e zakonshme, ka me kaq bollëk sot që librat janë shkruar për të demonstruar ekzistencën e tyre si të ishte ndonjë ligj tjetër natyror i këtij universi. Jemi duke pushtuar pikat e fundit mbizotëruese të frikës dhe ndarjes, dhe shpejt bota dhe ndjenja jonë e brendshme e ekzistencës në këtë botë do të rilinden plotësisht.

Mu në këtë moment, lumenj energjie dhe vullneti ankorohen nëpërmjet iniciativave madhështore, që të gjitha përkushtohen për ta ngritur dhe shëruar këtë botë. Jo vetëm do të shërohet bota jote nga vurata fizike, por më e rëndësishme, shpirtrat tona do të lëvizen në formë spirale prapa në mitrën e Krijimit për t'u bashkuar me nivelin e

Realitetit nga të gjithë ata ishin shfaqur para kohërash.

Ndarja nuk do të jetë më. Iluzioni nuk do të jetë më. Vetëm do të jetë Bashkimi, vibracioni i përhershëm i Bashkimit. Dhe ne jemi thirrur t'i afrohemi këtij Realiteti të thjeshtë, por të pafund, si rrezet e një ylli, që i afrohen përsëri qendrës nga ishin dërguar, për t'u shkrirë në përsosjen e bashkimit të hareshëm.

Jean Houdon

[jadore]

Jam pjesë e Zotit

E sforcoj këtë imazh aq spesh sa mundem. E lë gjithmonë e më shumë të bëhet natyra ime e vërtetë.

E informoj nënvetëdijen time me këtë imazh. Lidhem me vizionin e një jete të shenjtë, të cilën mund ta jetoj në të vërtetë. Jeta ime qoftë lutja ime.

Ky vizion ka brenda vetes një fuqi të madhe. Asgjë nuk është më e fuqishme se një vizion me të cilin mbetem krejtësisht e lidhur.

Sa më shumë vizioni im më bëhet natyra e dytë, aq më shumë realitet mund ta tërheqë. Sa më shumë më obligon vizioni im, aq më shumë më mban edhe në situata të vështira. Sa më e plotë të bëhet vizioni im, aq më shumë bëhet një pjesë e procesit krijimtar shërues në botë.

Në këtë rrugë largohem nga të gjitha imazhet e vjetra të një religjioni lidhur me një Zot që dënon.

Jam pjesë e Zotit. Si pjesë e kërkoj dhe e gjej Zotin në brendinë time. Këtu e gjej pasqyrën për një botë të përkryer. Këtu gjendet lidhja e vullnetit tim më të thellë me vullnetin e fuqisë hyjnore.

Eshtë një vendim ta rinjohësh Zotin brenda vetes, ta shohësh dhe ta realizosh. Me këtë vendim rritet një besim i madh.

Kjo fuqi hyjnore brenda meje dëshiron të realizojë me dëshirë të pafre një botë të paqes, të bashkësisë, të pranisë shpirtërore dhe të gëzimit sensual. Me të e ndjek këtë rrugë. Lejoj që ajo më drejton. Ajo është ndihma ime e madhe për ta braktisur frikën dhe për ta ndjekur rrugën e besimit.

Që Zoti është pranë meje, këtë e ndiej në një gëzim dhe ngrohtësi të madhe të brendshme, që ma hap rrugën nëpër të gjitha vështirësitë.

Kjo fuqi hyjnore ma dhuron lidhjen e ngushtë me gjithçka që është. Ajo është një fuqi revolucionare, që më mban të lidhur me të vërtetën, sepse nuk ka nevojë më ta druaj ndonjë të vërtetë.

Të jem pjesë e Zotit, kjo më lidh me bashkësinë e të gjitha gjallesave, kudo që të jem. Ky është burimi i transformacionit, që do ta hapë ndryshimin historik.

Falëminderit dhe Amin.

Fuqia hyjnore ma dhuron lidhjen e ngushtë me gjithçka që është. Ajo është një fuqi revolucionare, që më mban të lidhur me të vërtetën, sepse nuk ka nevojë më ta druaj ndonjë të vërtetë.

Sabine Lichtenfels - "Burimet e dashurisë dhe paqes"

[jadore]

[SIZE="3"]Lute Universin të të ndihmojë

Nganjëherë është e kotë t'i analizosh problemet dhe të mendosh për ta në mënyrë racionale.

Një qëndrim shpeshherë shumë më i efektshëm është t'i drejtohesh unit tënd të brendshëm, ta lutesh universin të të ndihmojë.

Ulu i qetë, merr frymë thellë disa herë, përqëndroje vëmendjen tënde në veten tënde.
Lute në heshtje ose me zë urtësinë tënde të brendshme të të udhëheqë ose të ndihmojë për ta kuptuar mesazhin.

Kur të vlerësosh që je në të vërtetë, vepro sipas kësaj ndjenjeje.

AFIRMIM:
Uni im i brendshëm
më orienton dhe më këshillon.

Shakti Gawain




.

Praktiko tolerancë

Tolero ndjenjat tona, reagimet tona, vecorite tona, qenien tone njerezore. Tolero baticat dhe zbaticat tona, qendresa jone ndaj ndryshimit, luftimin tone dhe nganjehere natyren tone te papelqyeshme.

Tolero frikat tona, gabimet tona, tendencen tone natyrore per t'iu shmangur problemeve dhe dhimbjes. Tolero ngurrimin tone per t'u afruar, per ta treguar veten per te qene te prekshem.

Tolero nevojen tone per t'u ndier nganjehere me mire se te tjeret, nganjehere te turperuar, dhe nganjehere per te dashur mes njerezve te barabarte. Tolero menyren se si perparojme - disa hapa perpara, ca hapa prapa.

Tolero deshiren tone instinktive per te kontrolluar dhe menyren si mesojme kunder deshires sone te shkeputemi nga preokupimet. Tolero menyren se si nga njera ane flasim per dashuri dhe nga ana tjeter nganjehere i largojme te tjeret. Tolero tendencen tone te kemi ide te ngushta, te harrojme te kemi besim te Zoti, dhe nganjehere te ngecemi.

Disa gjera nuk i tolerojme. Mos tolero sjellje fyese ose shkaterrimtare ndaj te tjereve ose ndaj vetes.

Praktiko nje tolerance te shendoshe plot dashuri ndaj vetvetes, tha di´kush. Duke e bere kete, mesojme tolerance per te tjeret. Pastaj shko edhe nje hap me tutje. Meso se gjithcka njerezore qe jemi duke toleruar na ben ne dhe te tjeret te bukur.

AFIRMIM:
Sot do te jem tolerant ndaj vetes sime. Prej kesaj do te mesoj nje tolerance te pershtatshme ndaj te tjereve.

Melody Beattie[/SIZE]

[jadore]

Verifikoni bindjet tuaja për jetën dhe shëndetin

Në vend ta mbushni nënvetëdijën tuaj me koncepte negative, mund ta furnizoni nënvetëdijën tuaj me mesazhe të shëndosha dhe jetëzgjeruese.

1. BAZONI AFIRMIMET TUAJA NË FAKTE TË QARTA RACIONALE DHE JO NË ILUZIONE DHE ËNDËRRIME.
2. PËRDORNI KOHËN E TASHME PËR AFIRMIMET TUAJA.
3. PËRDORNI FJALË POZITIVE.

Provojeni.

Le të shikojmë tani fushën e SHËNDETIT.

Shëndeti është më shumë se mungesa e simptomave ose sëmundjeve.
Është një gjendje paqeje të brendshme, ku trupi, mendja dhe shpirti synojnë harmonikisht një qëllim të përbashkët.

95% TË TË GJITHA SËMUNDJEVE BUROJNË NGA KONFLIKTE TË PAZGJIDHURA DHE ZAKONE TË KËQIA. Konfliktet janë shpesh të pavetëdijë dhe shprehen në simptoma ose një gjendje të përgjithshme të pakëndshme.

Konflikte të pazgjidhura, ushqimi i pashëndetshëm dhe mungesa e lëvizjes e dobësojnë sistemin imunitar, pra aftësinë e trupit për t’u mbrojtur nga epërsia e mikrobeve si baktere, viruse dhe myku.

Nevoja të paplotësuara jetësore dhe shpirtërore çojnë deri te rezinjata, lëshimi i vetvetes në një nivel të thellë qelizor, me rezultatin e sëmundjeve kronike ose të varësive nga droga të ndryshme në përpjekje për të arritur plotësimin nëpërmjet objekteve të tjera.

Po qe se keni sinqeritetin dhe guximin për të shikuar se cilat nevoja të paplotësuara jetësore dhe shpirtërore janë në bazë të zakoneve të këqia dhe të simptomave, atëherë mund t’i ballafaqoni frikat që ju pengojnë në plotësimin e tyre.

SHPESHHERË SIMPTOMAT TRETEN KUR T’U LEJONI NEVOJAVE DHE FRIKAVE TË NDRYDHURA TË HYJNË NË NDËRGJEGJEN TUAJ.

Vëzhgoni mendimet dhe ndjenjat që i keni lidhur me shëndet. A e konsideroni shëndetin si diçka vetëkuptuese? A luftoni me probleme fizike, emocionale ose shpirtërore? Këto probleme a janë pjesë e një tradite familjare apo rezultati i stilit tuaj personal të jetesës?

Në vijim do të gjeni POHIME TË FIKSUARA NGA KULTURA, LIDHUR ME TEMËN E SHËNDETIT, që mund t’i keni dëgjuar hera-herë si fëmijë.

Mos e tepro. Nuk do të jetë aq keq sa thua.
Shëndeti i keq është dënimi për veprat e këqia.
Familja jonë nuk ka para për sëmundje.
Trupi nuk është i rëndësishëm. Mendja/koka/efekti kanë rëndësi.
Përderisa trupi funksionon, ku është problemi? Ka gjëra më të rëndësishme në jetë.
Të kujdesesh për trupin/sport/gjumë/shëndet është luks dhe diçka egoiste.
Njerëzit me shëndet të mirë nuk kanë punuar shumë në jetë.
Njerëzit e sëmurë kanë kohë dhe para të tepërta.
Mos u anko, të tjerët janë shumë më keq.
Të plakësh do të thotë të sëmurësh.
Çfarë vjen vetvetiu, edhe ikën vetvetiu.
Kush është i sëmurë, e ka fajin vetë.

Dhe tani disa BINDJE QË NJERËZIT I KISHIN FITUAR SI FËMIJË DHE SIPAS TË CILAVE JETOJNË AKOMA.

Vetëm kur jam e sëmurë, njerëzit më vërejnë.
Kur jam me shëndet, duhet të punoj tepër.
Një jetë plotësisht e shëndoshë është e mërzitshme.
Vetëm kur të peshoj (x kg) më pak, mund të jem e lumtur.
Jam tepër e dobët. Nuk ka çka të bëj kur jam e sëmurë.
TI më bën të sëmurë.
Nuk mund të kem besim në trupin tim.
Nuk mundem për shkak të “këmbës sime prej druri”.

A ju duket e njohur njëra nga këto fjali?

Hidhni në letër fjalitë që kanë qenë të rëndësishme në jetën TUAJ.
Këto mesazhe kanë fuqi.

ZGJIDHNI DY-TRI NGA MË TË RËNDËSISHMET DHE FORMONI TË KUNDËRTËN.

Dr. Ulla Sebastian

[jadore]

AFORIZMA PER RRITJEN SPIRITUALE

Cdo pervoje sherben per t'ju bekuar dhe jo per t'ju plagosur.

Secili vend dhe secila situate ne jete paraqesin nje shans per rritje.

Vendi me i mire per t'u rritur eshte tamam aty ku gjendeni. Koha me e mire eshte tani.

Je mirenjohes per mundesite per t'u rritur.

Testet me te medha nga te gjitha testet jane ato ne shtepi, me familjen. Prandaj shtepia eshte nje vend i shkelqyeshem per t'u rritur.

Eshte mundesi e mire per t'u rritur ne qofte se njerezit flasin gjera per ty, kundrejt teje. Kjo te jep nje shans per ta ushtruar Dashurine e vertete. Kjo te jep nje shans per ta ushtruar paqen e vertete. Vete fakti qe ata bejne zhurme me gojat e tyre nuk eshte arsye per t'u ndier keq per kete. Kundershtimi eshte nje gje shume e shendoshe meqe nxiton dhe sforcon rritjen.

Nuk ka asgje qe ndodh qe nuk mund te perdoret. Nuk ka asnje ngjarje qe nuk mund te perdoret si mesues.

Cdo minute e cdo dite do te duhej te perdorej per t'u rritur.

Duhet te perpiqemi te shkojme gjithe rrugen. Neve na eshte dhene ta bejme kete. Ne e kemi mundesine te kthehemi gjithe rrugen per ne shtepi, drejtperdrejte tek Absolutja.

Prite te pakufishmen, asgje me shume. Nuk mund te teprosh.

Celesi eshte malli per clirim. Me ta kapur, do te bartesh gjithe rrugen.

Ne deshiren tone per ta arritur clirimin ose realizimin, ndimohemi ne ate menyre sa ne u ndihmojme te gjithe te tjereve.

Rritu derisa ta arrish piken ku gjithe vemendja ndodhet larg teje dhe tek te tjeret.

Sa me lart ngritesh, aq me shume mosdallim do te vije. Do t'i pranosh lideret e te gjitha feve njelloj.

Duhet t'u falenderosh atyre qe te kundershtojne, sepse ata te japin nje shans te jashtezakonshem per rritje.



Hale Dwoskin / Lester Levenson, "Happiness is Free"

[jadore]

¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯
Ti e sheh veten si te vogel dhe te kufizuar.
Por nese mbyll syte gjate meditimit,
do te shohesh gjeresine e ndergjegjes sate -
dhe po sheh se gjendesh ne qendren e amshurise.
Aty perqendrohu.

-- Paramhansa Yogananda
......

Kurre nuk eshte vone te jesh njeriu qe mund te kesh qene.

-- George Eliot
Ku te shikosh ...

"Duhet ta kuptosh teresine e jetes,
jo vetem nje pjese te vogel te saj.
Per kete arsye duhet te lexosh,
per kete arsye duhet t'i shikosh qiejt,
per kete arsye duhet te kendosh dhe kercesh
dhe te shkruash poezi dhe te vuash dhe te kuptosh,
sepse e gjitha kjo eshte jeta."

-- J. Krishnamurti

.............
Goethe (?) tha dicka te ngjashme, qe me pelqen shume. Tha se cdo dite duhet te lexojme ndonje poezi te mire, te shikojme ndonje pikture te mire ose te degjojme ndonje muzike te mire.
Une vyshkem dhe vdes pa kenduar dhe kercyer, ndersa vuajtjet perpiqem t'i transformoj ne kuptim. Te kuptoj sa me shume njerez dhe situata, ta kem zemren gjithmone e me te gjere.
Po ju? si e perjetoni ju "teresine e jetes"? A kendoni e kerceni ose preferoni t'i shikoni qiejt? Cfare lexoni, cfare shkruani? Sa keni vuajtur? Dhe me ne fund: cfare keni kuptuar?

Lista ekziston gjithashtu per te menduar me shkrim rreth pyetjeve dhe impulseve te tilla. Atehere mund te behet nje udhetim i brendshem.
Nese deshironi, ndajini mendimet, ndjenjat, intuicionet tuaja me te tjerat dhe te tjeret.