Lajme aktuale nga vendi !

Byhler: Potenciali i dhunës në veri i lartë

Gjendja në veri të Kosovës mbetet ende shpërthyese ku potenciali i dhunës mbetet i lartë, ka deklaruar të martën komandanti në largim i KFOR-it, gjenerali gjerman, Erhard Byhler.
Ai ka tërhequr vërejtjen se përderisa politika po e humb ndikimin e vet te popullata, strukturat kriminale po sundojnë atje, dhe në mungesë të funksionimit të organeve të rendit dhe ligjit, këto struktura po i diktojnë rregullat e veta.
Gjatë një konference që Byhler mbajti në përmbyllje të mandatit të tij, ai ka ftuar të gjithë që të bëjnë një ndarje të qartë ndërmjet popullatës serbe dhe strukturave kriminale, duke thënë se nuk mund të bëhet asnjë krahasim, pasi që atje, sipas tij, strukturat kriminale janë një pakicë, kurse popullata që dëshiron të jetojë në paqe e qetësi, përbën shumicën.
Por, ka nënvizuar Byhler, kjo popullatë po i nënshtrohet frikësimit dhe kërcënimit pikërisht nga strukturat e krimit të organizuar.
Komandanti në largim i KFOR-it e ka përshkruar gjendjen në veri aktualisht si të qetë, por edhe me potencial shpërthyes.
“Potenciali për dhunë mbetet ende i lartë. Kriminelët dhe strukturat radikale vazhdojnë të ndikojnë tek popullata në veri duke kërkuar mbështetje më të fuqishme”, tha Byhler.
Ai tha po ashtu se interesi më i madh i këtij organizimi kriminal është ai financiar, ndonëse parashikoi se në të ardhmen këto mundësi për financa po u zvogëlohen.
Zgjidhja e problemeve në veri, nënvizoi ai, duhet kërkuar përmes dialogut.
Ai tha se një rol të madh këtu mund të luaj edhe Serbia. Sipas bindjeve të tij, edhe Serbia ka interes të madh që kriminelët të kapen dhe hiqen qafesh.
Byhler ka lavdëruar disa hapa që Policia e Serbisë i ka ndërmarrë në anën tjetër të kufirit për reduktimin e kontrabandës, sidomos me derivate të naftës.
Ne duhet të vazhdojmë së bashku me policinë për kapjen e strukturave kriminale, tha Byhler, duke tërhequr vërejtjen se strukturat kriminale po e lëkundin veriun, përderisa politika po e humb kontrollin tek popullata.
“Disa nga këta radikalë janë të lidhur me bandat e organizuara të rrugës dhe huliganët të cilët janë të përgatitur dhe kanë përdorur në fakt armët e zjarrit, eksplozivët dhe koktej molotovi”, ka thënë Byhler.
Për shkak të këtyre rrethanave në veri nuk ka pasur një funksionim të organeve të drejtësisë e sigurisë, prandaj edhe ekstremistët i përcaktojnë rregullat e veta të cilat ua imponojnë edhe popullatës, tha Byhler.
Ai i ka siguruar kosovarët se në pjesën e parë të vitit 2012 nuk pritet ndonjë vendim i ri për shkurtimin e numrit të trupave të KFOR-it në Kosovë.
Ai tha se shkurtimet e mëtutjeshme të trupave mund ta sillnin KFOR-in në situatë që të mos mund të ballafaqohej me sfidat siç ishin ato në veri të Kosovës.
Po të martën, edhe ambasadori amerikan në Prishtinë, Kristofer Dell ka folur për zhvillimet e fundit në veri.
Dell tha se javëve të fundit kemi parë sesi liderët lokalë dhe institucionet e Kosovës mund të punojnë së bashku për të ndërtuar një ambient të sigurt.
“Mendoj se përparësia pas 25 korrikut qëndron pikërisht në faktin sesi liderët politikë të përgjegjshëm, pastaj udhëheqësit religjiozë të të gjitha komuniteteve në Kosovë, vendosën besimin në institucione. Dhe si rezultat nuk pamë dhunën ndëretnike sikurse në vitin 2004, por pamë një vend stabil, paqësor dhe rezistues ndaj atyre që tentuan të provokojnë konflikt ndëretnik midis komuniteteve”, ka thënë Dell.
Ai tha po ashtu se SHBA është e përkushtuar për të parë zbatimin e plotë të Pakos së Ahtisarit, përfshirë edhe krijimin e komunës së re të Mitrovicës së Veriut.
“Siç e kemi parë në komunat e reja në Kosovë, liderët legjitimë të zgjedhur janë më të përgjegjshëm ndaj nevojave të qytetarëve”, ka deklaruar Dell.
Ai tha po ashtu se ky është proces i duhur që përmes liderëve të zgjedhur, strukturat paralele në prapavijë do të zhduken, sepse qytetarët nuk do të kenë nevojë t’iu drejtohen atyre.

[Zero Cool]

Ekskluzive: Thaçi e Tadiq u takuan 2 herë






Hashim Thaçi, kryeministër i Kosovës i ka shtrirë dorën dy herë presidentit të Serbisë, Boris Tadiq. Zbulimin e bëjnë kabllogramet e WikiLeaks, të cilat ka arritur t’i identifikojë ekskluzivisht portali Indeksonline.

E para që e konfirmon takimin është një dokument i dërguar nga Misioni i SHBA-së në OKB, në janar 2008.

Aty ambasadori i atëhershëm amerikan, Khalilizad shpjegon takimin e tij me presidentin serb Boris Tadiq, që i kishte treguar për takimin me kryeministrin Thaçi.

“Presidenti Tadiq tha se Serbia kishte ofruar një “model shumë të qartë të autonomisë substanciale”, gjatë negociatave të Treshes për statusin final. Ai bëri thirrje për më shumë bisedime sepse ‘ne nuk do të heqim dorë nga Kosova’. Ai tha se e kishte takuar në New York kryeministrin e Kosovës Hashim Thaçi dhe se do të takohej me të përsëri në përpjekje për të gjetur një kompromis final për statusin, por u ankua se historia e fundit e Kosovës dhe premtimet për pavarësinë po i bëjnë shqiptarët jobashkëpunes. Ai tha se ‘ne kemi një të kaluar të keqe nga e cila po provojmë të dalim’, por insistoi se ‘Unë nuk jam Slobodan Milosevic’.

Tjetri kabllogram është dërguar nga ambasada në Athinë për në Washington dhe konfirmon takim të Tadiqit me Thaçin edhe sa ky i fundit ishte në opozitë.

Dokumenti është dërguar nga ambasadori Charles Reis, i cili raportonte për vizitën në Greqi të presidentin serb Tadiq dhe atij malazes Marovic.

Ambasadori shpjegon fillimisht se si Tadiq refuzonte çdo formë të pavarësisë për Kosovën dhe bënte thirrje për vazhdimin e dialogut ndërmjet palëve.

“Në një zhvillim pozitiv, Tadiq tha se ai kishte pasur një diskutim të shkurtët me liderin e shqiptarëve të Kosovës Hashim Thaçi në margjinat e takimi të Internacionales Socialiste, dhe të dy ishin pajtuar se kontaktet direkte ndërmjet Beogradit dhe shqiptarëve të Kosovës do të ishin të dobishme”, shkruante ambasadori Reis.

[Zero Cool]

NATO do të ndihmojë ngritjen e kapaciteteve të FSK-së






Presidentja e Republikës së Kosovës, Atifete Jahjaga është takuar me sekretarin e Përgjithshëm të NATO-s, Anders Fogh Rasmussen, i cili theksoi se NATO do të vazhdojë që të ndihmojë në ngritjen e kapaciteteve të Forcës së Sigurisë së Kosovës dhe do ta përcjellë me kujdes të ardhmen e kësaj force.
Sekretari i NATO-s, Rasmussen u shpreh se NATO-ja ishte e shqetësuar me situatën e krijuar në veriun e Kosovës, por mirëpriti shtendosjen e saj në javët e fundit. Sipas tij, NATO i jep mbështetje të fuqishme komandantit të KFOR-it dhe vlerësoi se marrëveshja e mirëkuptimit e arritur me palët e ka qetësuar situatën.

Sipas tij, është me rëndësi gjetja e një zgjidhjeje të qëndrueshme, ndërsa shprehu qëndrimin se ndarja e Kosovës nuk është zgjidhje.

Ndërkaq, presidentja e Republikës së Kosovës, Atifete Jahjaga, tha se forca paqeruajtëse e NATO-s në Kosovë është institucioni më i vlerësuar dhe më i respektuar, që kontribuon në ruajtjen e paqes dhe stabilitetit.

Presidentja Jahjaga tha se aksioni i Policisë së Kosovës, në pikat kufitare 1 dhe 31 ishte sipas vendimit të Qeverisë për zbatimin e masave të reciprocitetit dhe ishte në përputhje të plotë me Kushtetutën dhe ligjet e vendit. Ajo tha se kontrolli në gjithë kufirin ndërmjet Kosovës dhe Serbisë, me qëllim të parandalimit të kalimit ilegal dhe kontrabandës, dëshmon përkushtimin e shtetit të Kosovës për të kontrolluar tërësinë territoriale dhe sovranitetin e saj.

Jahjaga tha se ndarja e Kosovës nuk është zgjidhje dhe theksoi se Republika e Kosovës dhe Republika e Serbisë duhet që ta formësojnë të ardhmen e tyre në BE, si dy shtete të pavarura.

Presidentja theksoi se me gjithë faktin që shtetin e Kosovës ende nuk e kanë njohur katër vende të NATO-s duhet të gjendet modaliteti që Kosova të marrë pjesë në Partneritetin për Paqe të NATO-s. Ajo po ashtu thekso se FSK do të duhej të merrte pjesë në nismat dhe misionet e NATO-s në rajon dhe botë.

Në takim, i cili ishte i mbyllur për media, thuhet se janë diskutuar edhe një varg çështjesh të tjera.

[Llapjani_HH]

VV kundër projektligjit për Qendrën Historike të Prizrenit

Lëvizja Vetëvendosje është shprehur kundër Projektligjit për Qendrën Historike të Prizrenit, pasi sipas tyre ky projektligj zgjeron dhe forcon pushtetin e autoriteteve kishtare ortodokse të Beogradit në brendi të qytetit të Prizrenit.

Sipas kësaj lëvizje, ky ligj e legjitimon pretendimin e Serbisë që të gjitha monumentet dhe kishat ortodokse në Kosovë janë “serbe”, duke mohuar kështu kulturën e përbashkët fetare dhe historike të Kosovës e cila është karakteristikë e qytetit të Prizrenit, si dhe është në kundërshtim me të drejtat ndërkombëtare për praktikimin e fesë, duke e definuar këtë të fundit në baza etnike.

“Gjithashtu, ky ligj e lejon Kishën Ortodokse Serbe, me seli në Beograd, të ushtrojë të drejtën e vetos karshi cilitdo vendim të përfaqësuesve komunal të Prizrenit, i cili e prek zonën historike, përfshirë të drejtën e tubimeve publike si dhe aktiviteteve kulturore”, thuhet në njoftim.

Për më tepër thuhet se ky projektligj do ta shndërrojë qendrën e qytetit në zonë që i nënshtrohet vullnetit të Kishës Ortodokse Serbe me seli në Beograd.

“Të gjitha aktivitetet komerciale dhe ndërtimore brenda kësaj zone do t’i nënshtrohen miratimit të Kishës Ortodokse Serbe.

Ky ligj e lejon Kishën Ortodokse Serbe të ushtrojë të drejtën e vetos përballë cilitdo vendimi të përfaqësuesve komunal të Prizrenit, i cili zhvillohet në zonën historike, përfshirë të drejtën e tubimeve publike si dhe aktiviteteve kulturore”, thuhet më tej.
Telegrafi

[Zero Cool]

Presidentja nuk mbron qëndrimin për aksionin në Veri


Atifete Jahjaga hezitoi ta mbrojë aksionin në Veri para zyrtarëve në Bruksel. Ajo këtë u mundua ta bëjë gjatë një paraqitjeje mediale disa orë pasi Presidenca e bëri publik qëndrimin e Baroneshës Ashton se veprimet unilaterale nuk duhet të përsëriten më. E ambasadori Dell nuk ka asnjë dilemë për aksionin në pjesën veriore. Ai tha se 25 korriku ka prodhuar efekte pozitive.







Presidentja Atifete Jahjaga ose ka harruar ose i ka rënë pishman për qëndrimet që i ka mbajtur rreth aksionit të Policisë së Kosovës për vendosjen e embargos në pikat doganore në kufirin verior, shkruan sot gazeta Express. .

Kreu i shtetit fillimisht ishte rreshtuar përkrah institucioneve dhe partive politike në vend duke mbështetur aksionin e 25 korrikut me arsyetimin se një veprim i tillë është shprehje e përkushtimit për mbrojtjen e sovranitetit dhe integritetit territorial.

Tash e disa javë zyrtarët më të lartë të vendit në pothuaj çdo eveniment përfshirë edhe sesionin e fundit të Këshillit të Sigurimit vazhdimisht janë deklaruar se ndërhyrja në Veri ishte ndërmarrë me qëllim të vendosjes së sundimit të ligjit.

Por Jahjaga duket se këtë nuk e parë të arsyeshme ta bëjë gjatë qëndrimit në Bruksel kur zyrtarë të BE’së kanë hapur këtë temë.

Sipas një komunikate të Presidencës së Kosovës e cila është lëshuar pas takimit të Jahjagës me Përfaqësuesen e Lartë të BE’së, Catherine Ashton, Prishtinës i është tërhequr vërejtja për aksionin e fundit në pjesën veriore.

Zyra për Informim e Presidencës ka cituar fjalë për fjalë një qëndrim të Baroneshës Ashton rreth ndërhyrjes së njësive speciale në pjesën veriore të vendit duke e quajtur atë një veprim “unilateral që nuk duhet të përsëritet më”

“Sa i përket aksionit në veri të Kosovës, zonja Ashton tha se “jemi të pakënaqur me aksionin unilateral në këtë pjesë dhe theksoi se kjo nuk duhet të përsëritet më” thuhet në njoftimin e Presidencës.

Por në njoftimin që ka dërguar Presidenca e Kosovës nuk ka ndonjë qëndrim të Jahjagës rreth kësaj çështjeje.

Për këtë takim ka njoftuar edhe Zyra e Baroneshës Ashton po aty nuk përmendet vërejtja për autoritetet kosovare.

Vërejtje të tillë nuk kanë bërë as Presidenti i Këshillit Europian, Herman Van Rompuy, i cili është paraqitur në një konferencë për media me Jahjagën, e as Komisioneri për Zgjerim, Stefan Fule.

Sido që të jetë, Jahjaga “gafin” e saj e ka përmirësuar gjatë një paraqitjeje televizive në mbrëmje ku i është kthyer qëndrimit të vjetër se aksioni në Veri ka qenë i drejtë. legjitim dhe kushtetues.

Ndërhyrja në Veri nuk është ishte cilësuar e njëanshme as në reagimin e parë zyrtar të Baroneshës Ashton rreth ngjarjeve në pjesën veriore të vendit. Ashton ndër të tjera kishte kërkuar përmbajtje nga të dyja palët dhe një zgjidhje paqësore pa vonesa.

Shtetet e Bashkuara të Amerikës ndërkaq në reagimin e tyre kishin deklaruar se Kosova si shtet i pavarur dhe sovran ka të drejtë të shtrijë autoritetin në tërë territorin e saj.
Por mesazhi në kumtesën e Presidencës nuk ua ka ndërruar mendjen diplomatëve në Prishtinë.

Ambasadori i Shteteve të Bashkuara të Amerikës të martën ka folur rreth impaktit që ka pasur intervenimi në Veri.

Ndërhyrjen atje, ai e sheh si një përpjekje për të ndërtuar një ambient të sigurt.

“Mendoj se përparësia pas 25 korrikut qëndron pikërisht në faktin sesi liderët politikë të përgjegjshëm, pastaj udhëheqësit religjiozë të të gjitha komuniteteve në Kosovë, vendosën besimin në institucione. Dhe si rezultat, nuk pamë dhunën ndëretnike sikurse në vitin 2004, por pamë një vend stabil, paqësor dhe rezistues ndaj atyre që tentuan të provokojnë konflikt ndëretnik midis komuniteteve”, ka thënë Dell.

Ai ka shtuar se Shtetet e Bashkuara të Amerikës janë të përkushtuara për të parë zbatimin e plotë të Pakos së Ahtisaarit, duke përfshirë edhe krijimin e Komunës së re të Mitrovicës së Veriut.

“Siç e kemi parë në komunat e reja në Kosovë, liderët legjitimë të zgjedhur janë më të përgjegjshëm ndaj nevojave të qytetarëve”, ka thënë Dell.

Sipas tij, kjo është edhe mënyra më e mirë që strukturat paralele në prapavijë të zhduken, pasi qytetarët nuk do të kenë nevojë t’iu drejtohen atyre.

Ndryshe, Jahjaga gjatë qëndrimit në Bruksel Jahjagës i është konfirmuar edhe një herë perspektiva europiane e Kosovës.

Derisa Herman Van Rompuy e ka përmendur edhe çështjen e liberalizimit të vizave.
“Shpresoj se së shpejti do të arrihet hapja e dialogut për liberalizimin e vizave për Kosovën”, ka thënë ai.

[Zero Cool]

Nga 27 Nëntori, stema të reja të njësive të FSK-së

Me Dekret të Presidentes së Republikës së Kosovës, Atifete Jahjaga, sot, u bë promovimi i stemave të reja të njësive të Forcës së Sigurisë së Kosovës, si edhe promovimi i Kolonel Gezim Hazrollit në gradën Gjeneral brigade dhe emërimi i tij në detyrën e Zëvendës Komandanti të Forcave Tokësore të FSK-së.






Dekreti i nënshkruar nga Presidentja Jahjaga, sipas së cilit u promovuan stemat e reja të njësive të FSK-së është i bazuar në nenin 84 pika 12 e Kushtetutës së Republikës së Kosovës dhe neni 18 paragrafi 3 i Ligjit Nr. 03/L-046, për Forcën e Sigurisë së Kosovës dhe i bazuar në kërkesën e Ministrit të FSK-së Agim Çeku. Po sot u komunikua vendimi që 27 Nëntori, të jetë “Dita e Forcës së Sigurisë së Kosovës”, ditë prej së cilës do të fillojnë të përdoren stemat e reja të Forcës së Sigurisë së Kosovës.
Po ashtu në këtë ceremoni me dekret të Presidentes së Republikës së Kosovës Atifete Jahjaga, Kolonel Gëzim Hazrolli u promovua në gradën Gjeneral brigade dhe u emërua në detyrën e Zëvendës Komandantit të Komandës së Forcave Tokësore, me këtë emërim në strukturën e FSK-së u plotësua vendi vakant i zëvendës komandantit të KFT-së. Gjeneral brigade Gëzim Hazrolli që nga themelimi i FSK-së e deri ditën e promovimit gjeneral brigade, ishte në detyrën e Shefit të Shtabit të Komandës së Forcave Tokësore. Po ashtu, Gjeneral brigade Hazrolli, ka qenë oficer i lartë në Trupat Mbrojtëse të Kosovës.

[Zero Cool]

Me 16 shtator fillon implementimi i marrëveshjes për vulat


Qeveria e Kosovës ka marrë vendim që më 16 shtator të fillojë të implementohet marrëveshja e arritur me Serbinë për vulat doganore. Kryeministri Thaçi tha se me këtë marrëveshje Serbia de jure e ka njohur pavarësinë e Kosovës






Qeveria e Kosovës është zotuar sot se do ta implementojë në tërësi marrëveshjen e arritur në bisedime me Serbinë për vulat doganore, raporton RTK. Kryeministri Thaçi tha se ky është edhe fillimi i njohjes de jure nga Serbia për Kosovën. Kryeministri i vendit ka njoftuar kabinetin e tij qeveritar se nga 16 shtatori do të fillojë të zbatohet marrëveshja dhe sipas tij të gjithë do t’i nënshtrohen rregullave të reja që do të aplikohen.
Kreu i qeverisë Thaçi po ashtu tha se të gjithë qytetarët në veri do të jenë të informuar se nga data 16 do të ketë rregulla të reja të lëvizjes së njerëzve dhe mallrave, që janë të obliguar të gjithë t’i respektojnë si kufij ndërshtetëror mes Kosovës dhe Serbisë. Thaçi theksoi se qeveria po bënë përpjekje për rehabilitimin e të gjitha pikë kalimeve në veri si pika 1 dhe 31.
Qeveria e Kosovës në mbledhjen e sotme ka miratuar projektligjin për azilin, projektligjin për kontrollin dhe mbikëqyrjen e kufirit shtetëror, atë për segmentin e 5 për zonat kadastrale Bllacë, Temeqinë dhe Bellanicë dhe propozim-vendimit për themelimin e këshillit nacional për persona me aftësi të kufizuara.

[Zero Cool]

Përforcohen me ekspertë






Njëri nga ekspertët më të njohur të marrëdhënieve me publikun dhe këshilltari i dikurshëm i ish-kryeministrit britanik, Tony Blair, Alastair Campbell është angazhuar për të këshilluar zyrtarë të Qeverisë së Kosovës në fushën e komunikimit strategjik.


Ministria e Jashtme njofton se Campbell është vetëm njëri prej shumë këshilltarëve që janë angazhuar muajt e fundit nga Qeveria.

Shumëkush në Angli beson se fuqia e vërtetë prapa ish-kryeministrit Tony Blair ishte pikërisht drejtori i tij i komunikimeve, Alastair Campbell.

Campbell ishte autori i porosive dhe taktikës mediale të laburistëve pas kthimit të tyre në pushtet në Angli, e më vonë edhe njeriu kryesor në mbrojtjen mediale të politikave të Blairit si lufta në Kosovë dhe Irak.

Pas rënies së Tony Blairit nga pushteti, Campbell është tërhequr nga politika derisa vazhdon të mbetet në “treg” me librat e tij të popullarizuar dhe angazhimet si këshilltar për komunikim i kompanive të mëdha botërore.

Campbell pritet që së shpejti në listën e “studentëve” të tij ta përfshijë edhe Qeverinë e Kosovës, njofton gazeta Express.

Eksperti i famshëm i marrëdhënieve me publik do të mbajë një kurs intensiv për zyrtarë të lartë të Qeverisë rreth çështjeve të komunikimit strategjik. Ardhja e tij është organizuar nga Këshilli Britanik dhe Ministria e Punëve të Jashtme e Republikës së Kosovës.

Ky trajnim është vetëm një pjesë e programit njëvjeçar të përgatitur nga MPJ-ja dhe Këshilli Britanik nga fondet e përbashkëta të Prishtinës dhe Londrës.

Arjeta Emra, drejtoreshë e Këshillit Britanik për Kosovën ka konfirmuar ardhjen e Campbellit në Prishtinë.

[Zero Cool]

Shqiponja - simboli kryesor i FSK-së





Me dekret të presidentes së Republikës së Kosovës, Atifete Jahjaga, u bë të mërkurën promovimi i stemave të reja të njësive të Forcës së Sigurisë së Kosovës (FSK).


Kështu, shqiponja bëhet simboli kryesor i Forca e Sigurisë së Kosovës duke u zëvendësuar me luanin që ka qenë simbol i forcës tash e dy vjet. Me dekret të presidentes, FSK ka ndërruar të gjitha simbolet e batalioneve dhe njësive të saj.

Dekreti i nënshkruar nga Presidentja është i bazuar në nenin 84 pika 12 e Kushtetutës së Republikës së Kosovës dhe neni 18 paragrafi 3 i Ligjit Nr. 03/L-046, për Forcën e Sigurisë së Kosovës dhe i bazuar në kërkesën e Ministrit të FSK-së, Agim Çeku.

Po sot u komunikua vendimi që 27 Nëntori, të jetë “Dita e Forcës së Sigurisë së Kosovës”, ditë prej së cilës do të fillojnë të përdoren stemat e reja të Forcës së Sigurisë së Kosovës.

[Zero Cool]

Arrestohen tre aktivistë të Vetëvendosjes


Aktivistë të Lëvizjes Vetëvendosje, janë tubuar sot para hyrjes kryesore të Kuvendit Komunal të Prizrenit, në mënyrë që të shprehin pakënaqësinë e tyre rreth projektligjit për qendrën e Prizrenit, i cili sot po debatohet nga këshilltarët komunalë të Prizrenit. Në një njoftim të Vetëvendosjes thuhet se Policia tentoi që t’i shpërndante aktivistët dhe në tentim e sipër arrestoi tre prej tyre. Ata janë: Kushtrim Dakaj, Edi Kabashi dhe Jaser Ymeri. “Me gjithë përpjekjen e policisë protesta po vazhdon dhe asaj po i bashkëngjiten edhe qytetarët e Prizrenit. Mbledhja e Kuvendit Komunal po vazhdon, ndërkaq përballë protestuesve qëndron njësia speciale e policisë, i cila e ka bllokuar hyrjen”, thuhet në reagimin e Lëvizjes Vetëvendosje.

[Zero Cool]

Limaj: PDK-së i duhen reforma të thella






Ish-ministri i Transportit, Fatmir Limaj, e quan jo kushtetuese kërkesën të cilën qeveria e Kosovës ia bëri Gjykatës Kushtetuese për të zgjidhur çështjen e imunitetit të deputetëve.


Në një intervistë për Top Channel, deputeti i Kosovës nuk dëshiron të flas për proceset gjyqësore, por për Gjykatën Kushtetuese e cila, sipas tij, do të duhej ta shqyrtonte kushtetutshmërinë e kërkesës së qeverisë.

“Imunitetin asnjë kushtetutë në rajon nuk e ka më të qartë se sa Republika e Kosovës dhe aty s’ka çfarë të interpretohet. Kjo kërkesë është thjesht një kamuflim”, deklaron Limaj.

Por kjo nuk është çështja e vetme për të cilën Limaj mendon se nuk po respektohet Kushtetuta e Kosovës. Ai i bashkohet opozitës në deklarimet e tij se marrëveshjet e fundit me Serbinë janë hapa prapa dhe në kundërshtim me Kushtetutën e vendit.

Një temë e cila është shumë aktuale e për të cilën Limaj duket se ka çfarë të thotë janë publikimet që dalin nga Wikileaks. Kabllogramet të cilat lakojnë emrin e kryeministrit Hashim Thaçi i cili sipas Wikileaks frikësohej që në zgjedhjet e fundit të shkonte me lista të hapura, bëjnë që Limaj t’i quajë hipokritë, siç thotë ai, ata të cilët kanë diskutuar çështje me ndërkombëtarët para se t’i shtrojnë ato në parti.

Nënkryetari i Partisë Demokratike të Kosovës nuk nguron të thotë se Partisë Demokratike i duhen reforma të thella.

“Partia nuk reformohet duke ruajtur mentalitetin e vjetër e duke prurë individë, partia reformohet me ide, e metoda”, ka thënë Limaj.

[Zero Cool]

Deputetët shpërfillin Kushtetuesën


Deputet e Kuvendit të Kosovës kanë injoruar kërkesën e Gjykatës Kushtetuese për t’iu përgjigjur pyetjes se çfarë imuniteti kanë.






08 shtator 2011
Deputetët e Kuvendit të Kosovës nuk po e shohin të udhës t’i kthejnë përgjigje Gjykatës Kushtetuese në kërkesën për të sqaruar se çfarë imuniteti kanë,pasi Qeveria ka dërguar në Gjykatë çështjen e sqarimit të imunitetit të deputetëve, raportojnë mediat.

Anëtarët e legjislativit të vendit konsiderojnë se kërkesa ka qenë më mirë t’i drejtohet njërit nga komisionet atij për legjislacion apo atij për imunitete dhe mandate.

Arsim Bajrami, kryetar i Nënkomsionit për mandate dhe imunitete thotë se Gjykata është dashur të kërkojë sqarime nga ky segment.

“Do të ishte mirë që Gjykata të kërkonte sqarim nga Komisioni për legjislacion apo Nënkomsioni për mandate dhe imunitete dhe ka mundur ta ketë opinionin e krejt Kuvendit e jo, siç ka bërë, nga deputet, duke i parë si palë të interesuara në çështje”, ka thënë Bajrami.

Ndër të vetmit që i ka kthyer një përgjigje Gjykatës Kushtetuese është deputeti i Partisë Demokratike Nait Hasani.

“Unë i kam shkruar gjykatës Kushtetuese dhe kam thënë se politikanët e mirëfilltë e dinë se sipas Kushtetutës deputetët kanë imunitet. Ndërsa politikanët naivë kërkojnë sqarime. Qeveria nuk ka pasë të drejtë ta dërgojë këtë çështje në Gjykatë”, ka thënë Hasani.

Muaj më parë, misioni i BE-së për sundim të ligjit kishte kërkuar nga qeveria që të dërgojë për sqarim në Gjykatën Kushtetuese çështjen e imunitetit të deputetëve kosovarë. Kjo vinte pas situatës së krijuar me hetimet për krime lufte ndaj deputetit Fatmir Limaj, megjithëse Prokuroria e shtetit kishte sqaruar se nuk ka imunitet për natyrën e veprave për të cilat ai dyshohet.

Megjithatë, Gjykata Kushtetuese vazhdon të kërkojë informata dhe materiale nga Kuvendi dhe nga deputetët, në mënyrë që ta formësojë verdiktin e saj.

[Fshatari]

Postimi origjinal është bërë nga Zero Cool

Deputetët shpërfillin Kushtetuesën


Deputet e Kuvendit të Kosovës kanë injoruar kërkesën e Gjykatës Kushtetuese për t’iu përgjigjur pyetjes se çfarë imuniteti kanë.






08 shtator 2011
Deputetët e Kuvendit të Kosovës nuk po e shohin të udhës t’i kthejnë përgjigje Gjykatës Kushtetuese në kërkesën për të sqaruar se çfarë imuniteti kanë,pasi Qeveria ka dërguar në Gjykatë çështjen e sqarimit të imunitetit të deputetëve, raportojnë mediat.

Anëtarët e legjislativit të vendit konsiderojnë se kërkesa ka qenë më mirë t’i drejtohet njërit nga komisionet atij për legjislacion apo atij për imunitete dhe mandate.

Arsim Bajrami, kryetar i Nënkomsionit për mandate dhe imunitete thotë se Gjykata është dashur të kërkojë sqarime nga ky segment.

“Do të ishte mirë që Gjykata të kërkonte sqarim nga Komisioni për legjislacion apo Nënkomsioni për mandate dhe imunitete dhe ka mundur ta ketë opinionin e krejt Kuvendit e jo, siç ka bërë, nga deputet, duke i parë si palë të interesuara në çështje”, ka thënë Bajrami.

Ndër të vetmit që i ka kthyer një përgjigje Gjykatës Kushtetuese është deputeti i Partisë Demokratike Nait Hasani.

“Unë i kam shkruar gjykatës Kushtetuese dhe kam thënë se politikanët e mirëfilltë e dinë se sipas Kushtetutës deputetët kanë imunitet. Ndërsa politikanët naivë kërkojnë sqarime. Qeveria nuk ka pasë të drejtë ta dërgojë këtë çështje në Gjykatë”, ka thënë Hasani.

Muaj më parë, misioni i BE-së për sundim të ligjit kishte kërkuar nga qeveria që të dërgojë për sqarim në Gjykatën Kushtetuese çështjen e imunitetit të deputetëve kosovarë. Kjo vinte pas situatës së krijuar me hetimet për krime lufte ndaj deputetit Fatmir Limaj, megjithëse Prokuroria e shtetit kishte sqaruar se nuk ka imunitet për natyrën e veprave për të cilat ai dyshohet.

Megjithatë, Gjykata Kushtetuese vazhdon të kërkojë informata dhe materiale nga Kuvendi dhe nga deputetët, në mënyrë që ta formësojë verdiktin e saj.

Vite me pare, Gjykata nderkombetare e drejtesise ne Hage, e ka gjykue dhe e ka lirue si te pafajshem deputetin e parlamentit te Kosoves, F.Limajn.
Si duket misioni i beeeeeeeee-se e injoron OKB (gjykata e Hages eshte juridikcion i kesaj organizate). Nuk ka asnje aresye qe i njejti person te pergjigjet per te njejtat vepra dy here me radhe. Kjo nuk eshte ne rregull.
Deputetet e Kosoves kane plotesisht te drejte te injorojne plotesisht dhe absolutisht pyetjen absurde te kushtetutes me nje heshtje te madhe mu ashtu siç kane vepruar. Kjo nuk do te perfundoje me kaq: neser do te shohim euleshin serbo-franko-rumun qe do t'ia beje nje pyetje edhe Kryetares se Republikes, psh pse ju Quajne Altifete perderisa ky emer nuk figuron ne Kushtetuten e Kosoves. Ose pse lopet e fshatarit nuk po qesin shume qumsht tani ne vjeshte, e absurditete tjera qe vetem kretenat evropjan te drejtuar nga nje gjeneral francez mund t'i bejne. Kaq e ka kjo pune.

[Zero Cool]

Dogana zbulon para dhe telefona të kontrabanduar





Në Pikë kalimin kufitar në Aeroportin Ndërkombëtar të Prishtinës, te kontrolli i pasaportave në dalje është përzgjedhur për kontroll një udhëtar. Pala e ndaluar është pyetur nga oficerët Doganore nëse ka për të deklaruar mjete monetare, pala është përgjigjur që ka të holla në vlerë prej 9.700 euro.
Pas kontrollit detal të bagazhit dhe kontrollit trupor, oficerët doganor kanë zbuluar të fshehura në çorape të udhëtarit, mjete monetare në shumë prej 9,500 euro, ku në total udhëtari kishte me vete shumën prej 19.200 euro.

“Me ketë rast pala ka dështuar në deklarim pasi që ka kaluar të gjitha mundësitë dhe vendet zyrtare për deklarimin e mjeteve monetare konform ligjit (ligjit 03-L/196) për deklarimin e mjeteve monetare mbi vlerën 10 mijë euro dhe sipas kësaj rregulloreje i konfiskohen 25 për qind e sasisë totale të mjeteve monetare të padeklaruara, në ketë rast 4.800 euro. Pas përfundimit të procedurave nga Dogana e Kosovës rasti është përcjell te Policia e Kosovës, sektorit të krimeve financiare, së bashku me mjetet monetare, si dhe rasti dërgohet në Gjykatën për Kundërvajtje për procedure të mëtutjeshme”, thuhet në komunikatën e doganave.

Po të njëjtën ditë oficerët doganor kanë parandaluar edhe një rast tjetër të kontrabandës. Një udhëtar pas arritjes nga Zvicra është futur në kanalin e gjelbër,kanal i cili tregon që nuk ka asgjë për deklarim, ku nga oficerët doganor është përzgjedhur për kontroll.

Pas ndaljes së personit në fjalë, i është hapur valixhja për kontroll detal nga oficerët Doganor, në të cilën janë zbuluar telefona celular të rinj dhe disa të përdorur. Sasia e telefonave të zbuluar është 33 copë, të markave dhe modele të ndryshme si Nokia, Samsung, Sagem, Alcatel.

[Zero Cool]

Greqia fton Kosovën në Samitin e ri të Selanikut


Shefi i diplomacisë greke, Stavros Lambrinidis, ka bërë thirrje për vazhdimin e bisedimeve ndërmjet Kosovës dhe Serbisë të ndërmjetësuara nga Bashkimi Evropian. Ai i bëri këto komente gjatë qëndrimit në Prishtinë, për të promovuar agjendën 2014 për anëtarësimin e vendeve të Ballkanit perëndimor në Bashkimin Evropian.





Pas takimit me kryeministrin e Kosovës, Hashim Thaçi, ai tha se dialogu është e vetmja rrugë evropiane për zgjidhjen e çështjeve ndërmjet Kosovës dhe Serbisë, dhe jo dhuna dhe përdorimi i armëve.

Greqia është një nga pesë vendet e Bashkimit Evropian që nuk e kanë njohur pavarësinë e Kosovës. Lambrinidis tha se Athina nuk ka ndryshuar qëndrimin e saj kundruall pavarësisë së Kosovës, por Greqia do të mbështesë Kosovën në proceset për afrimin me Bashkimin Evropian.

Ministri grek tha se vendi i tij është i përkushtuar për ardhmërinë evropiane të rajonit dhe për këtë arsye, javën që vjen ai së bashku me ministrin e jashtëm italian Franco Frattini do të shkojnë në Tiranë, në një mision të përbashkët për t’i dhënë një shtysë procesit të integrimit evropian të Shqipërisë.

Nga ana e tij, kryeministri Thaçi ka vlerësuar lartë angazhimin aktiv dhe dinamik të Greqisë për zhvillimet, për paqen, stabilitetin dhe bashkëpunimin fqinjësor në rajon. Kjo është shfaqur, ka theksuar kryeministri Thaçi, përmes vizionit të kryeministrit grek
Papandreu për perspektivën evropiane për të gjithë rajonin dhe në këtë kontekst edhe për perspektivën evropiane te Kosovës.

“Qeveria e Republikës së Kosovës mbështet idenë dhe vizionin për takimin Selaniku 2, në vitin 2014, për perspektivën e gjithanshme evropiane të rajonit”, ka thënë kryeministri pas takimit me ministrin grek Lambrinidis. Ky i fundit është pritur edhe me homologun e tij kosovar, Enver Hoxhaj.