Argetim:horoskopi....

[natyra]

Horoskopi 2008
E enjte, 27-12-2007, 11:36pm (GMT+1)

Pak e largët si rrugë por e saktë. Viti 2008-të dhuron për juve mjaft gjëra si në jetën e përditshme, në punë dhe dashuri. Njerëzit që kanë dëshirën e madhe për të mësuar mbi astrologjinë duhet të lexojnë gjithçka me kujdes sepse çdo gjë është e vërtetë. Astrologjia është një det i madh me gjëra të pafundme dhe me leximin e këtij materiali do të njiheni me gjithçka që nuk dinit më parë. Do të keni shumë shanse në jetën tuaj duke mësuar mbi çdo drejtim të panjohur për ju. Ndërsa në brendësi të suplementit do të mund të njihni me parashikimin e yjeve për vitin 2008 për çdo fushë të jetës, paraprakisht ju prezantojmë me diçka prej tyre. Dashi, “Shanse të reja për ju të shenjës së dashit do të ketë këtë vit, të cilat rezultojnë positive në fushën e karrierës suaj. Falë rezultateve të larta që do të arrini në profesionin tuaj do të merrni dhe shpërblimin e duhur që meritoni…. Ju mund të ndjeheni të plotësuar për të dhënë më tepër nga vetja në marrëdhënien tuaj”. Demi, “Praktik dhe me këmbë në tokë paraqiteni ju të shenjës së demit në periudhën e vitit 2008-të. Duhet të punoni më tepër gjatë 2008-tës për të siguruar të ardhurat që ju nevojiten… Do të harxhoni shumë kohë duke u marrë me idetë tuaja krijuese dhe duke ndihmuar të tjerët. Kjo do t’ju sjellë juve shumë rritje financiare dhe sukses në karrierën tuaj….Këtë vit ju mund të gjendeni të tërhequr nga një person I cili punon së bashku me ju”. Binjakët, “Energjia më e madhe e juaja këtë vit do të përqëndrohet në rritjen e situates suaj financiare. Viti 2008 është viti i ndryshimeve, por dhe i zhvillimeve... Si pasojë e aplikimit të njohurive tuaja brilante ju do të kaloni në një nivel të ri të suksesit…. 2008 plotëson një cikël të madh të jetës dhe tani duhet të sqaroni njëherë e mirë lidhjet tuaja”. Gaforrja, “Mesazhi i 2008 është evident. Duhet të kaloniçdo frikë dhe të bëni hapin e madh. Çështjet e punës fillojnë të normalizohen dhe rikthehet një ekuilibër i rëndësishëm. Vit interesant dhe sensibël për fushën sentimentale”. Luani, “Viti 2008 fillon mjaft dinamik dhe pasionant për ju, ndryshe nga ai që keni lënë pas… Do të jetë viti i duhur për të vlerësuar dëshirat tuaja reale në çështje profesionale dhe për të zgjedhur atë ç’ka është më e mirë për ju. Ky vit ju sjell më tepër kënaqësi, buzëqeshje, netë romantike si dhe lidhje të reja”. Virgjëresha, “Fokusimi i Virgjëreshës për vitin 2008 zhvillimi, krijimi dhe përpjekja për të ruajtur sensin njerëzor të plotë. Puna juaj paraqitet si zakonisht, por që do jeni të mbushur me shpresën që duhet të luftoni dhe të punoni me shumë mundim për të arritur në nivelin e duhur, dhe kjo do bëhet si një obsesion në shumë detaje... Shumë ndryshime të jetës tuaj sentimentale parashikohen për vitin 2008”. Peshorja, “Ky vit do të shërbejë më tepër për të gjetur pikat e duhura nga ku do të niseni për të bërë një sipërmarrje të nevojshme. Ndryshimet do të vijnë tek ju në mënyrë të menjëhershme. Do t’ju karakterizojë dëshira për të patur një lidhje të qëndrueshme, dhe pse jo për të ndërtuar një familje me personin e zemrës”. Akrepi, “Me hapësiara pasioni parashikohet të jetë ky vit për ju,dhemshuria dhe emocioni sensibël do ju ndikojë që të ndihmoni persona të tjerë në familje, shoqëri apo anën profesionale… Ky vit duket se do të sjellë vizione të qarta për sa i përket punës tuaj. Do të përjetoni gjatë pjeësës së parë të vitit një dashuri të fortë romantike edhe pse ende nuk ndiheni të sigurtë për atë”. Shigjetari, “Këtë vit, ju nevojitet ta provoni vetveten në çdo dëshirë tuajën absolute. Me zjarrin e ambicies dhe dhe sensin e perfeksionimit, ju do qëndroni të forte në punë ku do shijoni përgjegjësitë. Përpiqeni shumë për një perfeksion në dashurinë tuaj, përdorni ngrohtësinë nayrore dhe zbulojeni atë”. Bricjapi, “Do ndiheni shumë optimist, entuziazëm dhe besim në vetvete për vitin 2008. Ana financiare paraqitet e mirë duke punuar me shumë intesitet dhe ide të reja. Dashuria që keni për kolegët e punës do jetë mjaft ndryshe nga sa parashikohet”. Ujori, “Ju pëlqen të keni dëgjues të shumtë kur flisni me pasion për artin dhe keni këndvështrimin tuaj për botën. Ndiheni shumë të bekuar kur shprehni hapur konceptet tuaja. Pëlqeni më shumë të përhapni idetë tuaja tek të tjerët se sa të jeni pjesë e komunitetit. Aftësitë tuaja për të jetuar ju bën popullor në profesionin e jetes”. Peshqit, “Peshqit shquhen për krijimtarin e tyre të vazhdueshme dhe eksperiencat sociale unike. Do të ketë ndryshime në mënyrën se si ju do të perceptoni vete-veten këtë vit. Aftësia juaj për t’u marrë me shumë gjëra njëkohësishtë do të vazhdoj sapo ju të përfshiheni në projekte humanitare”. Ju urojmë një vit të mbarë dhe të begatë!

DASHI (21/03 - 20/04)

E PËRGJITHSHME
Shanse të reja për ju të shenjës së Dashit do të ketë këtë vit, të cilat rezultojnë pozitive në fushën e karrierës suaj. Duhet të organizoni energjitë tuaja për të arritur qëllimin që keni. Viti fillon me një mënyrë mbresëlënëse dhe dinamike, ndërkohë që Marsi në diametër me Plutonin ju shtyjnë në zhvillime më të theksuara dhe të rëndësishme. Gjendja shpirtërore pritet të jetë e mire dhe do t’i jepni vetes mundësinë për të përmirësuar paraqitjen tuaj dhe me vetëbindje të madhe do të aktivizoheni në të gjitha fushat e jetës suaj. Do të jeni mjaft dinamik dhe në qoftë se ju ofrohet mundësia për të udhëhequr, mos e refuzoni. Duhet të jeni më praktikë dhe të kujdesshëm në menaxhimin e përgjegjësive që keni. Në qoftë se do të mendoni gjithçka që do të bëni me më shumë kujdes, nuk do të mërziteni për asgjë, por përkundrazi do të jeni më të qetë në çdo hap që do të hidhni. Do t’ju paraqiten projekte të reja në fillimin e vitit 2008. Suksesi që do të keni në karrierë gjatë vitit 2008, do të jetë i rëndësishëm, sepse do të sigurojë një hap të madh në vazhdimësinë e jetës suaj familjare. Mund ta gjeni veten tuaj duke bërë një rimodelim të shtëpisë suaj dhe duke shpenzuar më shumë kohë dhe energji për të shijuar ambientin komfort që do të krijoni. Do të keni një marrëdhënie të mirë në muajt e fundit të vitit. Do të keni njohje me persona të rinj në marrëdhënien tuaj të punës. Në periudhën e fundvitit do të jeni më të qetë dhe të stabilizuar me jetën dhe marrëdhënien tuaj.
KARRIERA
Falë rezultateve të larta që do të arrini në profesionin tuaj, do të merrni dhe shpërblimin e duhur që meritoni. Shanset e reja që do t’ju jepen, do ju bëjnë të ndjeni përgjegjësi më të madhe dhe kurajë të lartë. Këtë vit do t’ju nevojitet një energji shumë e madhe për përfundimin me një rezultat të mirë të projekteve të reja që do të merrni. Yjet do të jenë udhëheqës për ju në çdo vështirësi që do të ndeshni. Duke fokusuar energjinë tuaj në përgjegjësitë e punës suaj, ju do të ndjeni forcën për të përballuar qëllimet që keni vendosur në karrierën tuaj. Nëse keni arritur të administroni saktë, “dhuratat e planeteve” do paraqiten për të përfituar ekonomikisht dhe kjo situate mund të vazhdojë dhe më tej. Jepuni rëndësinë e duhur çështjeve profesionale, ku dhe keni zhvillime pozitive. Të sigurt dhe dinamikë do jeni në çështjet sentimentale, ku gjërat mund të jenë positive nëse bëni lëvizje të vendosura. Nga fundi i verës, puna juaj do të ketë më shumë lehtësi dhe juve nuk do t’ju nevojitet të punoni shumë për të dhënë rezultate të mira. Kjo kohë për ju do të jetë më e përballueshme, pavarësisht se nuk do të merrni kënaqësitë që keni marrë në muajt e parë. Nuk do t’ju mungojnë shanset profesionale, për më saktë do jenë shumë të rëndësishme. Në përgjegjësitë e mëdha të 2008-ës mos i ktheni kurrizin disa ditëve të vështira që ju paraqiten, por t’i përballoni me shumë kurajë dhe guxim. Zhvillime pozitive në anën ekonomike.
DASHURIA
Ju mund të ndjeheni të plotësuar për të dhënë më tepër nga vetja në marrëdhënien tuaj. Atë që ndjeni duhet t’ia shprehni sa më tepër partnerit tuaj dhe t’i tregoni atij dashurinë që ndjeni. Në anën sentimentale, gjërat paraqiten më të lirshme dhe do jenë akoma më të bukura nëse tregoni sjellje më të përgjegjshme. Kujdes në muajin Shkurt dhe Gusht, ku eklipset do ndikojnë në shumë mënyra. Në Prill do ketë një lëvizje pozitive, dhe në Korrik theksohet erotizmi juaj. Shumë pyetje që ju mundojnë do të marrin përgjigje në periudhën e fundvitit. Për personat e vetmuar do të ketë shumë takime të reja, por kujdes në atë çfarë ju kërkoni. Mos dilni nga vetja juaj, por qëndroni strikt në hapat që duhet të hidhni në dashuri dhe në zgjedhjen e partnerit tuaj.