Menopauza-Një fazë absolutisht natyrore në jetën e çdo gruaje

[~AnnA~]

Dihet që menopauza është një fazë natyrore dhe universale në jetën e çdo gruaje, që shpesh herë mbështillet me mister dhe rrethohet nga një frikë e vërtetë. Madje shumë prej tyre vetëm po ta mendojnë këtë fakt, tmerrohen. Kanë dëgjuar të flitet për shqetësime fizike, të cilat lidhen me këtë periudhë dhe i tremb ideja që mund t‘i vuajnë këto efekte shqetësuese. Gjithashtu kanë dëgjuar të flitet për afshe të nxehta, djersitje gjatë natës, marrëdhënie të dhimbshme dhe emocione jashtë kontrollit.

Për shumë kohë ky imazh është mbështetur nga psikiatër dhe gjinekologë të ndryshëm, të cilët kanë rritur edhe më tepër frikën, duke përkrahur idenë se jeta e vërtetë e një gruaje përfundon pikërisht në atë fazë. Në të vërtetë dhe fatmirësisht, për pjesën më të madhe të femrave, menopauza nuk ka të gjitha këto përcaktime negative. Për shumë prej tyre, kjo fazë nuk është kaq tronditëse.

Sigurisht që periudha e dytë e moshës së femra nuk është aq e thjeshtë. Në këtë fazë ato përballen me shumë vështirësi psikologjike e emocionale. Nëse në të shkuarën femrat mbështeteshin mbi një bindje - terapinë hormonale zëvendësuese (Thz - Terapia hormonale zëvendësuese) me bashkimin estroprogestinik që ndalonin plakjen e femrës - sot mbizotërojnë çrregullimet dhe një grua moderne ndjehet si një adoleshente përballë ciklit të saj të parë menstrual (në këtë rast i fundit): po tani ç‘ndodh? Cilat janë të rejat që prezanton ky kërkim për të lehtësuar simptomat dhe pasojat e menopauzës? Cilat janë të rejat natyrore? Kësaj pyetjeje do t‘i përgjigjen tri specialistë, duke na treguar se cilat janë pjesët e trupit të femrës që vuajnë më shumë nga ky faktor. "Deri në menopauzë trupi mbrohet nga ‘mburoja‘ hormonale. Estrogjeni, progesteroni dhe androgjeni janë hormone që varen nga funksioni gonade (gjëndër seksuale) dhe ai mbiveshkor, që veprojnë jo vetëm mbi hormonet riprodhuese, por mbi të gjithë organizmin femëror: mbi skeletin, sistemin kardiovaskular, aparatin tretës dhe trurin... Kur funksioni gonade ndërpritet, trupi fillon të bëhet ngadalë si i meshkujve, duke akumuluar dhjamë në bark në vend të brinjëve", shpjegon gjinekologu. Por ajo që i shqetëson më shumë specialistët nuk është dhjami që formohet në bark, por komplikacionet e shumta që sjell menopauza. Mjekësia mendonte se e kishte gjetur zgjidhjen duke i zëvendësuar hormonet natyrore me hormone të sintezës që organizmi nuk prodhonte më. Para pesë vitesh, një studim amerikan tregoi se terapia hormonale zëvendësuese nuk e mbron sistemin kardiovaskular, madje rrit rrezikun për një tumor të gjirit dhe patologjive kardiake.

Ato që i tremben më shumë kësaj periudhe janë femrat në moshë të re. Një fakt kurioz është se kjo fazë e jetës është frikësuese vetëm në kulturën perëndimore. Në kulturat e tjera, që nuk i kushtohet një rëndësi kaq e madhe bukurisë dhe tërheqjes, menopauza nuk konsiderohet si "fillimi i fundit", por është pikërisht shenja e një statusi social të maturuar. Për shembull, në Indi, femrat që kanë arritur në fazën e menopauzës mund të dalin nga lagjet femërore për të biseduar dhe për të pirë me burrat. Nuk duhet të mbajnë më vel dhe të qëndrojnë të veçuara. Ndërsa në Etiopi, një gruaje që ka arritur fazën e menopauzës i lejohet të ecë mbi tokën e shenjtë dhe të marrë pjesë në rituale të tjera. Në Mikronezi, një grua në këtë fazë mund të bëhet dijetare (mjeke popullore) dhe të praktikojë magji. Sipas traditave të "Cree" të Kanadasë, këto lloj femrash kanë të drejtë të marrin pjesë në të gjitha ceremonitë fetare. Pas menopauzës, gratë e Mozambikut munden, nëse dëshirojnë, të hanë majmunë apo kafshë të tjera. Gjithashtu nuk mbetet surprizë fakti që duke përfshirë shumë popuj të tjerë, femrat nuk kanë probleme dhe nuk vuajnë nga depresioni. Gjithsesi kjo nuk do të thotë që menopauza është një periudhë pa kurrfarë rëndësie.

Vazhdon...