Mbretërit mes veti, Nderohen Shqiptarët

[murrizi]

Publikuar: 21.05.2012 - www.koha.net

Tiranë, 21 maj - Me ftesë të LTM Princit Vittorio-Emmanuele di Savoja, LTM Princi Leka II mori pjesë në ceremonitë e kapitullit vjetor të Urdhrave dinastikë të Familjes mbretërore Savoja që u zhvilluan në Gjenevë dhe Saint Maurice d’Agaune të Zvicrës më 19 dhe 20 maj.

Gjatë kapitullit të mbajtur më datë 19 maj, LTM Princi Leka II u dekorua me kordonin e madh të Urdhrit Santi Maurizio e Lazzaro, i cili është një nga urdhrat kalorsiakë më prestigjozë të Europës.

I themeluar nga duka Emanuele-Filiberto i Savojës më 1572, Urdhri Santi Maurizio e Lazzaro ka patur dhe ka që prej krijimit të tij një mision humanitar dhe hospitalor. Ky urdhër ishte gjithashtu urdhri i dytë për nga rëndësia, pas Anunziata-s, i Mbretërisë së Italisë, prej 1861 e deri më 1946. Që prej asaj kohe ai mbetet një urdhër dinastik i Familjes mbretërore Savoja dhe numuron në rradhët e tij, përveç anëtarëve të kësaj familjeje edhe personalitete italiane dhe botërore. Bëjnë pjesë e urdhrit, mbreti Huan-Karlos I i Spanjës, princi Albert II i Monakos, si dhe shume sovranë dhe trashëgimtarë të familjeve mbretërore europiane.

Mbreti Zog I ishte dekoruar me kordonin e madh të këtij urdhri më 1926.

Nëpërmjet akordimit të gradës më të lartë të Urdhrit Santi Maurizio e Lazzaro LTM Princit Leka II, Famija mbretërore italiane shprehu kështu vullnetin e saj për të nderuar Familjen mbretërore shqiptare dhe të gjithë kombin shqiptar, duke i njohur vendin që i takon në bashkësinë e familjeve mbretërore europiane.

Ky dekorim simbolizon gjithashtu edhe vazhdimësinë e lidhjeve të vjetra italo-shqiptare, të cilat, megjithë peripecitë dhe dramat historike të përbashkëta, janë përforcuar gjithmonë në interes të dy kombeve.

Gjatë ceremonive në fjalë, LTM Princi Leka II pati rastin të takojë dhe të shkëmbejë me personalitete të ndryshme italiane dhe ndërkombëta