Profesioni Gjegjesisht Zanati Me I Vjeter

[FUKAJAMA]

PROFESIONI GJEGJESISHT ZANATI ME I VJETER

Zijadin Rexhepi

Nëse e vërejmë titullin , është e pakuptueshme dhe jo e kthjellët. Megjithëate nëse pak logjikojmë do të shohim se ka një filozofi dhe histori mjaft të rëndësishme. Aludimi i titullit është vlera më e ulët e etikës morale- prostitucioni. Vet fjala prostitucion është vështirë të shpjegohet. Kjo dukuri ka marrë përmasa të gjëra dhe gjithnjë duke u rritur shoqërisë po i sjellë probleme mjaft të mëdha dhe serioze posacërisht për individët që i ndjejnë por nuk munden ta parandalojnë. Për dikend kjo dukuri ose fenomen është kënaqësi deri në momentin kur bie në ambis ose kapet nga ndonjë sëmundje venerike dhe atëherë mendon për këtë ngjarje.
Këtë jam duke e shkruar se ju dua të mirën , atë që e don më së shumti , atij i dëshiron të mira në këtë botë dhe në botën e ardhme. Do të isha shumë i gëzuar sikur edhe ju të ishit të gëzuar. Të jesh i gëzuar me të vërtetë do të thotë të njohësh thelbin e vërtetë të cështjes.
Të nderuar vëllezër dhe motra , historia na mëson se shumë popuj të mëdhenjë janë shpartalluar dhe shkatërruar , mu për shkak të dobësimit të moralit. Nëse studiojmë historinë e gjithë popujve të mëdhenjë të cilët qëmoti janë zhdukur nga skena historike do të konstatojmë se shkaku kryesor i shkatërrimit , përvec gjërave sekondare ka qenë dhënia e tyre pas epsheve dhe gjërave të pamoralshme.
Dikur femra ka qenë si margaritarë në guacë , e ruajtur me xhelozi në fund të thellësirave të detit.Njeriu e ka paramenduar , për të ka ëndërruar , ka medituar.... Sot , jo që ka nevojë të notojmë thellë në detë dhe të kërkojmë guacën , ta paramendojmë dhe të meditojmë për të , por as që ka nevojë ta hapim pasiqë ajo ka hedhur cdo gjë nga vetja , gjoja se në emër të lirisë dhe emancipimit ,duke mos kuptuar se është bërë mall për tregëti. Dikur në treg janë shitur vetëm mallra ushqimore , ndërsa sot në të gjitha tregjet e botës ekspozohen pjesë të ndryshme të trupit të femrës.
Duke shkruar këtë shkrim mu kujtua prifti zviceran me emrin Cimerman i cili një ditë në kishë tha : “Ne si popull i fesë katolike duhet luftuar kundër fesë islame jo me armë , por me disa dukuri dhe metoda tjera...” , mandej ka potencuar metodat :
“1.Duhet ta zhveshim femrën myslimane,
2. T`i japim lirinë femrës myslimane ,
3.T`i japim modën femrës myslimane ,
4.T`i japim mjetet e informimit ....”
Këto kanë qenë parimet e këtij prifti dhe janë zbatuar në përpikëmëri e normal suksesi nuk ka munguar.
Prindër të dashur , kryjeni obligimet tuaja sikurse urdhëron Zoti xh.sh. sepse ju mbani dhe jeni përgjegjës për të gjitha devijimet e fëmijëve tuaj. Ajo që është e zbuluar , nuk është interesante , por ajo që është e mbuluar është tërhjekëse dhe ka nevojë për ta zbuluar ( normal në nëtën e dhëndërisë) , këtu qëndron bukuria , këtu qëndëron morali . Do të përmendi një hadith të Pejgamberit a.s. :”Në turp qëndëron bukuria.” Duke e ditur dhe jetësuar këtë hadith me të vërtetë do të jemi të lumtur dhe pa brenga në këtë jetë dhe në jetën tjetër.
Të nderuar prindër dhe vëllezër , nëse rrugës kalon një vajzë e zbuluar e lakuriqe e ti e shikon me plot afsh , a nuk je fajtor për këtë dukuri??? Po , po je fajtor sikurse edhe unë që e shkruaj këtë shkrim. Nëse ekziston prostitucioni ekzistojnë edhe dukuritë negative në familjet tona . Duhet t`i shmangemi kësaj dukurie sipas rregullave dhe normave që i shpjegon feja islame. Gjithmonë ta kemi në mend se Ai që ka caktuar këtë obligim nuk dëshiron të na dëmtoj e as që don me këtë akt të na kthejë në të kaluarën. Përkundrazi Zoti xh.sh. me këtë na lartëson , na i hapë horizontet e mëshirës së Vet dhe e ruan moralin tonë dhe të tjerëve.
Që të mbrohet morali ynë , Zoti xh.sh. ka caktuar disa mburoja dhe kufij që e mbrojnë njeriun qoftë mashkull apo femër . Turpi është fuqia që e mbron nga mëkatet dhe negativitetet. Sic na ështe e njohur , Islami e ka ndaluar rreptësisht prostitucionin ku dhe na tregon metodat se si dhe në c`mënyrë t`i largohemi dhe t`ia presim rrënjët kësaj dukurie të shëmtuar. Për këtë shkak Islami na porositë që të mos i afrohemi kësaj dukurie të shëmtuar. Muhammedi a.s. na porositë : “ Sytë bëjnë kurvëri me shikimin e vet , duart me prekjen e tyre , këmbët me ecjen e tyre , kurvëria e gjuhës është të shqiptuarit , kurvëria e shpirtit është dëshira dhe lakmia , trupi i turpëruar këtë e dëshmon dhe e tradhton. “
Për prostitucionin feja islame ka dënim dhe zbatim. Por , para kësaj ai troket në derën e vetëdijes njerëzore dhe besimit të tij. Ky qëndrim është mjaft human edhe pse shumica nuk e kuptojnë. Pikërisht atëherë kur shumë sëmundje të kohës sic janë sida dhe të tjera përhapen , mu atëherë do ta kuptojë filozofinë e thellë të kësaj rregulle islame. Për fat të keq për shumicën do të jetë shumë vonë.
Për këtë temë mund të shkruhet shumë , por jam i lodhur nga devijimet e shoqërisë , për mosrespektimin e rregullave dhe normave të fesë islame që jemi duke vepruar e nuk ndiejmë përgjegjësi për ato që na urdhëron Zoti xh.sh. Dhe së fundi :
“ Jeta e kësaj bote nuk është gjë tjetër vetëm se një përjetim e mashtrim. S`ka dyshim se bota tjetër është më e dobishme për ata që ruhen . A nuk logjikoni?”.
Zoti xh.sh. le të na udhëzon në rrugë të drejtë e të mbarë për hir të Pejgamberit a.s. dhe për hir të muajit të bekuar të Ramazanit.

Amin...


(autori i këtij teksti është profesor i pensionuar i Biologjisë dhe momentalisht jeton në Tetovë )