Lajme nga Shkenca dhe Teknologjia

**Zero Cool** · 15-07-11, 14:09

Zbulohet pajisja që kontrollon cilësinë e ujit

Pas një sërë eksperimetntesh dhe testeve laboratorike, shkencëtarët kanë arritur të ndërtojnë një pajisje e cila arrin të testojë brenda pak minutash cilësinë e ujit, në mënyrë që të parandalohet përhapja e sëmunudjeve, të tilla si kolera.

Kjo pajisje, e quajtur “Water Canary”, është prezantuar gjatë konferencës botërore të Edinburgut, dhe pritet të përhapet në masë, sidomos në shtetet e “botës së tretë”, ku sipas Organizatës Botërore të Shëndetësisë (OBSH) vdesin të paktën tre milion njerëz, nga sëmundjet që lidhjen me ujin e papastër.

“Water Canary” është një pajisje e thjeshtë dhe lëhtësishtë e përdorshme. Vetëm me një pikë ujë të hedhur mbi të, brenda pak minutash të dalin të gjitha të dhënat në lidhje me infektimin ose jo të tij. Madje, ky prototip, përmes vijave jeshile dhe të kuqe, të përcakton nëse uji është i pijshëm ose jo. “Water Canary” do të përhapet masivisht nëpër dyqane dhe mund ta gjeni për 100 $.

**Zero Cool** · 01-09-11, 18:28

NASA financon 3 mln $ për projektet e të ardhmes

Agjencia amerikane e hapësirës NASA, ka parashikuar një buxhet prej 3 milion dollarësh për 30 propozime që kanë të bëjnë me idetë e reja për programet e ardhshme programet amerikane të eksplorimit të hapsirës.
Propozimet, të cilat kanë në dispozicion nga 100 mijë dollarë secila për të treguar nëse ia vlejnë ose jo, pasqyrojnë vizione largpamëse për projektimin e anijeve të reja të hapësirës, sistemet e reja shtytëse si dhe zgjerimin e pranisë së njeriut në hapësirë.Programi i NASA-s, i quajtur “Konceptet e Avancuara”, ka pranuar qindra projekte.

Drejtuesi ekzekutiv i programit Jay Falker thotë se ato përfaqësojnë thuajse çdo aspekt të misionit të Agjencisë: “Duke i parë propozimet sheh se disa janë të lidhura me përpjekjet e njerëzve për të eksploruar hapësirën, disa janë të lidhura me përpjekjet e anijeve të hapësirës për të vepruar në mënyrë të sigurtë ose për të mbrojtur njerzit nga rrezatimi, disa prej propozimeve janë për përmirësimin e strukturave, etj”.

Një koncept tjetër vjen nga organizata me bazë në Virxhinia, “Raytheon BBN”, e cila ka projektuar një pajisje që mund të veprojë si një pistoletë-me-ajër në lartësi të mëdha për t’i ndryshuar kursin e objekteve që enden në hapësirë, siç janë për shembull satelitët që nuk funksionojnë më.

Një propozim tjetër është ai për një kostum hapsinor me sensorë dhe një pajisje të veçantë e cila mund të krijojë stabilitet për astronautët në kushtet e mungesës së forcës së gravitetit, një sistem shtytës i cili mbështet tek velat gjigande për të kapur erën diellore, si dhe përdorimin e një stampuesi 3 dimensional për të projektuar anije hapsinore të vogla ose përbërës për një stacion hapsinor.

Shkencëtarët do të punojnë mbi këto ide gjatë vitit të ardhshëm, madje duke zhvilluar prova në pajisjet elektronike që kanë lidhje me projektet e tyre. Zoti Falker thotë se buxheti prej 3 milion dollarësh i caktuar për këto studime është jë pjesë shumë e vogël e buxhetit 18 miliardë dollarësh, të propozuar për NASA-n për vitin 2012.

Neferta · 25-10-11, 23:32

Ku do të të bjenë sateliti gjerman

Një satelit i madh gjerman pritet të bjerë në mënyrë të pakontrolluar në Tokë. Rosat ka hyrë në atmosferën e Tokës në orët e para të ditës së sotme. Ashtu siç edhe ndodhi në shtator me satelitin e NASA-s, edhe për satelitin gjerman nuk dihet se ku do përfundojë.
Por nëse përllogaritjet dalin të sakta, mendohet se do të bjerë në Oqeanin Indian. Vendet ku gjithashtu mund të bjerë janë Kina dhe Mianmar.
Sateliti ka një peshë prej 1.6 ton.

sherri · 08-11-11, 11:46

NASA: Ne të gjithë mund të jemi jashtëtokësorë

Nëse ju, nuk besoni në ekzistencën e jetës jashtë sistemit tonë Diellor, tashmë falë shkencëtarëve të NASA-s, mund ta besoni, pasi ata faktuan se ekzistenca jonë këtu, pra ekzistenca dhe krijimi/zhvillmi ynë mbi planetin Tokë, është i ardhur nga hapësira.
Pas një mori studimesh mbi meteorit dhe komponentët e tyre, duke shtjelluar ADN-n, NASA, konstatoi se në nivelet e evoluimit të jetës dhe ndërtimit të saj në stadet intelektuale, rezultoi se ajo ka ardhur në tokë, nga sipër… Pra nga Universi.
Hulumtuesit në Qendrën Goddard Space Flight kanë zbuluar pjesë të ADN-së në dy meteorit që ishin rrëzuar në Antarktidë dhe Australi. Vizitorët jashtëtokësore (dy meteoritët) përmbajnë lloje të ndryshme të nucleobases, të cilat mendohet të jenë thelbësore në krijimin e ADN-së dhe të jetës në përgjithësi. Shkencëtarët ishin në gjendje të izolonin komponimet dhe të faktojnë se ato nuk janë krijuar këtu në Tokë. Kjo, veçanërish ishte shumë e rëndësishme, pasi kritikët shpeshherë përmendin ndotje si arsye për këto komponentë që shfaqeshin në meteorit që ishin studiuar në të kaluarën.
Shkencëtarët e NASA-s, gjithashtu arritën në përfundimin se disa shkëmbinj hapësinorë -në varësi të përbërjes së tyre dhe shpejtësisë – punojnë dhe funksionojnë si objektet e prodhimit dhe transportimit të këtyre paraardhësve biologjikë. Ky zbulim është shumë i implikuar pasi gjetjet e tij, janë shumë më të gjera dhe sugjerojnë që njerëzimi mund t’i detyrohet ekzistencën e tij, një meteoriti të mirë-vendosur në planetin tonë. Meteorit, i cili vizitoj në ditët e para të krijimit Tokën dhe se pa atë planeti ynë mund të ishte e të mbetje e thatë dhe shkëmbor.

Neferta · 15-12-11, 16:18

Krijohet materiali më i lehtë në botë

Shkencëtarët kanë krijuar materialin, i cili është aq i lehtë sa që mund të vendoset mbi një lule pa e penguar strukturën delikate të bimës. "Mikrorrjetën ultra të lehtë nga metali", e kanë zbuluar shkencëtarët nga universitetet kaliforniane "UC Irvine" dhe "Caltech" dhe nga kompania "HRL Laboratories", ndërsa përshkrimi i zbulimit është bërë në numrin e revistës "Science" të datës 18 nëntor.
Artikulli është i përcjellë me një fotografi shumë mbresëlënëse të një cope të kësaj mikrorrjete, të vendosur mbi një lule.
Materiali i ri është 100 herë më i lehtë nga polistiroli, sipas raportit. Sekreti i lehtësisë së tij është ndërtimi qelizor, i cili përbëhet nga gypat e zbrazët që mundësojnë strukturën e materialit që në realitet është 99.99 përqind ajër, sipas ekipit të shkencëtarëve që e kanë ndërtuar.
Kjo do të thotë se dendësia e materialit është më e vogël se një e një mijëta e dendësisë së ujit. Materiali është tejet elastik, kështu që shkencëtarët theksojnë se edhe pas shtypjes në gjysmë të lartësisë, materiali kthehet në 98 përqind të formës paraprake. Anësorët e gypave janë 1,000 herë më të hollë nga floku i njeriut. "Nevojiten më shumë se 10 sekonda që të bjerë në tokë kur të lëshohet nga lartësia e krahut"...

gjini · 17-12-11, 14:56

Citim:

Postimi origjinal është bërë nga Neferta

Krijohet materiali më i lehtë në botë

Shkencëtarët kanë krijuar materialin, i cili është aq i lehtë sa që mund të vendoset mbi një lule pa e penguar strukturën delikate të bimës. "Mikrorrjetën ultra të lehtë nga metali", e kanë zbuluar shkencëtarët nga universitetet kaliforniane "UC Irvine" dhe "Caltech" dhe nga kompania "HRL Laboratories", ndërsa përshkrimi i zbulimit është bërë në numrin e revistës "Science" të datës 18 nëntor.
Artikulli është i përcjellë me një fotografi shumë mbresëlënëse të një cope të kësaj mikrorrjete, të vendosur mbi një lule.
Materiali i ri është 100 herë më i lehtë nga polistiroli, sipas raportit. Sekreti i lehtësisë së tij është ndërtimi qelizor, i cili përbëhet nga gypat e zbrazët që mundësojnë strukturën e materialit që në realitet është 99.99 përqind ajër, sipas ekipit të shkencëtarëve që e kanë ndërtuar.
Kjo do të thotë se dendësia e materialit është më e vogël se një e një mijëta e dendësisë së ujit. Materiali është tejet elastik, kështu që shkencëtarët theksojnë se edhe pas shtypjes në gjysmë të lartësisë, materiali kthehet në 98 përqind të formës paraprake. Anësorët e gypave janë 1,000 herë më të hollë nga floku i njeriut. "Nevojiten më shumë se 10 sekonda që të bjerë në tokë kur të lëshohet nga lartësia e krahut"...

PO per qka perdoret aj material e eshte vertetue deri me tash

Neferta · 17-12-11, 15:18

Citim:

Postimi origjinal është bërë nga gjini

PO per qka perdoret aj material e eshte vertetue deri me tash

Në të ardhmen materiali mund të përdoret për izolim termik, në elektrodat e baterive, per tuba percjellse ventilim, transport per aeronautike dhe per shume shum te tjera.

gjini · 17-12-11, 21:24

Neferta mike te falemnderit se bash pata deshire me e pa

**Zero Cool** · 21-12-11, 16:23

Jep më shumë energji se që merr!

Ja, më në fund erdhi dita kur shkencëtarët kanë arritur të mbarojnë qelinë solare e cila prodhon më shumë energji nga drita të cilën e pranon.

Shkencëtarët nga laboratori Nacional amerikan për energji të rinovueshme mbaruan qelinë e parë solare tek e cila efikasiteti kuantiv tejkaloj 100 për qindëshin, shkruan Engadget.

Efikasiteti kuantiv këtu ka të bëjë me rrjedhjen e numrit të elektroneve nëpër qarkun e rrymës brenda qelisë solare brenda një sekondi. Ky numër ndahet ne numrin e fotoneve, respektivisht energjinë hyrëse, ndërsa dallimi paraqet efikasitetin kuantiv.
Shkencëtarët nga laboratori i përmendur kanë regjistruar efikasitet në nivelin e qelisë prej madje 114 për qind! Qelia e tyre solare quhet MEG, respektivisht multiple exciton generation.

MEG pra nga një foton mund të prodhoj më shumë se një elektron, e kjo energji ekstra vjen nga pikat kuante të cilat grumbullojnë energjinë, e cila përndryshe do të shpërndahej në formë të nxehtësisë.

Qelia është e mbaruar nga oksidi i zinkut, seleniti i hekurit dhe ari dhe është e lyer me material antirefleks, i cili ndodhet mbi materialin transparent përçues.

Mjaftë për të ardhur keq është se qysh më 2001 Arthur J. Nozik, shkencëtar nga laboratori i përmendur, saktë pati parashikuar se MEG do të ketë efikasitet prej 100 për qind. Çështja është vetëm se përse nuk po niset me prodhimin masiv të këtyre qelive, të cilat në mënyrë efikase do të mund ta kishin zëvendësuar naftën dhe gazin. E të mos e përmendim zvogëlimin e ndotjes së ambientit.

**Zero Cool** · 21-12-11, 19:18

Disa, disa nuk kan nevoje me u martu ma

Rrobat që pastrohet vetë

Të lodhur nga larja e rrobave tuaja? Në të ardhmen, rutina ditore mund të jetë po aq e lehtë sa varja e tyre në diell, sipas hulumtuesve që kanë zhvilluar një lloj të pambukut që pastron veten.

Ideja nuk është krejtësisht e re: mbështjellësit si dyoksidi i titanit ka kohë që njihen të kenë veçori të vetëpastrimit. Kur bie drita, komponimi emeton grimca me ngarkesë të kundërt, të njohura si çifte vrima-elektronesh, të cilat inkurajojnë të ashtuquajturat reaksione të oksidimit, duke zbërthyer materialin organik siç është ndotja. Por drita duhet të jetë ultraviolete, e cila përbën vetëm një përqindje të vogël të dritës së diellit, duke e bërë kështu këtë proces të paefektshëm për përdorim të përditshëm. Por tani hulumtuesit janë duke provuar ta veshin apo mbështjellin pambukun me dyoksid titani të nitrogjenizuar (N-TiO2), dhe një shtresë ekstra të jodurit të argjendit (AgI). Në dritë të dukshme, N-TiO2 dhe AgI duket që veprojnë së bashku, duke shtyrë që të ndahen elektronet dhe vrima e gjeneruar, kështu që ata kanë më pak shanse për t’u rikombinuar –duke i bërë kështu përfundimisht më efikas në oksidim. Në raportin e tyre që do të publikohet më vonë këtë muaj në “Applied Materials & Interfaces”, hulumtuesit kanë përshkruar se si një copë e pambukut të tillë e njollosur me ngjyrë të portokalltë është vetëpastruar pasi është ekspozuar ndaj llambës 1000 vat për dy orë. Por çka nëse dëshironi ta lani këtë pambuk special? Nuk ka problem, sepse mbështjellësi vetëpastrues mbetet i paprekur.

**Naki** · 22-12-11, 16:50

10 zbulimet shkencore të 2011-s

20-12-2011 zeri info

Revista shkencore “Science” rendit 10 zbulimet më të mëdha shkencore për vitin që është duke u mbyllur.
Zbulimi i neutrineve, që kanë një shpejtësi më të madhe se drita, gjurmët e ujit në Mars, gjetja e “grimcës së Zotit”, padyshim që do të mbeten si zbulimet më të mëdha të kryera nga shkenca për këtë vit:
1) Thyhet miti se drita ka shpejtësinë më të madhe. Në dy eksperimente të CERN-it, në Zvicër, u provua se grimca, e quajtur neutrin, është në gjendje të lëvize me 6 kilometër për sekondë më shpejt se sa drita.
2) Zbulimi i “grimcës së Zotit”, e ashtuquajtura grimca e përbërëse e gjithë universit, gjithë ekzistencës sonë. Sërish zbulim i shkenctarëve të CERN.
3) Në një studim të publikuar në muajin korrik, provohet se ndjekja e një terapie kundër HIV/AIDS menjëherë pas infektimit, ul me 96 përqind mundësitë për transmetim të virusit nëpërmjet rrugëve seksuale.
4) Një grup antropologësh dhe biologësh arritën në përfundimin se mes Sapiens (njeriu) dhe Neandertalëve ka patur shkëmbim materialesh gjenetike. Përfundimi: mes dy llojëve ka patur marrëdhënie seksuale.
5) 300 atome të anti-materies (anti-hidrogjen) izolohen për 1 mijë sekonda. Rekord i mbajtjes nën kontroll të kësaj lëndë tepër shpërthyese. Sërish zbulim i CERN në Zvicër.
6) Identifikohet zona se ku është zbutur qeni i parë. Ajo është në jug të lumit Jangtze në Kinë.
7) Zbulohet planeti i parë jashtë sistemit tonë diellor me temperatura e kushte të tjera atmosferike njësoj si Toka i quajtur Kepler-22. Problemi: është 600 mijë vite dritë larg.
8) Mikrobet luajnë një rol kryesor në dëmtimin e arterieve dhe cojnë një një sërë problemesh kardiovaskulare.
9) Ajo që nga shkencëtarët dhe studiues të shumtë quhet “unaza që i mungon zinxhirit të evolucionit njerëzor” daton që para 1.997.000 vjetësh dhe i përket llojit Australopithecus dhe Homo.
10) Verifikohen se në Mars dikur ka patur ujë në formë të lëngshme. Një sërë studimesh të NASA-s dhe agjencive të tjera hapësinore gjatë këtij viti, kanë arritur në të njëjtin përfundim; në Mars ka patur ujë. Të gjitha këto studime hedhin hipotezat se në planetin e kuq ka ende ujë, por është në formë të ngrirë.

**Zero Cool** · 16-01-12, 12:43

Krimbi djall- gjallesa qe jeton ne thellesite maksimale te tokes

Nje “krimb djall” eshte gjetur shume milje ne thellesi te Tokes.

Kjo gjallese u gjend ne thellesine me te madhe te tokes te zbuluar deri me tani.

Sipas shkencetareve zbulimi i species se re nematode, e quajtur Halicephalobus Mephisto (Mefistofeles - djalli ne legjendat Faustiane), deshmon se ekziston nje biosfere e madhe poshte kembeve tona, akoma e pazbuluar.