Rruzarja

[Denim]

http://vimeo.com/23949371



Rruzarja
Rruzarja është nderimi më i madh që Kisha i bën Virgjërës Mari dhe përmes saj fiton hire dhe mëshirë prej Hyjit dhe lidhet me Birin e saj Jezusin përmes mistereve ungjillore. Të lutësh rruzaren d.m.th. të meditosh mbiJezusin dhe Marinë, Maria është nëna që na udhëheqë thellë në misterin e birit të vet Jezu Krishtit. Maria na mëson të meditojmë misteret e shenjta të jetës së Krishtit. Rruzarja duhet të lutet me një përshpirtëri shumë të madhe në familje sepse Maria është ndërmjestja e jonë që na çon tek Jezusi dhe na mëson të ecim gjurmëve të tij, Maria na bashkon me Jezusin dhe na ndihmon të bëhemi besimtar të shenjtë, pra rruzaren duhet ta lusim me shumëpërvujtëri . Nënë Tereza thoshte: familja që lutet së bashku, qëndron e bashkuar. Kur ne e lusimrruzaren, ne jemi së bashku me Marin, qëndrojmë me Virgjërën Mari, e thërrasim në ndihmë që të ndërmjetësoj për ne, i’a dhurojmë veten krejtësisht asaj, njetet tona, nevojat tona, familjet tona. Rruzarja është lutje që na bashkon si vëllezër dhe motra në Krishtin.

Papët e ndryshëm gjatë historisë kanë bërë shumë herë nxijte për devocionin e madh ndaj Virgjërës Mari me lutjen e rruzarës së shenjtë.


Papët shpallin
Rruzarja ëeshtë mjeti më i këndshëm dhe efikas për të shmangur të gjitha të kqijat e për të fituar të gjitha hiret.

Luani XIII: kemi dëshir të zjarrt që ky devocion të rimarrë gjithkund vendin e nderit që i përket. Në qytete dhe në fshatra, në familje dhe në vende të punës, te elita dhe të përvuajturit, le të duhet rruzarja dhe le të nderohet si shenjë e dukshme e fesë së krishterë dhe streh efikase për të fituar mëshirën Hyjnore.
(Enciklika Iucunde emper, 8 shtator 1894 ).

Shën piu IX: të kërkojmë ndërmjetësimin e fuqishëm të Nënës Hyjnore për të fituar atë që kemi, pohojmë atë që Paraardhësi i Ynë caktoj rethë kushtimit të këtij muaji Virgjërës Sublime, me thënjen publike të rruzares së shenjtë në të gjitha Kishat (Enciklika e Supremi Apostolatus, 4 tetor 1903 ).

benedikti XV: Ajo që kisha e ka zakon për ta përshëndetur “Nëna e Hiri dhe Nëna e mëshirës” gjithmon është treguar si e till sidomos kur e kemi kërkuar me rruzaren e shenjtë dhe për këtë arsye Papët e Romës nuk humbën as një rast për ta përshëndetur me lavde të fuqishme Rruzarene Virgjërës së shenjtë duke e pasuruar me thesare të ndjesës Apostullare “(Enciklika Fausto appetente die, 29 qershor 1921).

Piu XI: Rruzarja është armë e fuqishme për të luftuar djajtë...Rruzarja Mariane perveq kësaj nuk vlen vetëm për të fituar armiqt e Hyjit dhe të fesë, por është nxitje dhe ushtrim i praktikimit të virtytwve ungjillore të cilat i lut dhe i kultivon në shpirtërat tanë.
(Enciklika Ingravescentibus malis, 29 shtator 1937).

piu XII: “Më kot gjetja e zgjidhjes së çështjeve të ndryshme të jetës shekullore, nëse shoqëria shtëpiake, parimi dhe themelimi i bashkimit njerëzor, nuk drejtohet në mënyr të urtë nga rregullat ungjillore. Për të kryer këtë detyrë aq të rëndë ne pohojmë se thënja e rruzares së shenjtë në familje është mjet shume efikas... Nuk pushojmë së pohuari sërish në mënyr publike sa e madhe është shpresa që na kthhet në rruzaren e Zonjës sonë, për të shëruar të kqijat të cilat godasin kohët tona “ ( Enciklika Ingruentium malorum, 15 shtator 1951) .

Gjoni XXIII: Rruzarja si ushtrim i përshpirtërisë së krishterë në mesin e besimtarëve të ritit latin… për të shuguruarit në kishë e ka vendin pas Meshës së shenjtë dhe lutjes së orëve, për laik pas pjesëmarrjes në Sakramente “ (Letra apostulike II religioso convegno, 29 shtator 1961) .

Pali VI: Mos pushoni të nguliturit në shpirt, me kujdes praktikimin e Rruzares së shenjtë, lutjen aq të dashur për Marin Virgjër Nënën e Hyjit, që aq shumë porositet prej Papëve të Romës, nëpër të cilën besimtarët janë nëgjendje të aktualizojnë në mënyrën më të butë dhe efikase urdhërin e mësuesit hyjnor: Lypni e do t’ju jepet, kërkoni e do të gjeni, trokitni e do t’ju hapet ! ( Mt 7,7). ( Enciklika Mense maio, 29 prill 1965).

Gjon pali II: Rruzarja e thënë ngadal dhe e medituar – në familje, në bashkësi, personalisht do t’ju ndihmoj të hyni pak nga pak në ndjenjat e Krishtit dhe të Nënës së tij, duke përjetësuar të gjitha ngjarjet të cilat janë çelësi i shëlbimit tonë “ (Predikimi gjatë meshës së Kisangani, 6 maj 1980).

Rruzarja është pra një uratë për gjithë, e thjeshtë por dhe e thellë pohoi Benedikti XVI: “Rruzarja është lutje kundruese së cilës të gjithë mund t’i afrohen: të mëdhenj e të vegjël, laikë e meshtarë, të ditur e më pak të ditur.Rruzarja është lidhje shpirtërore me Marinë për të mbetur të bashkuar me Jezusin, për t’u mishëruar me Të, për t’i përvetësuar ndjenjat e për t’u sjell si Ai që është sjell. Rruzarja është ‘arma’ shpirtërore në betejën kundër së keqes, kundër dhunës, për paqen në zemra, në familje, në shoqëri e në botë” (nga homelia e Meshës në Pompei, 19 tetor 2008)

[Denim]

Rruzarja fillon me shenjën e kryqit:

Në emër të Atit e të Birit e të Shpirtit Shenjt. Amen.





Të themi këtë shenjte rruzare për nder dhe për lavd të madhit Zot e të Zojës së bekuar, për pendesë të mëkateve tona dhe për freskim të shpirtërave të purgatorit.





Besoj...

Besoj në Hyjin, Atin e gjithëpushtetshëm, Krijuesin e qiellit e të tokës. E në Jezu Krishtin, birin e tij një të vetmin, Zotin tonë, i cili u zu për virtyt të Shpirtit Shenjt. U lind prej Virgjërës Mari, pësoi mundimet nën Poncin Pilat, u vu në Kryq, vdiq e u varros, zbriti në ferr; të tretën ditë u ngjall së vdekuri; u ngjit në qiell, rri në të djathtë të Hyjit, Atit të gjithëpushtetshëm; andej do të vijë për të gjykuar të gjallët e të vdekurit. Besoj në Shpirtin Shenjt, Kishën e shenjtë katolike, shoqërinë e shenjtërve, faljen e mëkateve, ngjalljen e korpit dhe jetën e pasosur. Amen.


Ati ynë...

Ati ynë, që je në qiell, u shenjtëroftë emri yt, ardhtë Mbretëria jote, u bëftë vullnesa jote, si në qiell – ashtu në tokë! Bukën tonë të përditshme na e jep sot; na i fal fajet tona, si i falim ne fajtorët tanë. E mos na lër të biem në tundim, por na liro nga i keqi.
Amen.


Të falemi, Mari...

Të falemi Mari, hirplote, Zoti me ty! E bekuar je mbi të gjitha gratë dhe i bekuar fryti barkut tënd, Jezus.
Shenjtja Mari, Nëna e Hyjit, lutu për ne mëkatarët, tash e në fill të vdekjes sonë. Amen.


Lavdi Atit...
Lavdi Atit, e Birit e Shpirtit Shenjt!
Si ka qenë në fillim, ashtu tash e përgjithmonë e jetës. Amen.

Qoftë lavdëruar e nderuar Zoja e Bekuar, Nëna e Tenzot, zënë pa faj e mëkat të rrjedhshëm.

O Jezu im, na i fal mëkatet tona, shpëtona prej flakës së ferrit, dhe çoi në qiell të gjithë shpirtrat, por sidomos ata, që kanë më shumë nevojë për mëshirën tënde.


Të falemi, Mbretëreshë

Të falemi Mbretëreshë, Nëna e mëshirës, jeta, ëmbëlsimi e shpresa jonë, të falemi! Ty të thërrasim ne të shkretët, bijtë e Evës, që po fshajmë, po gjëmojmë e po qajmë në këtë shekull plot me lot. Deh pra, pajtorja jonë, ata sy të mëshirshëm të tu silli prej nesh! E Jezusin, të bekuarin, frytin e barkut tënd, pas kësaj shkretie na e kallëzo. O e dhimbshmja, o e buta, o e ëmbla Virgjëra Mari! Amen.


Të mendojmë pesë shenjat e gëzimit
(e hënë, e shtunë )

1. Në të parën shenjë të gëzimit të mendojmë se Zoja e bekuar qe përshendetur prej engjëllit Gabriel, pse prej saj do të zinte fill dhe do të lindë Shëlbuesi ynë Jezu Krishti.
2. Në të dytën shenjë të gëzimit të mendojmë se Zoja e bekuar shkoi të takohet me shenjtëe Elizabetë dhe ndenji me të tre muaj.
3. Në të tretën shenjë të gëzimit të mendojmë se, kur erdhi koha të lindë Jezu Krishti, lindi prej Virgjëres Mari në Betlem.
4. Në të katërtën shenjë të gëzimit të mendojmë se Jezu Krishti, kur u bë 40 ditësh, qe dërguar dhe kushtuar në shenjtëroren e Jerusalemit.
5. Në të pestën shenjë të gëzimit të mendojmë se Jezu Krishti, dymbdhjetëvjeçar qe gjetur të tretën ditë në shenjtërore të Jeruzalemit.


Të mendojmë pesë shenjat e mundimit
(e martë, e premte )

1. Në të parën shenjë të mundimit të mendojmë se Jezu Krishti duke u lutur në kopsht të Gjetsemanit u djersit gjak.
2. Në të dytën shenjë të mundimit të mendojmë se Jezu Krishti qe lidhur e rrahur në oborr të Pilatit.
3. Në të tretën shenjë të mundimit të mendojmë se Jezu Krishti qe kurorzuar me ferra.
4. Në të katërtën shenjë të mundimit të mendojmë se Jezu Krishti vdiq i gozhduar në kryq në mal të Kalvarit.
5. Në të pestën shenjë të mundimit të mendojmë se Jezu Krishti vdiq i gozhduar në kryq në mal të Kalvarit.


Të mendojmë pesë shenjat e lumturisë
(e mërkurë, e dielë)

1. Në të parën shenjë të lumturisë të mendojmë se Jezu Krishti ditën e Pashkëve është ngjallur së vdekuri.

2. Në të dytin shenjë të lumturisë të mendojmë se Jezu Krishti 40 ditë pasi është ngjallur, u ngjit në qiell ditën e Shëlbimit.

3. Në të tretën shenjë të lumturisë të mendojmë se Jezu Krishti dhjetë ditë pasi u ngjit në qiell, çoi Shpirtin Shenjt mbi apostujt ditën e Rrëshajve.


4. Në të katërtën shenjë të lumturisë të mendojmë se Zoja e bekuar qe ngjitur në qiell me korp dhe me shpirt.

5. Në të pestën shenjë të lumturisë të mendojmë se Zoja e Bekuar qe kurorëzuar Mbretëreshë e qiellit e dheut, dhe të mendojmë edhe lumturinë e të gjithë engjëjve dhe shenjtërve.


Të mendojmë pesë shenjat e dritës
( e ejte )

1. Në misterin e parë të dritës të mendojmë: Se Jezu Krishti u pagëzua në lumin Jordan dhe na u zbulua si Biri i Zotit.
2. Në misterin e dytë të dritës të mendojmë: Se Jezu Krishti na e zbuloi hyjninë e vet duke bërë mrekulli në dasëm në Kanën e Galilesë.
3. Në misterin e tretë të dritës të mendojmë: Se Jezu Krishti na thirri në kthim dhe na e shpalli Mbretërinë e Hyjit.
4. Në misterin e katërt të dritës të mendojmë: Se Jezu Krishti na e tregoi lavdinë e vet gjatë shndërrimit në malin Tabor.
5. Në misterin e pestë të dritës të mendojmë: Se Jezu Krishti duke e themeluar Euharistinë e shenjtë na bëri pjesëtar të mundimit dhe të ringjalljes së vet.

[Denim]

Litanitë e Zojës

Litanitë lauretane

O Zot, ki mëshirë!
O Krisht, ki mëshirë!
O Zot, ki mëshirë!
O Krisht, ndiejna ne!
O Krisht, dëgjona ne!

Ati prej qiellit Zot, ki mëshirë për ne!
Biri, Shëlbues i botës, Zot,
Shpirti Shenjt, Zot,
Shenjta Trini, një i vetmi Zot,

Shenjta Mari, lutu për ne!
Shenjta nëna e Hyjit,
Shenjta Virgjëra e virgjëravet,
Nëna e Krishtit,
Nëna e Kishës,
Nëna e hirit të hyjnueshëm,
Nëna e kulluar,
Nëna krejt e pastër,
Nëna e papërlyer,
Nëna e paprishme,
Nëna e dashur,
Nëna e mrekullueshme,
Nëna e këshillit të mirë,
Nëna e Krijuesit,
Nëna e Shëlbuesit,
Virgjëra e nderueshme,
Virgjëra e lavdëruar,
Virgjëra e pushtetshme,
Virgjëra e mëshirshme,
Virgjëra besnike,
Pasqyrë drejtësie,
Selia e dijes,
Shkaku i gëzimit tonë,
Visari i përshpirtshëm,
Visari i nderueshëm,
Visar i zgjedhur përshpirtërie,
Drandofillja e mrekullueshme,
Kulla e Davidit,
Kulla e fildishtë,
Shtëpia e artë,
Arka e besëlidhjes,
Dera e qiellit,
Ylli i mëngjesit,
Shëndeti i të sëmurëve;
Streha e mëkatnorëve,
Ngushëllimi i të pikëlluarve,
Ndihma e të krishterëve,
Mbretëresha e engjëjve,
Mbretëresha e patriarkëve,
Mbretëresha e profetëve,
Mbretëresha e apostujve,
Mbretëresha e dëshmorëve,
Mbretëresha e dëshmitarëve,
Mbretëresha e virgjërave,
Mbretëresha e të gjithë shenjtërve,
Mbretëresha e zënë pa mëkat të rrjedhshëm,
Mbretëresha e ngjitur në qiell,
Mbretëresha e shenjtës rruzare,
Mbretëresha e paqes.

O Qengji i Hyjit, që shlyen mëkatet e botës, na fal, ne o Zot!
O Qengji i Hyjit, që shlyen mëkatet e botës, dëgjona ne, o Zot!
O Qengji i Hyjit, që shlyen mëkatet e botës, ki mëshirë për ne!

Nën mbrojtje tënde po ngasim o shenjta Nëna e Hyjit, mos na i përbuz lutjet ndër nevoja tona, por, o virgjëra e lume dhe e bekuar, na shpëto përherë prej të gjithë rreziqesh, Zoja jonë dhe ndërmjetëse e jona. Me Birin tënd na pajto, Birit tënd na porosit, ndër duar të Birit tënd na lësho.

V. Lutu për ne, o shenjta Nëna e Tënzot,
R. të bëhemi të denjë për premtime të Jezu Krishtit.

Të lutemi:
Jepna ne shërbëtorëve tuaj, po të lutemi, o Zot, t’i gëzohemi përherë shëndetit të shpirtit dhe trupit, e nëpër ndërmjetësi të së madhërishmes dhe gjithmonë virgjërës Mari, t’i shpëtojmë trishtimit të tashëm dhe t’i gëzohemi gazmendit të amshueshëm.
Nëpër Krishtin Zotin tonë. Amen.

V. Lutu për ne Shën Jozef,
R. të bëhemi të denjë për premtime të Jezu Krishtit.

Të lutemi:
O Zot, t’i kemi në ndihmë meritat e fatit të shenjtës Nënës sate, që të fitojmë me ndërmjetësi të tij, çka nuk mund të fitojmë me ligështi tona. Që jeton dhe mbretëron për gjithë amshim. Amen.


Çfarë do të thotë të lutësh rruzaren?


Rruzarja tregon se si ka jetuar Jezusi, rruzarja është rruga së bashku me Krishtin. Rruzarja të çon tek Ati, rruzarja të dhuron lumturi, paqe, harmoni, gëzim dhe forcë. Rruzarja të ngroh me idealet madhështore të jetës së amshuar.

Lute rruzaren çdo ditë dhe do të shohësh se çdo ditë do të përparosh në jetën shpirtërore, në jetën e përditshme. Të lutësh rruzaren do të thotë që në çdo mister të kërkosh për vete një impuls për jetën. Të lutësh rruzaren do të thotë t’i afrohemi mistereve të jetës së Jezusit, t’i afrohemi mistereve të shëlbimit.


“Besoj” është kuptim i thellë, kushtim i përditshëm me Zotin, besoj d.m.th të marrësh vendim të përditshëm për Zotin.

Në qoftë se e njeh Zotin, e ke gjetur mikun përmbi të gjithë, në qoftë se di të lutësh, Zoti të dëgjon dhe do ti përgjigjet lutjes tënde. Në qoftë se lidhja jote me Zotin është e fortë, askush nuk mund ta shkatërrojë jetën tënde. Në qoftë se me të vërtetë e kërkon Zotin, Ai do të t’i falë të gjitha mëkatet e tua, në qoftë se e gjen Zotin e ke zbuluar jetën tënde në tërësi.

Në qoftë se e gjen rrugën deri te Krishti dhe e dëgjon zërin e Zotit, ti do ta ndiesh afërsinë e Zotit dhe Zoti do të jetë banesa jote.


“Ati ynë” Zoti është babai yt.

Zoti është babai yt, ai kujdeset dhe të do ty. Atë mund ta lutësh për çdo gjë, sepse Ai do që ti të jetosh dhe të jetosh në plotësi. Zoti është Shenjt, dashuri e pakufi, nuk preket, kush e njeh Atë e adhuron para Sakramentit. Zotin do ta gjesh në qoftë se e kërkon vullnetin e tij.

“U bëftë vullnesa jote!” Shumë njerëz jetojnë larg Zotit sepse dëshirojnë të jetojnë të lirë.

Pa Zotin njeriu e humb mendimin, e humb themelin e vet.

Kthehu tek Zoti dhe jeto besnik në Zotin.

“Na i fal mëkatet tona! Zoti do t’i falë gabimet në qoftë se jeton në dashuri, sepse Zoti është dashuri. Zoti është shpëtimtar, Zoti na mbron nga e keqja.


“Të falemi Mari ” – Pse t’i lutemi Marisë?

Maria është rruga në të cilën Jezusi ka ardhur, nëpërmjet Marisë ne e kemi pranuar Jezusin dhe nëpërmjet Jezusit do ta gjejmë rrugën që na çon tek Ati. Maria na tregon Jezusin, Jezusi na zbulon Atin. Në qoftë se dëshiron ta kesh besimin e plotë në Jezu Krishtin, lute çdo ditë rruzaren, atëherë Maria edhe ty do ta dhurojë Jezusin, për këtë Zoti Marinë e ka paracaktuar. Maria është Nëna e Zotit, nëna e besimit, nëna e Kishës. Maria është edhe nëna jote. Në qoftë se Maria është nëna jote, gjithmonë do ta kesh Zotin, Atin. Le të jetojë Maria në jetën tënde, prano Marinë në jetën tënde, lejo vetvetën që ajo të të udhëheqë.


Lavdi Atit (lat. Gloria Patri) - është një himn i shkurtër që e lavdëron Zotin në liturgjinë e krishterë. Është një lutje e shkurtër dhe e përsëritur në raste të veçanta. Përmbajtja e saj përforcon rrëfimin e besimit të Trinisë së Shenjtë, pra të misterit të Zotit në një Zot në tre veta Hyjnore. Ati, Biri, Shpirti i Shenjt. Mund të përkufizohet si një version gojor e i plotë i shenjës së kryqit. Thuhet edhe si pjesë përmbyllëse në çdo psalm në Liturgjinë e Orëve dhe në fund të çdo dhjetësheje të lutjes mariane Të falemi Mari në rruzare.


RRUZARJA E LIRIMIT


Fillohet me ‘shenjën e Kryqit’, me lutjen ‘Besoj’, dhe përfundon me ‘Të Falem o Mbretëresha’.

Në vend të – ‘Ati ynë’ – ne do të themi fjalët e Zotit:


“Nëse, pra, Biri do t’ju çlirojë, me të vërtetë do të jeni të lirë.”

(Gjon. 8, 36)


- Nëse këtë rruzare e kushton për vete, atëherë në kokrra të mëdha do të thuash:

Nëse, Jezusi do të më lirojë, me të vërtetë unë do të jem e lirë.


Në secilën prej 10 kokrrave thuhet:

O Jezu, ki mëshirë për mua!

O Jezu, më shëro!

O Jezu, më shpëto!

O Jezu, më liro!


- Nëse këtë rruzare e kushton për ndonjë person, atëherë duke e përmendur emrin e personit në kokrra të mëdha do të thuash:

-

Nëse, Jezusi do ta lirojë, (N.N), me të vërtetë (N.N) do të jetë e lirë.


Në secilën prej 10 kokërrave thuhet:

O Jezu, ki mëshirë për (N.N)

O Jezu, shëroje (N.N)

O Jezu, shpëtoje (N.N)

O Jezu, liroje (N.N)


- Nëse, këtë rruzare e kushton për familje, atëherë në kokrra të mëdha do të thuash:

Nëse, Jezusi do ta lirojë familjen time, me të vërtetë familja ime do të jetë e lirë.


Në secilën prej 10 kokërrave thuhet:

O Jezu, ki mëshirë për familjen time!

O Jezu, shëroje familjen time!

O Jezu, shpëtoje familjen time!

O Jezu, liroje familjen time!


Të lutemi!

O Zot Jezus, ne po të kërkojmë falje për të gjitha mëkatet tona. Po të lutemi, që Hyji Atë, ta dërgojë Shpirtin e Tij të Shenjtë, i cili do t’i mbushë zemrat tona me dhuratën e shpalljes së Fjalës Sate, me besim të patundur, përmes Rruzarës së Lirimit. Ne po të kërkojmë o Jezus, që fuqia jote të manifestohet në jetën tonë, e që Ti të bësh mrekulli dhe shërime, me anë të kësaj lutjeje që po ta kushtojmë me një fe të gjallë dhe të fuqishme, e cila nuk është gjë tjetër veçse shpallje e Fjalës sate. Amen!