Ndërroi jetë presidenti i Kosovës Dr Ibrahim Rugova

[alban shqiponja]

Pranoni ngushllimet më të sinqerta nga unë dhe familja ime për me të dashurin e popullit,për birin më të qmuar që ka lind Kosova Dardane Dr. Ibrahim Rugova.

[E-mira]

Ai ishte dhe mbeti Nje,njeriu me i madh i historise sone moderne.Nderimi qe i beri populli,flet sa vlejti Ai i pamposhturi para cdo shtrengate me te cilen u perball.Qofte i perjetshem kujtimi per te.

[Domira]

I dashur President!

Më lejoni që prej sonte të filloj të shprehem me shkrim.

Nuk kemi mendu ndonjëherë i dashur President, Zot i Shtëpisë,se nuk do te qëndroni gjithnjë në krye të shkallëve të Shtëpisë, shtëpi që e ndërtuat me mund dhe sakrificë jetësore.
...dhe ende po ju pret Kosova e Shqiptaria, President i nderuar, Shenjtor i Paqes, që të shfaqeni në shtepitë tona e të na udhëzoni butësisht me buzëqeshjen e shiqimin Tuaj të sinqertë se si të vazhdojmë nesër.
Kosova Juaj, qyteti i rinisë Tuaj , qyteti i veprës Tuaj jetësore, Prishtina, frymon me fjalën Tuaj dhe në qetësi e pret mesazhin e zakonshëm: NE PO E BËJMË SHTETIN E KOSOVËS...ZOTI E BEKOFTË KOSOVËN...
Zoti President!
Ne të cilët mbetëm në këtë anë, na keni pranë, këte e dini...do t'ju flasim edhe më tutje dhe kështu do të bëjmë deri atëhere kur të takohemi përfundimisht në anën tjetër.

I përkulem veprës Tuaj të shenjtë me të cilën ia sollët Lirinë Kosovës.
I përkulem sakrificës Tuaj për Shtetin e Pamvarun të Kosovës dhe popullit shqiptar.
I përkulem dashurisë Tuaj të sinqertë dhe të paskajshme për të mirën dhe unitetin e kombit tonë.

I dashur President!

Mirë u pafshim.

[Domira]

Ushtimë e tmerrshme shkonte, filloj te shembet toka. Njëherë nga njera anë e një ndërtese të lartë, pastaj nga ana tjeter.
Çahej toka, ndahej dhe në fund shembej. Ra kulmi mbi kokat e njerëzve. Shkoi ulërimë. Derisa po vraponin turrma njerëzish, nga largë u ndëgjua lajmi: Presidenti Jeton!
Ëndrra më e tmershme në jetën time.

20 janar 2006

[Kodra]

**********
**********
**********




E nderuara familje Rugova,
Të nderuar vëllezër dhe motra,
Krenarja Kosovë,
Shqiptarë të nderuar kudo që jeni nëpër Botë,

Humbja fizike e Presidentit tonë,udhërrëfyesi i paqes,njeriu i cili kishte në zemër durimin dhe admirimin për të dërguar njerëzit në Paqe,është shumë e vështirë.
E përmendte Zotin në çdo fjalim të tij,falë zotit la amanete të cilat ne duhet ti dërgojm deri në fund.
Zoti do ta respektoj dëshirën e tij,që shpirti i tij ,të dirigjoj Kosovën nga Qielli.
Të jemi krenar,që patëm një njeri para të cilit u përkulën botërorët.

Pranoni ngushëllimet e mia



Kodra

[e_martumja]

http://www.youtube.com/watch?v=2YOxs...eature=related

[Peja-Boy]

Thenje: Kur nuk e Nigon Nenen do e Nigosh Njerken

NUk e Niguan Presidentin per Flamur tash le ta Mbajn Flamurin qe Prezentuan Kombet e Bashkuara

[Rozafa]

Nuk vdesin të mëdhenjet si Dr.Ibrahim Rugova...ata jetojne brez pas brezi!!!!!!!!!!!!!!!!

[vjeshta]

Ende se kuptova mire ,apo nuk e sqaroi kush ,se a nderroi jete apo ja montuan kete ndrrim jete !?

[Isinqerti25]

Ka qen shum njeri i zoti jo vetem Per kosoven por per gjith Boten ai e solli kosoven deri ktu njeri ma te zot kosova ska pasur as nje her dhe veshtir qe do ket njeri qe ta zavendson ate zoti ishalla ka qen i knaqur me to i leht i qoft dheu i kosoves.........

[Urata]

Postimi origjinal është bërë nga Dilaver

Ngushellimet e mia; familjes së presidentit, të gjithë qytetarve të Dardanisë si edhe të gjithë atyre që janë të përfshirë nga dhëmbja e pikellimi me rastin e ndërrim jete të presidentit.

...........

[natyra]

21 Janari qdohere do na kujton Pikellimin per Ty dhe humbjen e madhe tenden Dhe sa do jeto Kosova do jeto dhe Vepra Jote dhe Vizioni Yt i larte Politik ne Kujtes te miren e vendit dhe te Kombit Shqiptar e te te gjithe atyre qe kan kuptua rrugen tende te drejt per liri dhe Pavaresi..LAVDI

*Bejm Humazhe per Rugoven!

*
Dite e (zez) mbuloi, Kosoven!
Te pikelluar, per Rugoven
Qan Shqiperia e Arberia
Po qan Shkodra e Malesia
Kumanova qan Tetova
Bujanovci qan Presheva
Gjitha Trojet, e gjitha Trevat
Po (gjemonin) Bjeshket e Rugoves
Humben Ndriten e Kosoves!
Qajn, Familja e Farefisi!!
Vdekja e Jote i habiti
Paska dal Vajza te dera,
Po pret PRINCIN (Babain) si herat tjera!
Sa shum krahet i paska hapur,
Kerkon PRINCIN(Babin)per t'perqafuar
Se ku eshte ka harruar!
Ne (kufom i paluar)
Sa me denes, bija qan
Disa fjal, duke ja than...
Baba Im te qoft Lavdi!
Ndegjoi fjalet, nga e jote Bije
*
Jo Ti nuk ke vdekur, or Baba
E Tere Kosova Per Ty Po Qa!
Po qajn Burra po qajn Gra
Po qan Plaku, sikur thmi!
I mshon veti, me grusht ne kry
Mjer Kosova qe mbet, pa Ty!
Kurr s'do t'kemi ma, si Ty
Vdekja Jote, i ka Trondit!
Don se bota u permbys
Sot Krenare ndihem Per Ty
Sa Shum LAVDI Kan Ren Mbi Ty
ARTITEKT PER PAVARESI!
*
Me Vjen Keq, se Gezove Ti!
Ne Emer Tend. Do e Gezon KOSOVA...
Me Shkronja te *ARTA* IBRAHIM RUGOVA!.
Do Krenohem Perhere, per Ty
Ndihem krenare, qe me pate Bije
Jam kranare qe me rrite
Ne Drit dhe *PAQE* Ti me qite!
Lutju Zotit shum per mua,
Nanen dhe Vellezerit te mi Ruan
Bije e Jotja jam Teuta
As une nuk di qka, thot Tuta?!
Kam per t'ngja,o Babi Ty
Kam per t'ruajt t'enden,Trimeri!
Emrin Tend, do e mbaj ne (zemer)
Djali im ta Gezon kete Emer.
Emrin Tend (IBRAHIM)!
Kete e kemi me Tradit......
Emrin Gjyshit, mos me Braktis
Rugovasit kan zakon
Trimerin gjith, Trashigojn!
Trashigim kujtes, per Brezin
Dijetart kurr, nuk Vdesin.....


Me nderime hajla, bije Rugovase!

Natyra.

[Domira]

Sot bëhen 7 vite nga vdekja e Presidentit Historik dr.Ibrahim Rugova.

Presidenti Rugova vuri themelet e shtetit të Kosovës dhe orjentoj Kosovën kah demokracitë perëndimore dhe me SHBAtë vendosi miqësi të përhershme.

Njeriu i vlerave, humanizmit, atdhetarizmit u bë frymëzim për progres jo vetëm për qytetarët e Kosovës por edhe për njerëzit paqëdashës në vende të tjera. Për këto vlera, Presidenti Rugova morri mirënjohje të shumta nga institucione të ndryshme të paqes, Akademi të Shkencave, si shenjë falënderimi për kontributin e tij për paqë që i la jo vetëm kombit të vet po edhe botës.

Maturia, durimi, modestia, dija dhe guximi ishin tiparet të cilat e karakterizuan këtë kolos - njeri të madh të Kosovës dhe botës që di vlerësojë paqen dhe vlerat njerëzore.

Qoftë i përjetshëm kujtimi për Presidentin tonë të dashur Ibrahim Rugova!

[sherri]

Mijëra qytetarë, homazhe te varri i Rugovës
Presidentja e Republikës së Kosovës, Atifete Jahjaga në akademinë përkujtimore kushtuar Ibrahim Rugovës, foli për ideologjinë, punën dhe vizionin e tij. Kurse kryetari i LDK-së, Isa Mustafa tha se Rugova ishte lideri i cili e vulosi fundshekullin e kaluar dhe fillimin e shekullit të ri dhe arritëm që Kosovën ta pavarësojmë.

Bardha Shkreli
Presidentja Jahjaga tha se jeta dhe vepra e Rugovës na bëjnë të ndjehemi krenar për të arriturat e vendit. Jahjaga e quajti presidentin Rugova, arkitekt të pavarësisë e udhëheqës largpamës.

“Jeta dhe veprimtaria e presidentit të parë të Republikës së Kosovës, na bëjnë të ndihemi krenar për rrugën që ne si popull bashkarisht e kemi kaluar. E gjithë kjo rrugë, ky vizion na bëjnë që të nderojmë dhe kujtojmë, me respekt, liderin, arkitektin e pavarësisë,udhëheqësin tonë largpamës i cili përfundimisht e orientoi vendin e popullin tonë drejt SHBA-ve , në përqafim të vlerave përendimore”, tha Jahjaga.

Ndërkaq, një delegacion i kryesisë së LDK-së vizitoi sot familjen Rugova. Kreu i LDK-së Isa Mustafa vlerësoi lartë figurën e ish presidentit Rugova dhe kontributin e tij në shtetformimin e Kosovës.

“Si një filozof i cili e zhvilloi një aktivitet dhe një lëvizje të veçantë në një periudhe kur ishte shumë vështirë të lëvizej për liri, pavarësi dhe demokraci, lider i cili e vulosi fundshekullin e kaluar dhe fillimin e shekullit të ri dhe të arritëm që Kosovën ta pavarësojmë, që Kosova të ec drejtë integrimeve evropiane dhe euro- atlantike, kërkesë e tij e kamotshme”, tha Mustafa.

Për të nderuar ish presidentin Rugova, homazhe pranë varrit të tij bënë edhe kryesia e AAK-së. Lideri i AAK-së Ramush Haradinaj tha se në nderim të veprës së tij kujtojmë gjithë arritjet që ka shënuar vendi.

“Në përvjetorin e ndarjes fizike nga ne të presidentit historik dr. Ibrahim Rugova,bëjmë nderim dhe kujtojmë rrugën e gjatë të popullit tonë deri këtu e veçanërisht rolin historik të presidentit Rugova në rrugën e gjatë të arritjeve e popullit të Kosovës”, tha Haradinaj.

Homazhe te varri i ish presidentit Rugova kanë bërë edhe drejtues të partive tjera politike, ndërkohë në shenjë të nderimit të veprës së tij, forumi rinor i LDK-së , organizoi marsh në qendër të Prishtinës.

Ndërkaq, seanca plenare e Kuvendit të Kosovës e paraparë për sot nuk është mbajtur me kërkesë të Grupit parlamentar të LDK-së për shkak të aktiviteteve në përkujtim të vdekjes së ish presidentit Ibrahim Rugova.

[Zero Cool]

Atifete Jahjaga: Vendimet e Rugovës, na sollën lirinë


Presidentja e Kosovës, Atifete Jahjaga, në shtatëvjetorin e vdekjes së Presidentit të Parë të Kosovës, Ibrahim Rugova, bëri homazh dhe vuri lule mbi varrin e tij në lagjen Velania të Prishtinës.

Presidentja Jahjaga më pas vizitoi familjen Rugova, ku u prit nga bashkëshortja dhe familjarët e Presidentit Rugova.

Në vijim të aktiviteteve të shënimit të këtij përvjetori, në Teatrin Kombëtar, në patronazhin e Presidentes Jahjaga, u mbajt Akademia përkujtimore për Presidentin Rugova.

Në këtë Akademi, Jahjaga tha se jeta dhe veprimtaria e Presidentit të Parë të Kosovës, të Presidentit historik, Ibrahim Rugova, na bënë të ndjehemi krenarë për rrugën që si popull bashkërisht e kemi kaluar.

“Ne sot, duke i vlerësuar të arriturat tona, me pietetet i kujtojmë të gjithë ata që u sakrifikuan, që ranë në altarin e lirisë, që punuan për të mirën e popullit dhe të atdheut, që u shkrinë në përkushtimin për të qenë të lirë dhe zot në trojet tona. Për Republikën e Kosovës shtet sovran dhe të pavarur, vend anëtar në Bashkimin Evropian dhe në NATO, anëtare në Organizatën e Kombeve të Bashkuara dhe në të gjitha organizatat dhe në mekanizmat ndërkombëtar dhe në miqësi të përjetshme me Shtetet e Bashkuara të Amerikës”, ka thënë Jahjaga.

E gjithë kjo rrugë, ky vizion, sipas saj, “na bënë që të nderojmë dhe të kujtojmë me respekt të thellë liderin, arkitektin e pavarësisë, udhëheqësin tonë largpamës i cili përfundimisht e orientoi vendin e popullin tonë drejt Shteteve të Bashkuara të Amerikës, në përqafim të vlerave perëndimore”.

“Ne sot e kujtojmë Presidentin e parë të shtetit, i cili në kohë të vështira, diti të marrë vendime të rëndësishme që i dhanë kahe historisë duke e përcaktuar përfundimisht fatin tonë si popull dhe të ardhmen e atdheut”, theksoi presidentja Jahjaga.

E para e vendit u shpreh se në nisje të shpërbërjes së ish-Jugosllavisë, në parakohën e dominimit të hegjemonizmit, që rrinte kërcënueshëm mbi fatet e popujve, Ibrahim Rugova e zgjodhi rrugën e krijimit të mendimit filozofik e politik të pikëpamjes së atdhetarizmës të formësuar, si filozofi e politikës aktive paqësore, që mobilizoi popullin e etshëm për liri, për pavarësi e për demokraci, për zhvillim të jetës pluraliste, për avancim të proceseve demokratike dhe për shtet ndërtim.

“Dr. Ibrahim Rugova së bashku me intelektualët e tjerë krijoi dhe udhëhoqi Lidhjen Demokratike të Kosovës, partinë e parë Demokratike në historinë tonë, që vepronte publikisht, e orientuar në Shtetet e Bashkuara të Amerikës dhe Bashkimin Evropian. Së bashku me partitë e tjera krijoi jetën shumëpartiake për shtet ndërtim duke iu kundërvënë me shumë sukses sistemit okupues. E gjithë kjo punë dhe veprimtari e bazuar mbi vlerat dhe standardet demokratike, Kosovën dhe të gjithë qytetarët e saj i drejtoi në gjirin e popujve dhe të shteteve të lira të Evropës”, theksoi Presidentja e vendit, Atifete Jahjaga.

Jahjaga kujtoi se si me nismën e liderit Ibrahim Rugova, u Krijua Këshilli i Partive Politike të Kosovës, e më vonë edhe Këshilli Koordinues i njëmbëdhjetë Partive Politike Shqiptare në Jugosllavi, që mbi bazën e barabartë të parlamentarizmit, ndërtoi dhe miratoi “Platformën Politike për zgjidhjen e çështjes shqiptare në ish Jugosllavi”.

“Duke bashkërenduar të gjitha aktivitetet ndërtoi një sistem efikas qeverisjeje e administrimi për Republikën e Kosovës, shtet demokratik dhe të lirë, të gjithë qytetarëve të barabartë. Dr. Ibrahim Rugova ishte strategu i shtetit të Kosovës, i Republikës së Kosovës, që e kishte legjitimitetin e përkrahjen e gjithëmbarshme popullore dhe bazën legale të veprimit e të funksionimit”, u shpreh Jahjaga.

“Filozofia politike rugoviane karakterizohej si një politikë aktive paqësore e bazuar në përvojën historike të mbijetesës së popullit tonë. Ishte ky një program politik i përshtatur rrethanave të kohës për krijimin e kushteve për çlirim, duke ruajtur qenien biologjike dhe tërësinë territoriale. Filozofia e Rugovës ndërkombëtarizoi çështjen e Kosovës duke fituar përkrahje duke demaskuar politikën agresive hegjemoniste”.

“Presidenti Rugova shpresonte shumë që në Kosovë do të mund të evitonte luftën kundër popullit të pambrojtur, duke llogaritur se bota përparimtare kishte marrë mësim nga luftërat e përgjakshme në Kroaci dhe në Bosnje dhe do të parandalonte gjenocidin dhe shpërnguljen e popullit të Kosovës”.

“Mirëpo kur filloi lufta, dr. Ibrahim Rugova pa as më të voglin hezitim në Konferencën e Rambujesë ia kaloi udhëheqjen e delegacionit dhe rolin prijës përfaqësuesve të Ushtrisë Çlirimtare të Kosovës”, kujton Jahjaga.

Presidenti Dr. Ibrahim Rugova, sipas Jahjagës, njihet për sintagmën “LIRI PAVARËSI, DEMOKRACI” që ishte platforma e Tij politike; të punojmë, të fitojmë lirinë të shpallim pavarësinë të ndërtojmë demokracinë. “Kjo tashmë është bërë realitet, ashtu si edhe vizioni për miqësi të përjetshme me Shtetet e Bashkuara të Amerikës”.

“Presidentit Rugova i takon edhe merita për ndërtimin e partive të orientimit properëndimor e demokratik, duke kultivuar karakterin liridashës, atdhetar dhe civilizues të kombit duke hequr përgjithmonë nga këto hapësira ideologjinë komuniste, si një e keqe që i shkaktoi vuajtje popullit në të kaluarën”, theksoi Jahjaga.

“Republika e Kosovës nderon bijtë dhe bijat e veta, që kontribuuan që ne sot të jemi të lirë, të pavarur, të barabartë e dinjitoz në trojet tona. Presidenti Ibrahim Rugova është në piedestalin e këtyre intelektualëve, veprimtarëve, politikanëve që si udhëheqës i zoti diti ta drejtoj popullin dhe atdheun drejtë të ardhmes evropiane”, tha për fund, e para e vendit, Atifete Jahjaga para të pranishmëve në Akademinë përkujtimore për Presidentin Rugova.