Lajme nga ekonomia vendore dhe e jashtme !

[Zero Cool]

Libanezët, gati supermakinën më të shtrenjtë në botë





Makina LykanHypersport e cila pritet të prezantohet në sallonin e Katarit pritet të jetë makina më e shtrenjte në botë. Me një çmim prej 3.4 milion dollarë ajo ja kalon edhe rivalit të saj Bugatti Veyron.

Makina libaneze ofron një interior fantastik me veshje lëkure, të qepura me ar.Dritat e fenerëve do jenë me diamante, kurse motori ka 750 kuaj fuqi. Në bord do ketë një ekran 3D holografik.

Ndërsa LykanHypersport i bën 0-100 kilometra në orë për 2.7 sekonda, Veyron e bën për 2.5 sekonda, pa përmendur këtu që shpejtësia maksimale e Bugatti-t është më e lartë. Makina është dizenjuar nga Ralph Debbas, që më përpara ka punuar me Aston Martin.

[Zero Cool]

Në KS krejt jan ka bohen "mastera".

Dhjetë miliarderët më të pasur, pa shkollë të lartë


1. Bill Gates

Ai është një nga personat më të pasur të botës, me vlerë neto 54 miliardë USD. Ai ishte student në Universitetin e Harvardit, por nuk mundi të përfundojë studimet.




2. Larry Ellison

Ai mori famë kompaninë e bazës së të dhënave “Oracle”. Vlera e tij neto është 28 miliardë USD.





3. Amacion Ortega

Ai i është një biznesmen i suksesshëm në botën e modës. Vlera e tij neto është 25 miliardë USD.




4. Christy Walton

Christy është një biznesmene e suksesshme e “Wal-Mart”-it. Vlera saj neto është 24 miliardë USD.




5. Karl Albrecht

Ai e filloi biznesin, së bashku me vëllanë e tij, pas Luftës së Dytë Botërore. Vlera e tij neto është 23.5 miliardë USD.




6. Ingvar Kamprad

Ai filloi biznesin e tij në moshën 17 vjeç. Tashmë vlera e tij neto është 23 miliardë USD.




7. Li Ka-shing

Ai është një biznesmen tmerrësisht i suksesshëm. Vlera e tij neto është 21 miliardë USD.




8. Liliane Bettencourt

Ajo është themeluesja e kompanisë kozmetike “L'Oreal”. Vlera e saj neto është 20 miliardë USD.




9. Lee Shau Kee

Ai ka pasuri totale prej 18.5 miliardë USD. Ndërkaq ai ka marrë shumë tituj nderi.




10. Michele Ferrero

Ky biznesmen, i cili është pronar i kompanisë së çokollatës së njohur në mbarë botën, “Ferrero Rochers”. Ai ka një pasuri prej 17 miliardë USD.

[Zero Cool]

Gazi rus edhe në Kosovë?!





Moskë, 22.02.2013

Kreu i Gazprom-it rus, Alexei Miller, do të vizitojë Serbinë më 28 shkurt, për të diskutuar ndërtimin e tubacionit të gazit Rrjedha e Jugut, si dhe çmimin e gazit të Rusisë, raporton agjencia Itar-Tass, transemton REL.

Më 20 shkurt, Kuvendi i Serbisë ka miratuar një ligj, i cili rregullon ndërtimin e Rrjedhës së Jugut.

Sipas Itar-Tass, njëri nga seksionet e tubacionit “do të kalojë në Kosovë, nga qyteti serb i Nishit, për të furnizuar me gaz Kosovën dhe Maqedoninë”.

Përveç kësaj, seksione të tubacionit do të ndërtohen edhe në Republikën Sërpska dhe në Kroaci.

Gjatësia e seksionit të Serbisë do të arrijë 450 kilometra dhe pritet të kapë vlerën e 1.7 miliard eurove.

[Zero Cool]

Rreziku vjen nga veriu: Metale të rënda në grurin serb


Shkup, 27.02.2013
Agjencia për ushqim dhe veterinë e Maqedonisë njoftoi sot se ka gjetur përqendrim të rritur të metaleve të rënda në grurin me origjinë nga Serbia.

Në njoftimin e kësaj agjencie thuhet se me rastin e kontrollit kufitar të ushqimit të importuar, në diç mbi 330 tonelata grurë është konstatuar sasi e metaleve të rënda mbi normat e lejuara që parashihen me Rregulloren
mbi sigurinë e ushqimit.

Si njoftoi kjo agjenci, asnjë kilogram nga kjo sasi e grurit nuk është hedhur në qarkullim në Maqedoni, sepse analizat janë bërë në pikëkalimin kufitar me rastin e arritjes së kamionëve me grurë, transmeton gazeta Blic.
E tërë sasia e grurit të dyshimtë gjendet nën mbikëqyrje të agjencisë, kurse vënia në qarkullim është ndaluar. Importuesit e kësaj sasie të grurit kanë kërkuar një superanalizë, prandaj mostrat janë dërguar për analizë laboratorike, thuhet në komunikatë.

[Zero Cool]

Mishi me hormone në Shqipëri shkakton impotencë te meshkujt


Tiranë, 28.02.2013
Hormoni i rrezikshëm, steroidi i njohur me emrin Boldemec, po qarkullon lirisht në tregun shqiptar. Me këtë produkt të ndaluar në vendet e BE-së prej më shumë se një dekade, është hormoni i përdorur gjerësisht nga fermerët, por edhe i shitur e i kërkuar në farmacitë vendase.

Pas investigimit të “Balkan Insight” dhe kamerës së fshehtë të “Top Channel”, gazeta “Shqip” bën publike fakte të reja lidhur me pasojat që kanë qytetarët të cilët konsumojnë mish të rritur me hormone, që theret i njomë dhe konsumohet nga qytetarët si produkt bio i vendit, ndërkohë që mishi i shërbyer në tavolinë, përveç se produkt i rritur artificialisht, është tepër i dëmshëm për organizimin.

“Steroidi, hormoni Boldemec shkakton rritjen e nivelit të estrogjenit. Hormoni në këtë rast shkakton rritje në peshë, shtim të forcës, por ka pasoja edhe për shëndetin riprodhues.

Steroidi shkakton impotencë, por edhe ulje të aftësisë së riprodhimit, pra shkallës së fertilitetit te meshkujt. Te femrat nuk ka pasoja për fertilitetin. Ndërkohë që kjo sasi estrogjeni ndikon drejtpërdrejt në aktivitetin seksual të meshkujve”, tha mjeku androlog Evi Dani. Sipas specialistit, substanca të tilla kanë pasoja deri në sterilitet dhe ulje të fertilitetit, pra të mundësisë për të pasur pasardhës.

Për pesë vjet me radhë autoritetet shqiptare kanë lejuar importin dhe përdorimin e bagëtisë së majme, shtuar nëpërmjet hormonit të njohur si Boldemec LA.

Përbërësi kryesor është një steroid i quajtur Boldenone, i krijuar për përdorim veterinar, kryesisht për trajtimin e kuajve.

Pavarësisht kësaj, sportistët shpeshherë e përdorin atë si doping, si dhe ata që merren me bodybilding, e përdorin po ashtu për rritjen e peshës dhe rritjen e vëllimit të muskujve.

Sportistët e përfshirë në disa skandale dopingu në SHBA, duke përfshirë këtu kryesisht kampionatet e futbollit, bejsbollit, boksit, e kanë marrë hormonin në fjalë.

Pavarësisht dekreteve shqiptare mbi përdorimin e hormoneve, Boldemec LA gjendet në listën e lejuar të barnave veterinare për vite me radhë. Ekspertët sqarojnë se konsumi i mishit të rritur me Boldenone mund të jetë i rrezikshëm në një kohë të gjatë, për shëndetin e qytetarëve.

Një ditë pas investigimit, që provon se hormoni i mishit me efekte kancerogjene mund të blihet me lehtësi në farmacitë veterinare në vend, Ministria e Bujqësisë deklaroi se janë ngritur grupe pune për kontrollin e rreptë të depove farmaceutike veterinere. “Këto ditë ne kemi kaluar në kontrolle të imtësishme në të gjithat depot farmaceutike. Shumë shpejt do të ngrihet një grup pune për të bërë inventarët më të imëta të të gjitha depove farmaceutike. Do të marrim masa ndaj atyre që fusin këto hormone”, tha Sotiraq Papa, përgjegjës i shërbimit veterinar në Ministrinë e Bujqësisë.

Përdorimi i hormonit Boldemec është i ndaluar përmes dy vendimeve të Ministrisë së Bujqësisë, një i vitit 2006 dhe një tjetër i vitit 2011. Por, me gjithë masat e marra për kontrollin e tij, përgjegjësi i shërbimit veterinar pranë Ministrisë së Bujqësisë, Sotiraq Papa tha se kontrabanda është vështirë të kontrollohet. “Mbetje të Boldemec të vitit 2010 mund të kenë mbetur në farmaci jo të licencuara. Mund të jenë farmaci që përdoren nga veterinerë privatë me një gamë të vogël medikamentesh. Ne nuk e kemi kapacitetin për ta kontrolluar gjithë kontrabandën”, deklaroi Papa.

Pak ditë më parë, Autoriteti Kombëtar i Ushqimit siguroi konsumatorët shqiptarë se mishi që tregtohet në vend është i sigurt, ndërsa përjashtoi mundësinë e përdorimit të hormoneve për rritjen artificiale të tyre.

Lidhur me çështjen ka reaguar edhe Zyra për Mbrojtjen e Konsumatorëve, e cila i ka kërkuar zyrtarisht Ministrisë së Bujqësisë inspektimin e të gjitha produkteve veterinare që qarkullojnë në tregun shqiptar dhe ndalimin e çdo produkti që nga përdorimi i pakualifikuar në blegtori mund të dëmtojë shëndetin e konsumatorëve.

[Zero Cool]

Limak” ia “vjedh“ 4 ,5 milionë euro KEK-ut


Prishtinë, 06.07.2013

Konsorciumi turk ”Calik &Limak” ia ka “vjedhur” Korporatës Energjetike të Kosovës (KEK) rreth 4,5 milionë, ende pa u bërë plot dy muaj, prej kur kjo e ka marrë në menaxhim distribucionin. KEK-u për muajin maj të këtij viti, kompanisë turke ”Calik &Limak” i ka shitur energji në vlerë prej 14,2 milionë euro, por kjo e fundit deri më tash KEK-ut i ka paguar vetëm 9,7 milionë ero, ndërkaq pjesën tjetër prej rreth 4,5 milionë euro, nuk po ia paguan fare me arsyetimin se konsorciumi turk ka marrë në menaxhim distribucionin jo në fillim të muajit maj, por me 8 ditë vonesë.

Burime të besueshme të gazetës “Zëri” brenda Korporatës Energjetike të Kosovës thonë se pronaret e kompanisë turke edhe më tutje nuk kanë shprehur gatishmëri për t’ia paguar borxhin kompanisë publike.

“Ata po arsyetohen se distribucionin e kanë marrë nga 8 maji, dhe për pjesën tjetër ata nuk kanë ndonjë obligim ndaj kompanisë publike. Mirëpo, turqit konsumatorëve nuk ua kanë marrë vetëm 60 për qind të faturës, por për krejt muajin. Në këtë rast ‘Calik &Limak’, ka mbledhur parat nga klientët e saj, por ato nuk ia ka derdhur në llogari të KEK-ut, por në llogari të vetë” bënë të ditur burimi i besueshëm i gazetës.

Sipas këtij burimi, nuk është vetëm pagesa problemi i vetëm që kanë KEK-ut dhe konsorciumi turk ”Calik &Limak”.Problem tjetër i theksuar mbetet edhe sasia e energjisë që është duke e prodhuar KEK-u, e që në disa momente duket si e tepërt nga konsorciumi i turk.

Më tej burimi bën të ditur se menaxhmenti i KEK-ut përballet me presione të shumta nga ”Calik &Limak”,ku këta të fundit në orë të caktuara brenda ditës kërkojnë që të ulët prodhimi, e ndërkaq në orë të caktuara ata kërkojnë që prodhimi të rritet deri në maksimum.

[Zero Cool]

Beogradi përmes amerikanëve pretendon gjysmën e “Trepçës”?







Beograd, 15.11.2013

Një marrëveshje për bashkëpunim afarist-teknik ndërmjet Kombinatit Xehetar Metalurgjik “Trepça”, siç vazhdon ta quaj Beogradit këtë vigan të Kosovës, dhe kompanisë amerikane "New Generation Power" (NGP) do të mund të konkretizohet deri në fund të këtij viti, shkruan sot e përditshmja serbe “Novosti”, duke cituar ministrin e Xehetarisë e të Planit Hapësinor, prof.dr. Millan Baçeviq. Sipas tij, propozimi mbi partneritetin strategjik është gati, kanë mbetur vetëm që të dy palët të harmonizojnë formën përfundimtare të atij dokumenti. “Me ditën e nënshkrimit të asaj kontrate arrihen të gjitha kushtet për realizimin e investimeve të kompanisë amerikane në “Trepçë”, citon gazeta Baçeviqin.

“Plani parasheh hapjen e minierave të reja ku rezultatet e kërkimeve gjeologjike tregojnë se kjo është me leverdi, pastaj të zgjerohet dhe të rritet vëllimi i prodhimit në minierat ekzistuese, që ndodhen në përbërje të “Trepçës” veriore, siç e quan kjo gazetë këtë pjesë të këtij kompleksi xehetar, dhe këto janë “Bello Berdo” dhe “Cërnci”. Do të instalohen pajisje të reja për eksplatimin e xehes dhe do të krijohen kushte financiare për ndërtimin e shkritores së re në Zveçan. Po ashtu me plan parashihet edhe ndërtimi i një termocentrali, që do të prodhonte rrymë për të gjitha komunat në pjesën veriore të Kosovës, me një fuqi rreth 50 megavatësh.

Raportet e propozuara pronësore ndërmjet “Trepçës” dhe kompanisë amerikane, sipas ministrit serb, do të jenë 51 për qind për palën serbe dhe 49 për qind për NGP. Kontrata do të nënshkruhet pavarësisht se Agjencia Kosovare e Privatizimit ka dalë në opinion me dofarë planesh të vetat për kombinatin, shkruan “Novosti”.

“I kemi bërë pyetje ASgjencisë Kosovare se në bazë të cilit akt juridik ose dokumenti ata pretendojnë të drejtën në pjesën veriore të “Trepçës”, aq më parë kur “Trepça” veriore është e regjistruar dhe ndodhet në pjesën serbe të Agjencisë së Resurseve Ekonomike (APR) me një strukturë të përcaktuar dhe të përkufizuar shumë qartë, që i është prezantuar edhe kompanisë amerikane”, citon gazeta ministrin serb Baçeviq. “Trepça” veriore është qind për qind serbe. Me ardhjen e kapitalit amerikan në “Trepçë, krijohen kushte për hapjen dhe të minierave të mbyllura në Kosovë, që të aktivizohen ndërmarrjet e shuara dhe që qytetarët e pjesës veriore e jugore të Mitrovicës të llogarisin në punësinë e humbur nga pakujdesia dhe indiferenca e pushtetit të vet, citon gazeta ministrin e Serbisë të ketë folur për pretendimet e fqinjit verilindor ndaj tokave të Kosovës.