FFK pranohet në FIFA

[tipi engjellor]

flm prej tyre po edhe keq ....pasi akoma nuk ka diqka per tu shikuar ....te shofesh rrahje te roferve .....

[Zero Cool]

Postimi origjinal është bërë nga Makresh

Po normal mare, a e din ti qe un kojshi e kam

Dhe per hir te kosoves, i thash qishtu, qishtu, qishtu baca bllater kosoves po ja bon me hile aj truma i frances, platinka ! Hajt se i foli tha.

Mule, interveno te Blater kojshia


FIFA shtyn vendimin për Kosovën


Zuerich, 25.05.2012

Federata Ndërkombëtare e Futbollit ka shtyrë vendimin për të lejuar ose jo Kosovën të luajë ndeshje miqësore me anëtarët e saj, ka bërë të ditur kreu i FIFA-s, Sep Blater.

“Do të mbajmë një takim me federatat e shqetësuara, veçanërisht Serbinë, të premten e ardhshme në Cyrih”, ka thënë Bllater në kongresin vjetor të federatës në Budapest.

Të martën, komiteti ekzekutiv i FIFA-s ka dhënë miratimin për Kosovën, që të luajë ndeshje miqësore me ekipet e saj kombëtare, transmeton REL.

Federata serbe e futbollit ka kundërshtuar fuqishëm vendimin, të cilin sekretari i përgjithshëm i FIFA-s e ka cilësuar si mënyrë për të ndihmuar zhvillimin e futbollit.

[Zero Cool]

Behrami: Edhe pse luaj për Zvicrën, nuk gjej më mirë se Kosovën



Prishtinë, 29.05.2012

Ikona e futbollit kosovar, Valon Behrami, i cili këto ditë po qëndron në Prishtinë për pushime dhe për të mbështetur futbollin e Kosovës, pasi që kjo e fundit ditë më parë e ka marrë dritën jeshile nga FIFA për të zhvilluar lojë miqësore ndërkombëtare.
Behrami tha lajmi e FIFA-s për Kosovën e ka gëzuar tej mase, por sipas tij, pa u pa u pranuar Kosova me rregulla të plota në FIFA, futbollistët e kombëtares zvicerane ne nuk munden të vijnë që të luajnë këtu, sepse nuk i lejon Federata e Futbollit të Zvicrës.

“Unë mendoj që t’u jepet shansa futbollistëve të rinj të Kosovës që të na përfaqësojnë deri sa FIFA dhe UEFA të na pranojnë plotësisht në familjet e tyre. Në momentin që pranohemi unë do të luaj për kombëtaren time, Kosovën, sepse vij nga ky vend”.

Ai tha se duhet të punohet për infrastrukturën dhe sigurimin, pasi që skuadrat e mëdha dhe kombëtaret evropiane në këto kushte nuk vijnë të zhvillojnë lojë në Kosovë.

“Kontributi ynë që mund të bëjmë për vendin tonë është që lojtarët e Kosovës të dalin jashtë vendit pasi që këtu ka telentë shumë të mëdhenj. Për momentin ne nuk kemi mundësi dhe vetmja mënyrë është që t’i qesim talentët jashtë Kosovës dhe t’i tregojmë Evropës dhe botës prej nga vijmë”, u shpreh Behrami.

Për ndeshjen Zvicër-Shqipëri që do të zhvillohet për eliminatorin e Botërorit 2014, ai tha se “është shumë e vështirë që 5-6 shqiptarë luajnë për kombëtaren e Zvicrës, të luajnë kundër Shqipërisë, është emocion i përzier dhe duhet të futesh në lojë pa menduar shumë se kjo është ndeshje që mund të ndodhë një-herë në jetë të luash kudër kombëtares tënde.

“Ne jemi rritur në Zvicër, ky shtet ka dhënë shumë për neve dhe për shtetin e Kosovës dhe duhet ta japësh 100 për qindëshin”.
Po t’i ndodhte që Zvicra të luajë kundër Kosovës, Behrami tha se nuk do të kishte luajtur fare.

Ai foli edhe për skuadrën e vet Fiorentinën që ka pasur mungesa të shumta dhe lëndime dhe të shumta, që ka fituar në Lacio dhe Wes Ham United, duke u shprehur se është i kënaqur në skuadrën ku luan dhe tash skuadra është freskuar dhe e pret trajnerin e ri, njëkohësisht pret edhe të bëhet lider i Fiorentinës.

I pyetur nga gazetari i KNN-së, se a do të jetë prej sezonit të ardshëm kapiten i Fiorentinës, Valon Behrami u shpreh: “Këtë pyetje ma kanë bërë shumë gazetar italian. Nëse kapiteni aktual largohet nga ekipi, gjasat më të mëdha janë që të marr shiritin e kapitenit unë, edhe pse kryesia e klubit e bën zgjedhjen e kapitenit”.

Refuzimin e ofertës që të luajë për Juventusin, ai e quajti si vendim të drejt dhe se nuk pendohet për këtë vendim.

“Jam adaptuar mirë në qytetin e Firencës, me publikun dhe e ndiej vetën shumë mirë aty. Tani mendoj në disa ndryshime në jetën time, por e vetmja gjë që nuk dua të ndryshoj është skuadra. Unë dua të kem respekt si njeri edhe jashtë fushës së gjelbër, këtu me respektojnë shumë edhe si njeri edhe si futbollist”.

Ai porositi futbollistët që luajnë nëpër kombëtare të ndryshme të huaja që mos të harrojnë Kosovën sepse vend më të mirë nuk mund të gjejnë askund. Edhe kur të përshëndetin në Kosovë edhe kur duartrokasin është një emocion më ndrysh, se jam kosovar.

Valon Behrami e dha mesazhin për futbollistët e rij kosovar që kur të mos heqin dot nga ëndrra e tyre se do të prekin kulmin e karrierës.

[Zero Cool]

Kosovarët e Shqipërisë e të Zvicrës i shkruajnë FIFA-s e UEFA-s


Prishtinë, 10.09.2012

Drejtuesit e Federatës së Futbollit të Kosovës, kryetari Fadil Vokrri e sekretari i përgjithshëm, Eroll Salihu, janë takuar me sekretarin e përgjithshëm të Federatës së Futbollit të Gjermanisë (DFB), Helmut Sandrock. Sipas një njoftimi të FFK-së, Vokrri e Salihu kanë kërkuar që DFB-ja të përkrahë Federatën kosovare para mbledhjes që në fund të muajit e mban Komiteti Ekzekutiv i FIFA-s, transmeton Koha.

KE i FIFA-s pritet të vendosë për modalitetet e zhvillimit të ndeshjeve miqësore të përfaqësueses së Kosovës. "Krerët e Federatës gjermane premtuan se do të japin gjithçka në përkrahje të futbollit të Kosovës, aty ku kanë ndikim.

Në takim u diskutua edhe për thellimin e bashkëpunimit në sferën e edukimit të trajnerëve dhe gjyqtarëve dhe në këtë pikë Sandrock shprehu gatishmërinë e DFB-së që të vazhdohet me edukimin e kuadrove të Kosovës në të gjitha sferat", shkruan në njoftimin e FFK-së. Gjatë qëndrimit në Gjermani, Vokrri e Salihu patën takime me lojtarë shqiptarë, si dhe me futbollisten Fatmire Bajramaj që premtoi mbështetje për futbollin kosovar. Delegacioni i FFK-së vizitën e vazhdon në Zvicër.

"Do të takohen zyrtarë zviceranë të futbollit nga të cilët do të kërkohet përkrahje. Do të takohen edhe futbollistët shqiptarë, veçmas ata të Kosovës që luajnë në kombëtaret e Zvicrës dhe të Shqipërisë, të cilët kanë paralajmëruar se me një letër të përbashkët do t'u drejtohen UEFA-s e FIFA-s që sa më parë të pranojnë FFK-në".

[Zero Cool]

Pasi lejoj zhvillimin e ndeshjeve miqësore ndërkombëtare, FIFA ka propozuar që Kosova të luaj në miqësore pa simbole shtetërore dhe për çdo ndeshje të pyetet Serbia paraprakisht.
Sa ndizet një shkëndi për futbollin kosovar, menjëherë fiket ajo :@

[elvio]

Postimi origjinal është bërë nga Zero Cool

Pasi lejoj zhvillimin e ndeshjeve miqësore ndërkombëtare, FIFA ka propozuar që Kosova të luaj në miqësore pa simbole shtetërore dhe për çdo ndeshje të pyetet Serbia paraprakisht.
Sa ndizet një shkëndi për futbollin kosovar, menjëherë fiket ajo :@

Perse ekzakt ndodh kjo nepermjet Serbise admin?
C'ka kerkohet akoma nga Federata e Futbollit Kosovar?

[Zero Cool]

Postimi origjinal është bërë nga elvio

Perse ekzakt ndodh kjo nepermjet Serbise admin?
C'ka kerkohet akoma nga Federata e Futbollit Kosovar?

FIFA shokon FFK-në, s’ka miqësore pa leje të Serbisë



Ishim mburr e gëzuar shumë, kinse i hapëm dyert ndërkombëtare për futboll. Por, si duket qenkemi mashtruar, dhe atë shumë keq. “Avokati” i futbollit të Kosovës, Stepp Blatter, ka zhgënjyer dhe nuk ka dalë aq dashamir i Kosovës, siç kishte paralajmëruar kryetari i Federatës së Futbollit të Kosovës, Fadil Vokrri. Bile kjo doli të jetë ngjarje historike, por në fakt ishte antihistorike për futbollin e Kosovës.

Në adresë të FFK-s ka arritur një letër nga FIFA, e cila i ka shtangur të gjithë opinion e futbollit kosovar, përmes të cilës shtëpia botërore e futbollit e ka njoftuar atë kosovare me modalitetet e zhvillimit të ndeshjeve miqësore, pas vendimit pozitiv të 14 dhjetorit. Në letrën që është dërguar në zyrën e FFK-së, thuhet se FIFA ka kërkuar nga futbolli kosovar, që në kohën kur organizon ndonjë ndeshje miqësore për përfaqësuesen e Kosovës për grumposhat e reja por edhe për femrat, fillimisht ta kontaktojë Beogradin.

Të rikujtojmë se Komiteti Ekzekutiv i FIFA-s më 14 dhjetor në Tokio të Japonisë, në mbledhjen e saj kishte marrë vendim që Kosovës për grupmosha të reja t’iu lejohet të luajnë ndeshje miqësore. Menjëherë pas kësaj te ne nisi të flitet me të madhe, se tashmë gjithçka u sqarua dhe se Kosova, tashmë i ka hapur dyert e ndërkombëtarizimin, por ja që lajmi që erdhi nga FIFA është zhgënjyes dhe tepër i rrezikshëm për të ardhmen e futbollit kosovar.

Për FFK-në, kjo gjë i ka befasuar pasi që, sipas tyre, vendimet kanë ndryshuar, nga ato që kanë dalë menjëherë pas mbledhjes në Tokio, të cilat ishin postuar në sajtin zyrtar të FIFA-s. “Në shkresën që ka dërguar FIFA, thuhet se Kosovës i lejohet zhvillimi i ndeshjeve me grupmoshat e reja (që nënkupton prej U-15 deri në U-23), përfaqësuesen e femrave dhe klubet e futbollit, por vetëm jashtë Kosovës dhe pa simbole shtetërore (Himn e Flamur), e kjo për FFK-në është plotësisht e papranueshme.

Heqja e atributeve shtetërore të Kosovës, në asnjë mënyrë dhe rrethanë nuk janë të pranueshme për KE të FFK-së. Aq më tepër është i papranueshëm edhe vendimi i FIFA-s për moslejimin e zhvillimit të ndeshjeve brenda Kosovës pa konsultim paraprak me Federatën e Futbollit të Serbisë”, njofton zëdhënësi i FFK-së, Fazli Berisha, duke shtuar se menjëherë pas kësaj letre, kryetari i FFK-së, Fadil Vokrri ka kontaktuar me presidentin e FIFA-s Stepp Blatter, nga i cili ka kërkuar sqarime për këtë gjë. “Vokrri ka kontaktuar me presidentin e FIFA-s Blatter dhe i ka shfaqur atij protestën dhe pakënaqësitë për këto modalitete.

Blatter ka premtuar atë, se këto vendime nuk janë fiktive dhe ato do të pësojnë ndryshime në një të kohë sa më të shkurtër. KE i FFK-së ngutshëm do të këshillohet me instancat më të larta relevante të shtetit të Kosovës dhe miqtë e këshilltarët e jashtëm të FFK-së, në mënyrë që të ndërmarrë hapat e mëtutjeshëm e të nevojshëm si dhe për t’i dhënë një përgjigje adekuate FIFA-s, në lidhje me këto vendime”, thuhet në njoftimin e FFK-së.


Cfare blofi, FIFA ben hap pas: Ekipet kosovare duhet te luajne pa simbole


Ndryshon qendrimin, duke sfumuar vendimin e pare

FIFA ndryshon qendrim per Kosoven. Institucioni me i larte i futbollit boteror nuk mjaftohet me vendimin e pak diteve me pare ku nuk i lejoi vendit te perfaqesohej me Kombetaren A ne nivel nderkombetar, duke i dhene nje tjeter goditje te rende. Sipas Federates se Futbollit ne Kosove, ne shkresen zyrtare FIFA kerkon qe ekipet kosovare t’i luajne ndeshjet jashte vendit dhe per me teper nuk ka te drejte te perdore simbolet kombetare. I menjehershem eshte reagimi i FFK-se qe nepermjet nje komunikate sulmon ashper kete vendim. “Me 20 dhjetor 2012, ne sekretariatin e FFK-se ka arritur shkresa zyrtare nga FIFA ne lidhje me vendimin e fundit te KE te FIFA-s per modalitetet e zhvillimit te ndeshjeve miqesore nderkombetare per Kosoven.

Informata ne kete shkrese eshte krejtesisht e ndryshme ne permbajtje, nga njoftimi i pare qe eshte publikuar ne faqen zyrtare te FIFA-s, te cilin keni pasur rast ta shihni edhe ju dhe i gjithe opinioni, si edhe ne konferencen per media nga z. Blatter dhe qe vleresimet tona te para jane bere duke u bazuar ne keto njoftime. Mirepo, ne shkresen qe ka derguar FIFA, thuhet se Kosoves i lejohet zhvillimi i ndeshjeve me grup-moshat e reja (qe nenkupton U-15- U-21-23), perfaqesuesen e femrave dhe klubet e futbollit, por vetem jashte Kosoves dhe pa simbole shteterore (himn e flamur), por me himn e flamur te FIFA-s, e kjo per KE te FFK-se eshte plotesisht i papranueshem.

Heqja e atributeve shteterore te Kosoves ne asnje menyre dhe rrethane nuk jane te pranueshme per KE te FFK-se. Ndonese nuk eshte e saktesuar paraqitja e me atributet e Kosoves vlen vetem per ekipet perfaqesuese. Per aq me teper per KE te FFK-se, eshte i papranueshem edhe vendimi i KE te FIFA-s per moslejimin e zhvillimit te ndeshjeve brenda Kosoves pa konsultim paraprak me Federaten e Futbollit te Serbise. Futbolli i Kosoves ka mbi 20 vjet qe vepron i pavarur dhe Kosova eshte shtet i pavarur e sovran qe 5 vjet i njohur nga me shume se 97 shtete e nder to shtete shume te fuqishme, ndaj Serbia per asgje nuk mund te pyetet sa i perket ceshtjeve te brendshme te Kosoves, e me kete rast as per futbollin e Kosoves. Vec kesaj kryetari Fadil Vokrri, ka kontaktuar me presidentin e FIFA-s z. Blatter duke i shfaqur atij protesten dhe pakenaqesite per keto modalitete. Nderkaq z. Blatter i ka premtuar se keto nuk jane fiktive dhe ato do te pesojne ndryshime ne nje te kohe sa me te shkurter. dhe Prandaj, KE i FFK-se ngutshem do te keshillohet me instancat me te larta relevante te shtetit te Kosoves dhe miqte e keshilltaret e jashtem te FFK-se, ne menyre qe te ndermarre hapat e metutjeshem e te nevojshem si dhe per t’i dhene nje pergjigje adekuate FIFA-s, ne lidhje me keto vendime”, perfundon reagimi i FFK-se.


FIFA: Kosova nuk luan pa miratimin e Serbisë


Kombëtarja e Kosovës mbahet peng nga Serbia dhe për më tepër, FIFA është dakord me një gjë të tillë! Ky është lajmi i bujshëm që është përhapur sot me shpejtësi kur në zyrat e Federatës së Futbollit të Kosovës ka mbërritur edhe vendimi zyrtar mbi çështjen e diskutuar në Komitetin Ekzekutiv të FIFA-s pak ditë më parë.

Këtë vendim e ka bërë publik nëpërmjet një deklarate për shtyp Ministri përgjegjës për sportin në Kosovë, Memli Krasniqi, i cili e ka kundërshtuar ashpër atë.

“Federata Ndërkombëtare e Futbollit, në vendimin që i ka dërguar Federatës së Futbollit të Kosovës, thekson se Republika e Kosovës nuk mund të luajë ndeshje ndërkombëtare miqësore në territorin e Kosovës, pa lejen paraprake të Serbisë, si dhe nuk lejon flamurin dhe himnin shtetëror në ndeshjet miqësore ndërkombëtare jashtë territorit të Republikës së Kosovës”, shkruhet në deklaratën e Krasniqit që tregon këto detaje të cilat nuk ishin bërë të ditura më parë.

“Ky është një vendim i pa drejtë dhe i papranueshëm më të cilin FIFA rrezikon të shkelë mbi parimet themelore sportive, e mbi të gjitha të drejtat elementare njerëzore. Me këtë vendim, FIFA konteston edhe shtetësinë e Kosovës të njohur nga 98 vende, që përbejnë shumicën e shteteve anëtare të OKB-së dhe nga disa organizata të rëndësishme ndërkombëtare siç janë FMN, Banka Botërore, BERZH, etj. Ne këtë vendim e konsiderojmë si puro politik, në kundërshtim me të drejtën e të rinjve tanë, te shtetit tonë për të qenë të barabartë në garat ndërkombëtare futbollistike”.

“Ndonëse lajmi i parë nga Komiteti Ekzekutiv i FIFA-s, edhe pse gjysmak, ishte mirëpritur nga të gjithë ne në Kosovë, tash del se FIFA në fakt po na i mbyll edhe më shumë dyert dhe po refuzon kërkesën tonë të drejtë, njerëzore që të luajmë futboll.

Ky padyshim se është një nga lajmet më të papritura dhe të çuditshme, duke ditur misionin që ka sporti për të bashkuar dhe miqësuar njerëzit anekënd botës, pa marrë parasysh përkatësitë etnike, shtetërore, fetare, racore etj”, thuhet në deklaratën e Ministrit Krasniqi ku janë zbuluar detaje tronditëse mbi vendimin e shumëpritur të FIFA-s, por që në fakt ka rezultuar diskriminues për Kosovën dhe futbollistët kosovarë.

[Zero Cool]

Më 10 janar, FIFA i thotë “PO” kombëtares A të Kosovës







Beograd, 29.12.2013

Federata botërore e futbollit më 10 janar do t’i japë leje kombëtares së Kosovës në futboll për të luajtur ndeshje miqësore me simbole të FIFA-s. Mysafir i parë në Prishtinë, siç është paralajmëruar, do të jetë kombëtarja e Kroacisë.

Të gjitha vendimet për këtë çështje do t’i prezantohen publikut pas mbledhjes së 10 janarit në Zürich, në të cilën do të marrin pjesë edhe përfaqësuesit e dy federatave (asaj të Kosovës dhe të Serbisë dhe ku do të shqyrtohet edhe kërkesa për dhënien e dritës jeshile për pjesën veriore të Qipros (turke).

“Deshëm apo s’deshëm ne të pranojmë, gjërat po shkojnë në atë drejtim”, tha për gazetën Blic të Beogradit Dushan Maraviq, anëtar shumëvjeçar i komisionit të FIFA-s dhe UEFA-s.

Sipas kësaj gazete, shqiptarët po bëjnë presion gjithnjë e më të madh mbi FIFA-n dhe UEFA-n, kështu që të hënën, në ndeshjen ndërmjet Chelseat dhe Arsenalit u shpalos transparenti me kërkesën: “Pranoni Kosovën në FIFA dhe UEFA”.

“Pasi ta marrin lejen, kosovarët do të luajnë me flamurin e FIFA-s, pa simbole të veta. Por, kështu shkon kjo gjë, me rrugë politike. Do të vijë koha kur Kosova do të pranohet në Kombet e Bashkuara dhe atëherë do të mund të luajë pa kurrfarë kushtëzimesh.

Sipas Maraviqit, në UEFA nuk mund të pranohet si anëtar i barabartë nëse ai shtet nuk është anëtar i OKB-së. Por, si duket tashti pashmangshëm është duke u shkuar në atë drejtim. Pavarësisht se çka thonë politikanët serb, ata (kosovarët) do të luajnë futboll”, përfundoi Maraviq.

[Zero Cool]

Kosovës i lejohen miqësoret, por ende asgjë zyrtare



FIFA ka marrë vendimin për të lejuar përfaqësuesen e Kosovës për të zhvilluar miqësore ndërkombëtare, transmeton sportivja franceze L’Equipe, teksa mungon konfirmimi zyrtar nga FIFA.


Është L’Equipe që raporton se FIFA ka marrë vendimin për të thyer izolimin e Kosovës në futbollin ndërkombëtar.

Komisioni i FIFA-s, gjithnjë sipas sportives franeze, ka aprovuar kërkesën e FFK-së, pas dy takimeve të krerëve të futbollit kosovar dhe të Federatës Serbe me presidentin e FIFA-s, Sepp Blatter.

Si do që të jetë, Kosova nuk do të ketë të drejtën për të përdorur simbolet shtetërore e as të këndojë himnin shtetëror para ndeshjeve, teksa e ka të ndaluar po ashtu për një afat të pacaktuar zhvillimin e ndeshjeve me kombëtaret e ish-Jugosllavisë, transmeton Telegrafi.

Nga ana tjetër, presidenti i FFK-së, Fadil Vokrri, thotë se nuk është në dijeni për një vendim të tillë. Ai ka thënë për Klan Kosova se pritet që FIFA me një komunikatë zyrtare gjatë ditës të sqarojë vendimin e marrë.

Një gjë është e sigurtë – për futbollin e Kosovës ka filluar të dalë drita, në fund të tunelit.

[Zero Cool]

Ejupi: Kosova nuk përfiton nga ndeshjet miqësore



Presidenti i klubit të më të trofeshëm në futbollin kosovar, FC Prishtina, Remzi Ejupi, është i bindur se leja për zhvillimin e ndeshjeve miqësore nuk do t’i sjellë asnjë të mirë Kosovës. Ejupi mbetet i vendosur se zgjidhje e vetme për futbollin e Kosovës është njohja e plotë nga UEFA dhe FIFA, që do të hapte rrugën e zhvillimit të tij.


“Ky vendim nuk është asgjë tjetër përveç humbje kohe dhe do të na kushtojë shumë, pasi që duhet të presim edhe disa vite në kërkim të njohjes së plotë”, tha Ejupi, duke komentuar vendimin që pritet të marrë FIFA për t’i lejuar ekipit përfaqësues të Kosovës zhvillimin e ndeshjeve miqësore. “Puna e këtyre ndeshje është një hap para tri prapa, siç ishte që nga koha e pavarësimit e futbollit që nga viti 1991 e deri më sot.

Kjo nuk do të ndryshoj asgjë në futbollin tonë, i cili ka shumë probleme që duan zgjidhje. Qe 23 vite nuk ka pasur ndonjë progres të theksuar dhe do të vazhdojë njësoj, pasi që mungon strategjia e veprimit”, shtoi presidenti Ejupi. Sipas numrit një të ekipit bardhekaltër leja nuk do të sjellë asnjë të mirë që është pritur, transmeton Telegrafi.

“E zhvillojmë një ndeshje miqësore, por çfarë pastaj. Si do t’i zhvillojmë ndeshjet e tjera, kur dihet se për organizimin e tyre duhet të kemi infrastrukturën e duhur, e që nuk e kemi, por edhe shumë para, pasi që siç dihet se nëse do të sjellësh ndonjë kombëtare të fortë, siç po pretendohet, kushton shumë”. Një çështje tjetër është edhe ajo se me çfarë lojtarë do të luajë ekipi përfaqësues.

“Vazhdimisht po flitet se do të vijnë të luajnë këta e ata lojtarë për Kosovën. Unë nuk e di se sa ia vlen që lojtarët e kalibrit të lartë që kemi do të vijnë për të luajtur në ndeshje të tilla miqësore, të cilat do të luhen me fusnota apo edhe me simbole e pa simbole. Unë dyshoj se lojtarët si Xhaka, Behrami e të tjerët do të vijnë dhe të luajnë për Kosovën në ndeshje miqësore, pasi do të rrezikonin shumë karrierën e tyre. Për këtë arsye po them se zgjedhja e vetme dhe e duhur është pranimi i plotë”, tha në vazhdim Ejupi.

Presidenti i Prishtinës edhe një herë ka përsëritur se e gjithë kjo po bëhet për qëllime personale të dikujt. “Kjo mund t’i konvenojë vetëm disa personave të caktuar, që Kosova të luajë ndeshje miqësore dhe ata që të përfitojnë nga kjo duke i kurdisur ato dhe jo për të mirën e futbollit kosovar”, tha Ejupi duke shtuar:“në këtë proces ka munguar politika, ka munguar angazhimi i institucioneve politike, duke e ditur se çështja e futbollit kosovar është politike”.

[Zero Cool]

Fillimisht me fusnotë, pas marsit me flamur



Dita e sotme mbase për shumëkënd duket e rëndomtë, por për drejtuesit e futbollit dhe në përgjithësi për futbollin kosovar mund të jetë ditë që do të mbahet gjatë në mend. Sot gjërat mund të lëvizin në të mirë të futbollit kosovar dhe mund të shihet drita në fund të tunelit për faktin se në selinë e FIFA-s në Cyrih do të merret vendim me të cilin përfaqësuesja e Kosovës do të mundë të zhvillojë ndeshje miqësore me përfaqësuese të ndryshme të Evropës dhe më gjerë.

Delegacioni i Federatës së Futbollit të Kosovës me në krye Fadil Vokrrin, ka disa ditë që po qëndron në Zvicër dhe e pranon se ndihet mjaft komod. Optimizmi i madh ka kapluar kosovarët, të cilët janë të bindur se më në fund drejtësia do të dalë fituese dhe se nga sot futbolli kosovar përfundimisht do të jetë pjese e futbollit evropian e botëror. Për dallim nga delegacioni i Serbisë i cili ka presione të vazhdueshme nga qarqet politike të këtij shteti, delegacioni i FFK-së thotë se nuk ka fare presion dhe probleme të tilla.

Vërtet edhe kryeministri i Serbisë Ivic Daçiq ka thënë se “edhe më parë kemi pasur presion të madh, por këto ditë presioni është shumëfishuar”. Delegacionet e të dy federatave përveç takimit të përbashkët me presidentin e FIFA-s Blatter, nuk kanë pasur ndonjë takim tjetër mes vete, madje nuk janë parë fare.

“Ne nuk kemi presion nga askush, kemi kërkesat tona dhe presim përgjigje pozitive. Po i përcjellim me vëmendje deklaratat e delegacionit të Serbisë, të cilat janë kryekëput politike, ata po e thonë atë çka po u thotë politika e Serbisë. Ne e kemi të qartë se çka mund të kërkojmë, se çka na takon, e çka jo. Jemi të ndërgjegjshëm se mund të luajmë ndeshje miqësore, por për momentin nuk mund të futemi në FIFA pasi këtë duhet bërë më parë me UEFA dhe se kjo lidhet me pranimin tonë në Kombet e Bashkuara.

Ajo çka është me rëndësi është se për të gjitha këto Serbia nuk do të pyetet fare”, thotë njëri nga anëtarët e delegacionit tonë, i cili deshi të mbetej anonim. Burimet e “Zërit” nga Cyrihu bëjnë me dije se kërkesa e palës kosovare për zhvillimin e ndeshjeve miqësore do të miratohet sot, se do të futet fusnota, e cila brenda një kohe shumë të shkurtër do të shlyhet dhe futbolli kosovar që në mars do të paraqitet në ndeshje me flamurin e Kosovës. Këtë ua ka premtuar presidenti i FIFA-s, Sepp Blatter, për të cilin thuhet se “është duke e ndihmuar mjaft delegacionin e FFK-së, ndryshe do të kishim shumë telashe”. Në të vërtetë delegacioni kosovar te presidenti i FIFA-s e sheh rastin e volitshëm për arritjen e qëllimit, pasi edhe më parë Blatter përkundër pengesa të shumta veçmas nga UEFA, të paktën në deklaratat e tij e ka përkrahur futbollin tonë.

Njëra nga kërkesat e shumta të delegacionit të Serbisë ishte që skuadrat nga pjesa veriore e Mitrovicës të mos jenë pjesë e futbollit të Kosovës, por të kenë të drejtë të luajnë në kampionatin e Serbisë. Mirëpo, kjo nuk do të ndodhë pasi siç merret vesh kjo është refuzuar, kështu që serbët e veriut nëse duan të luajnë futboll duhet ta bëjnë këtë me skuadrat e Kosovës, aty ku janë me territor. Mbetet që sot edhe zyrtarisht të dihet se sa janë përmbushur kërkesat e FFK-së dhe cili do të jetë hapi i parë i tyre pas lajmeve nga Cyrihu.