Futboll: Ndeshja e parë ndërkombëtare e Kosovës

[Zero Cool]

Kosova - Haiti

Ndeshja e parë ndërkombëtare e Kosovës kryelajm në CNN






Nju Jork, 04.03.2014

Ndeshja e parë ndërkombëtare e Kosovës që do të zhvillohet nesër në Mitrovicë ka zënë vend në të gjitha mediat e fuqishme ndërkombëtare.

CNN, televizioni më i fuqishëm botëror i ka kushtuar një kronikë ndeshjes së nesërme kundër Haitit. Ky televizion këtë ndeshje e dha si kryelajm (headlines) në lajmet për sportin.

CNN ka publikuar edhe pamjet nga stërvitja e Kombëtares së Kosovës në Obiliq.

Po ashtu edhe media tjera të fuqishme kryelajm e kanë ndeshjen e nesërme. “Debuton Diego Costa, ditë historike për Kosovën”, ka qenë titulli i Reuters e që më pas është bërë lajm edhe nga Eurosport dhe media tjera.

[Zero Cool]

Kosova habitë Haitin







Mitrovicë, 05.03.2014

Marc Collat, selektori i Haitit, ka mbetur i habitur nga entuziazmi i kosovarëve për ndeshjen miqësore të 5 marsit. Ai thotë se nuk e ka ditur se çfarë rëndësisë ka kjo ndeshje për Kosovën.

Selektori i Haitit, Marc Collat nuk e kishte idenë se çka po e priste në Kosovës. Ai, gjatë konferencës me media e ka pranuar se nuk e ka ditur se çfarë rëndësisë ka ndeshje miqësore e 5 marsit për Kosovën.

Collat ka thënë se ka mbetur i befasuar nga entuziazmi i kosovarëve për ndeshjen e së mërkurës, që do të zhvillohet të mërkurën në Stadiumin ‘Adem Jashari’ në Mitrovicës nga ora 15:00.

“Nuk e kam ditur rendësin e kësaj ndeshje derisa kam ardhur në Kosovës. Kam mbetur i habitur me entuziazmin që kam parë kam parë tek njerëzit për zhvillimin e kësaj ndeshje”, ka thënë Collat.

“Shpresoj ta kemi një paraqitje të mirë, pasi edhe për mua kjo është ndeshje e parë si trajneri i Haitit”, ka deklaruar trajneri me prejardhje franceze.

Ndërsa, përfaqësuesja e Haitit gjatë pasdites ka zhvilluar një seancë stërvitore në stadiumin ‘Agron Rama ‘ në Kastriot.

[Zero Cool]

Kosova, kryetitulli i shumë mediave botërore







06.03.2014


Ndeshja e parë ndërkombëtare e Kosovës e pranuar edhe nga FIFA, ishte miqësorja që u zhvilluar me 5 mars në stadiumin e qytetit të Mitrovicës, “Adem Jashari”, ndaj kombëtares së Haitit.

Kombëtarja mysafire, është e ranguar si e 79-ta më e mira e botës aktualisht, ndërsa Kosova barazoi me rezultat 0:0, edhe pse së paku kishte 5 raste ideale për shënim.

Kosovarët e kishin të drejtën që këtë ndeshje ta luanin pa simbole shtetërore, por kjo nuk i pengoi publikun të valëvisin flamurin shtetëror dhe atë kombëtar, si dhe ekstra kësaj u këndua hymni, i cili supozohet se mund të zyrtarizohet si hymni i Kosovës, raporton KTV.

Fillimisht u përfolën shumë emra për të cilët mendohej se do të ishin kundërshtarë të Kosovës në këtë datë, deri sa u vendos, dhe gjithçka rrodhi sikurse në shpejtësinë e dritës.

Haiti, për futbollistët kosovarë, ishte kundërshtarë i panjohur, por kjo nuk e zbehte dëshirën për ta fituar këtë takim, ndaj një përfaqësuese që kishte barazuar në duel miqësor me Italinë dhe ishte mposhtur vetëm 2:1 nga Spanja.

Për këtë ndeshje, mbi 17 mijë tifozë nga Kosova e trojet shqiptare por edhe nga diaspora, ishin prezent në stadiumin e renovuar.

Ashtu siç edhe ishte paraparë, Adem Jashari ishte i stërmbushur, përkundër kohës së ftohtë dhe reshjeve të vazhdueshme të shiut.

Fillimisht, futbollistët vendas u duartrokitën shumë nga publiku vendas, që kishin marrë emrin “Dardanët” por nuk mungoi aspak respekti për futbollistët mysafir nga Haiti, të cilët u impresionuan me pritjen e tifozëve, që nga ardhja, akomodimi dhe gjithçka tjetër, raporton KTV.

Presidentja e vendit, Atifete Jahjaga, Kryeministri, Hashim Thaçi, Ministri i Sportit, Memli Krasniqi të prirë nga Kryetari i FFK-së, Fadil Vokrri i përshëndetën futbollistët e të dyja palëve para takimit, për t’iu shprehë mirëseardhje të ngrohtë, në këtë ndeshje historike.

Loja fer, dhe shumë shpresëdhënëse për kombëtaren e selektorit Albert Bunjaki ishte mesazhi më i mirë që u dha në këtë takim, për të gjithë të pranishmit, ku nuk munguan mysafir të shumtë, por edhe menaxher dhe media të shumta.

Edhe pse e merituan fitoren, në bazë të lojës dhe rasteve të shumta, në fund u ndamë miqësisht me Haitin, ashtu sikurse që ishte edhe moto e këtij takimi.

Në këtë duel nuk mund të kishte munguar ftesa e tifozëve kosovarë për futbollistët që edhe më tutje për shkaqe të njohura nuk kanë vendosur ende të luajnë për Kosovën si Adnan Januzaj, Xherdan Shaqiri, Granit Xhaka, Valon Behrami e Besart Berisha, ku përmes një baneri të vendosur në tribuna, shkruhej Kemi nevojë për ju (we need you), raporton KTV.

Pas ndeshjes, të kënaqur u ndanë gjithë liderët e institucioneve dhe stafi i kombëtares, por edhe mediet të huaja që ishin prezentë në këtë ngjarje të madhe e parasëgjithash të kënaqur u ndanë edhe mysafirët nga FIFA, të cilët në rrolin e monitoruesve dhanë nota pozitive për gjithçka që ndodhi, para, gjatë dhe pas këtij dueli.
Për legjendën e futbollit tonë Fadil Vokrri, ndeshja e parë miqësore ndërkombëtare e përfaqësueses së Kosovës, ishte një mesazh i qartë për

FIFA-n dhe UEFA-n, se kosovarët dinë të organizojnë ndeshje dhe meritojnë të dalin nga izolimi më shumë se dy dekadash, raporton KTV.

Nga ana tjetër, krahas mediave të vendit dhe atyre të rajonit edhe mediat prestigjioze botërore kanë raportuar nga ndeshja e parë miqësore e Kosovës në futboll kundër Haitit, madje një raport i tillë u shkru edhe në web-faqen zyrtare të FIFA-s.

Sipas organizatorëve të ndeshjes, të akredituar ishin 193 gazetarë nga 93 mediume të vendit dhe botës, të cilat në përgjithësi me tone pozitive e kanë përshkruar thyerjen e izolimit të futbollit kosovar.
Ju kujtojmë se kjo ishte ndeshja e parë e Kosovës, gjashtë vjet pas shpalljes së pavarësisë së vendit, e cila aktualisht njihet nga 106 shtete dhe është në kërkim të siguroj sa më shumë njohje për të siguruar ulëse në Kombet e Bashkuara, me çka më pas automatikisht do ti hapte portat për të gjitha sportet.
Si përfundim, rezultati i takimit mbeti në plan të dytë, përkrah asaj që prezantoi Kosova para botës, në ndeshjen e saj debutuese.

Që tani, kanë filluar të përfliten emrat e kombëtarëve të mundshme, për ndeshjen e dytë miqësore të reprezentacionit të Kosovës.

Gjithçka mund të qartësohet shumë shpejt, pasi në muajin maj dhe qershor shteti më i ri në Evropë mund të zhvilloj edhe dy ndeshje miqësore, por më e rëndësishme se kjo mbetët fakti se nuk duhet të vetë-kënaqemi me gjithçka që ishte bërë me Haitin por të mendojmë shumë më seriozisht për sfida të tjera të cilat mund të jenë edhe më të vështira.

Përpara Kosova, ëndrra vazhdon... dhe duhet të vazhdoj!