Forcat e Armatosura të Kosovës

[Zero Cool]

Forcat e Armatosura të Kosovësrrumbullakojnë shtetësinë e Kosovës.

Forcat e Armatosura të Kosovës, 5 mijë ushtarë aktivë dhe 3 mijë rezervë.

PRISHTINË, 4 Mars 2014

Ministri i ministrisë për Forcën e Sigurisë së Kosovës, Agim Çeku dhe komandanti i FSK-së gjenerallejtënant Kadri Kastrati, mbajtën sot, një takim të përbashkët me stafin e lartë të Ministrisë dhe të FSK-së, në ambientet e Kazermës “Adem Jashari” të Komandës së Forcave Tokësore.

Në këtë takim Ministri Çeku i njoftoi të pranishmit për formimin e Forcave të Armatosura të Kosovës dhe të Ministrisë së Mbrojtjes.Ministri Çeku, i cili me këtë rast njoftoi oficerët e FSK-së si edhe stafin civil të Ministrisë mbi procesin nëpër të cilin ndodhet aktualisht FSK-ja si edhe mbi vendimin e Qeverisë së Republikës së Kosovës për krijimin e Forcave të Armatosura të Kosovës.

Gjithashtu i informoi edhe për procesin e Rishikimit Strategjik të Sektorit të Sigurisë prej së cilit kanë dalë edhe rekomandimet e aprovura në Këshillin e Sigurisë.

Ministri Çeku tha se Forcat e Armatosura të Kosovës do të kenë pesë mijë ushtarë aktivë dhe tre mijë rezervë. “Si pjesë e Ministrisë së Mbrojtjes do të jetë shefi i Mbrojtjes, i cili njëkohësisht do të jetë komandat i Forcave të Armatosura të Kosovës, kurse komandant suprem do të jetë Presidentja e Kosovës”, ka thënë Çeku.

Ministri Çeku, njoftoi të pranishmit për detyrat e FAK. “Detyrat e kësaj force do të jenë: mbrojtja e sovranitetit dhe integritetit territorial të Republikës së Kosovës, mbështetja e autoriteteve civile, mbështetja komuniteteve, si dhe pjesëmarrja në operacione ndërkombëtare në mbështetje dhe ruajtje të paqes”, tha ai.

Gjithashtu pjesë e fjalës së ministrit Çeku ishte edhe paraqitja e organikës, strukturës dhe misionit të Forcave të Armatosura të Kosovës.

[Zero Cool]

Forcat e Armatosura të Kosovës, për 10 vjet






Do të nevojiten rreth 10 vjet që Forcat e Armatosura e Kosovës të arrijnë kapacitetet e nevojshme për të funksionuar si një forcë e tillë, vlerësojnë ekspertët e çështjeve të sigurisë në Kosovë.

Sipas tyre, rekomandimi i kryeministrit të Kosovës, Hashim Thaçi, që u miratua nga Qeveria e Kosovës, vlerësohet si rekomandim profesional i dalë nga rishikimi strategjik i sektorit të sigurisë, në përputhje me rrethanat dhe kërkesat e qytetarëve të Kosovës.

Florian Qehaja, drejtor ekzekutiv i Qendrës Kosovare për Studime të Sigurisë, vlerëson se në gjithë këtë situatë, megjithatë po tregohet një lloj sensi i populizmit, duke e nxjerrë si fakt të gatshëm çështjen se Kosova do të bëhet me ushtri.

Por, siç thotë ai, vetë propozimi për bërjen e Forcave të Armatosura të Kosovës, tregon qartë se nevojiten 3 faza që të realizohet ky synim.

“Faza e parë është ndryshimi i doktrinës dhe trajnimeve, sepse doktrina dhe trajnimet e tashme kanë qenë vetëm në nivelin e mbrojtjes civile. Kjo do të zgjasë deri në vitin 2016, më së paku. Pastaj, faza e dytë është deri në vitin 2019, ku do të ngrihen kapacitetet e pjesshme ushtarake, sepse ky është një proces”.

“Kurse, faza e fundit, ku ne mund t’i themi Forcë e Armatosur e Kosovës, me 5 mijë ushtarë aktivë dhe 3 mijë rezervë, do të jetë me të gjitha kapacitetet kadrovike, teknike dhe operacionale, do të jetë në vitin 2024. Do të thotë, 10 vjet nga ky moment dhe ky është një proces normal”, ka theksuar Qehaja.

Edhe Naim Maloku, njohës i çështjeve të sigurisë, vlerëson se procesi i ngritjes së një force të armatosur, kërkon rreth 10 vjet.

Sipas tij, procesi do të ballafaqohet me një varg barrierash, të cilat kërkohet të tejkalohen. Barriera e parë, sipas tij, është pamundësia buxhetore që ky proces të zhvillohet shpejtë.

“Nuk ka kapacitete financiare për ta përcjellë një proces të ngritjes më të shpejtë të Forcës së Armatosur të Kosovës. Barriera e dytë është se ende është i pazgjidhur problemi me veriun e Kosovës”.

“Në qoftë se ajo forcë nuk dislokohet në një pjesë të Kosovës, atëherë praktikisht forca e armatosur nuk i ka kryer obligimet kushtetuese. Barriera e tretë- për tu ngritur një forcë e armatosur, duhet, përveç mjeteve materiale dhe teknike, që duhet siguruar dhe blerë – duhet të aftësohet edhe kuadri për manipulime me ato mjete teknike”, thekson Maloku.

Ai shton se aftësimi i specialistëve dhe komandantëve kërkon kohë, sidomos nëse kihet parasysh që akademitë ushtarake zgjasin 3 deri në 5 vjet.

Barrierë tjetër, sipas tij, do të jetë edhe vlerësimi i rrezikshmërisë ndaj integritetit territorial të Kosovës dhe vlerësimi se nga cila forcë në rajon mund të vijë ky rrezik.

Sipas tij, tash për tash, ky rrezik është potencial vetëm nga Serbia dhe në përputhje me forcat e saj, duhet të ngriten kapacitetet e Forcës së Armatosur të Kosovës.

Ai, po ashtu si barrierë në këtë proces e sheh edhe çështjen e marrëveshjes së Kosovës me NATO-n.

“Nuk mundet Kosova që të ngritë forcë të armatosur të veten pa u koordinuar me NATO-n. Për momentin, përgjegjësia për sigurinë territoriale të Kosovës është e NATO-s. Pra, KFOR-i e ka këtë përgjegjësi".

"Kosova, pastaj, duhet të hyj në marrëveshje me NATO-n dhe KFOR-in, që gradualisht, duke e ngritur forcën e vet të armatosur, të bëhet edhe zvogëlimi i numrit të pjesëtarëve të KFOR-it, si dhe kalimi i përgjegjësive nga KFOR-i në Forcën e Armatosur të Kosovës”, shton Maloku.

Por, Qehaja nuk e sheh si problem të madh çështjen e një marrëveshje me NATO-n për ngritjen e Forcës së Armatosur të Kosovës.

Sipas tij, modelet për një gjë të tillë ekzistojnë, siç është Bosnjë e Hercegovina, e cila ka Forcën e armatosur dhe njëkohësisht, deri vonë , ka pasur prezencën e NATO-s, e tash një prezencë ushtarake të Bashkimit Evropian.

“Në parim, nuk do të duhej të kishte një fërkim, për arsye se unë KFOR-in do ta shihja më shumë në sigurimin e integritetit dhe sovranitetit në veri të vendit dhe për arsye se nuk mundet që Forca e armatosur të gravitoj, së paku në 5 vjetet e ardhëm, në pjesën veriore të vendit, për shkak të kompleksitetit politik”.

“Unë mendoj që çështja e marrjes graduale të kompetencave nga KFOR-i, duhet të bëhet në bazë të modelit që e ka bërë KFOR-i me policinë kufitare, ku gradualisht i ka ndarë kompetencat në bazë të sektorëve”, thotë Qehaja.

Ndryshe, Maloku ka theksuar se Kosova është e orientuar drejt integrimit në NATO dhe strukturat euro-atlantike dhe çështja e ngritjes së Forcës së Armatosur të Kosovës do të varet edhe nga planet që ka NATO për rajonin.

Sipas tij, në qoftë se Kosova dhe rajoni integrohen në NATO, atëherë kjo e fundit do të përcaktojë edhe numrin e pjesëtarëve të Forcës së Armatosur të Kosovës, cilësinë e pajisjeve për të dhe llojin e armatimeve.

[Zero Cool]

Ukshin Hoti në vitin 1991 kërkoi themelimin e Forcave të Armatosura të Kosovës







Ideologu i çështjes shqiptare Ukshin Hoti, në një dokumentar të transmetuar në Radio Televizionin Shqiptar, në vitin 1991, kishte bërë thirrje për krijimin e një Forcë të Armatosur të Republikës së Kosovës.

Thirrja e Hotit e bërë 23 vite më parë, sot është bërë realitet, pasi Qeveria e Kosovës, mori vendim për themelimin e kësaj force, e cila do të quhet Forca e Armatosur e Kosovës (FAK).

Ky fjalim i ideologut Hoti, kishte ndodhur më 7 korrik 1991, në varrimin e ish ushtarit të vrarë në Armatën Jugosllave, Ilmi Sejdi Popaj nga Fortesa e Rahovecit.

“Populli shqiptar po e paguan tagrin e gjakut, duke qenë i vetdijëshëm plotësisht. Në rrethanat politike në të cilën ndodhemi, ftojmë që të formojmë politikë të qartë mbi atë se duhet dhe duhet të mendojmë në mënyrë urgjente të formojmë Forcat e Armatosura të Republikës së Kosovës dhe në gjirin e saj të veprojnë të rinjtë shqiptar”, ka thënë Hoti transmeton rahovecpress.

[Zero Cool]

Gega ia dhuron FAK-ut 10 mijë euro të viteve të burgut







Prishtinë, 06.03.2014


Pas vendimit të Qeverisë së Kosovës për shndërrimin e FSK-së në Forca të Armatosura të Kosovës (FAK), ish i burgosuri politik, Hysen Gega, ka vendosur që një pjesë të parave që i takojnë atij për vitet e dënimit të kryera në burgjet e ish-Jugosllavisë, t’ia dhurojë Forcave të Armatosura të Kosovës (FAK).

Në një bisedë për “Epokën e re”, ai ka bërë me dije se me një shumë prej 10 mijë eurosh dëshiron ta ndihmojë ndërtimin e Forcës së Armatosur të Kosovës.

Gega, i cili ka mbajtur rreth 12 vjet burgim, i ka thënë “Tribunës” se “Me dëshirën më të madhe kam vendosur që 10 mijë euro prej atyre mjeteve që më takojnë t’i jap për ushtrinë tonë, për Forcat e Armatosura të Kosovës”.

Gega ka treguar se gjatë vuajtjes së dënimit kurrë nuk ka besuar se do t’i kompensoheshin ditët e kaluar në burgje.

[Guri i madh]

esht fushat para zgjedhore e Hashim thaqit edhe asgje ma shum ndrrimi i emrit nuk ka pesh te madhe po qellimi esht qe me na gzue me ket lajm qe ne mos te kundershtojna vendet e rezervura e te garantura per shkije edhe pse kan perfundue dy mandatet e parapara me pakon e Ahtisarit ,ska asge perparom rreth ushtris deri ne vitin 2019 -------------2024 po Hashimi po kokorizet si pula kur e ben ven se asgje nuk ka

[Zero Cool]

Serbia kundër Forcave të Armatosura të Kosovës, thirret në rezolutën 1244







Beograd, 08.03.2014

Qeveria e Serbisë ka kumtuar sot se qëllimi i formimit të Forcave të Armatosura të Kosovës është “shkelje e vrazhdë e rezolutës 1244”, transmeton GazetaExpress.

Në mbledhjen e mbajtur sonte, kjo qeveri, siç njofton B92 thekson se “formimi i Forcave të Armatosura të Kosovës destabilizon gjendjen në Kosovë dhe ka paralajmëruar se për këtë shkak do të iniciojë zgjedhjen e këtij problemi në Kombet e Bashkuara”.

“Ky veprim destabilizon situatën në Kosovë dhe është në kundërshtim me procesin e normalizimit të marrëdhënieve ndërmjet Beogradit dhe Prishtinës” ka vlerësuar Qeveria në mbledhjen e vet, raporton koha.

Kumtesa nga Kryeministria serbe vlerëson se situata e sigurisë në Kosovë është përkeqësuar me, siç thotë ajo, presionet dhe sulmet ndaj pjesëtarëve të nacionalitetit serb si dhe me ndalimin e hyrjes së qytetarëve të Serbisë në Kosovë.





OKB nuk përzihet për punën e Forcave të Armatosura







Nju Jork, 07.03.2014

Organizata e Kombeve të Bashkuara është deklaruar se nuk përzihet në çështjen e krijimit të ushtrisë së Kosovës.

Zëdhënësi i OKB’së, Farhan Haq, ka thënë për agjencinë serbe të lajmeve Tanjug se nuk i përket OKB-së të përzihet në çështjet që kanë të bëjnë me sigurinë në Kosovë.

Deklarimet e zyrtarëve të OKB-së vijnë pas reagimit të Serbisë se do të kërkojë mbledhje urgjente të Këshillit të Sigurimit për shkakun e krijimit të ushtrisë së Kosovës.