Android

[Zero Cool]

Trojani i ri për Android pothuajse i pamundur për t’u hequr






Firma e sigurisë Kaspersky ka zbuluar atë që e ka konsideruar si trojanin “më të sofistikuar” deri më sot. Ai është identifikuar nga Kaspersky si "Backdoor.AndroidOS.Obad.a," dhe mund të dërgojë SMS në numra premium, mund të shkarkojë malware të tjera si dhe t’i instalojë ato në pajisjen e infektuar. Gjithashtu, ai mund t’u dërgojë malware edhe pajisjeve të tjera përmes Bluetooth-it apo të realizojë komanda nga distanca.

Obad ka shfrytëzuar disa dobësi mjaft të vjetra sigurie të Android-it, të cilat kanë qenë të pa dokumentuara, çka vështirëson tejmase procesin e analizimit të tij. Sapo ekzekutohet në pajisje, trojani përpiqet të marrë privilegjet e administratorit të pajisjes. Nga ky moment, shndërrohet në një makth të vërtetë.

“Një nga karakteristikat e këtij Trojani është veprimi dashakeqës që ekzekuton dhe nuk mund të ndalohet pas momentit që ka marrë të drejtat e administratorit. Ai përdor një dobësi të panjohur të Android-it dhe pavarësisht se ka të drejtat e administratorit të sistemit, nuk listohet si i tillë,” u shpreh eksperti i Kaspersky-t Roman Unuchek. Kaspersky u shpreh se e kanë njoftuar Google-in në lidhje me dobësinë në fjalë. Lajmi i mirë deri tani është se ai nuk është shumë i përhapur.

Sipas firmës ai nuk përbën më tepër se 0.15% të të gjitha sulmeve malware në pajisjet mobile.

[Zero Cool]

Google zbulon emrin e versionit të ri të Android 4.4 “Kit Kat”






Google ka zbuluar emrin e versionit të ri të sistemit Android 4.4 i cili tingëllon disi çuditshëm.

Sundar Pichai, drejtuesi kryesor i Chrome dhe Android, në një prej publikimeve më të fundit në Google + ka lënë të kuptohet se emri i versionit që pritet të dalë në treg do të jetë “Kit Kat”.

Të dhënat kanë treguar se Android është aktivizuar në më tepër se 1 miliard pajisje, vlerë që tregon një përhapje të konsiderueshme të sistemit pasi vetëm para pak muajsh janë numëruar rreth 900 milion aktivizime.

Momentalisht nuk janë zbuluar shumë detaje rreth versionit “Kit Kat” madje nuk dihet ende as se kur do të jetë i disponueshëm për përdoruesit, por këta të fundit kanë shprehur pakënaqësi në lidhje me lançimin e versioneve të reja.

Sipas tyre këto lançime duhet të jenë më të shpeshta. Përsa i përket përhapjes aktuale të versioneve të ndryshme të Android të dhënat kanë treguar se versionet më të përdorura janë Ice Cream Sandwich dhe Jelly Bean.

[Zero Cool]

Malwarebytes për Android largon rreziqet dhe mbron privatësinë tuaj








Malwarebytes Anti-Malware është një mjet i shkëlqyer për largim të trojanëve dhe sulmeve të tjera keqdashëse nga kompjuteri juaj me Windows, por tani ka bërë kalimin edhe në Android.

Ofron ende mbrojtje nga sulmet e fuqishme keqdashëse, por ai shkon më tej se kaq për të mbrojtur privatësinë tuaj nga aplikacionet të cilat arrijnë mjaft thellë tek lejimet në pajisjet tuaj, apo tek ndonjë dobësi.

Si gjithmonë, Malwarebytes është falas dhe derisa e skanon për ndonjë sulm të njohur në Android e largon atë (dhe madje mundëson që të bëni planifikimin e skanimeve proaktive dhe të rregullta), ai bën më tepër se kaq.

Aplikacioni do të skanojë edhe aplikacionet tuaja ekzistuese nga kodi keqdashës dhe paketon një menaxher të privatësisë që mbështetet në llojet e lejeve që një aplikacion për Android mund të kërkojë dhe më pas shfaq aplikacionet që kanë qasje tek ato të dhëna.

A dëshironi të dini se sa aplikacione kanë qasje tek kalendari juaj, ose sa mund të shkojnë tek porositë tuaja tekstuale? Menaxheri i privatësisë mund të ju tregojë.

Malwarebytes për Android paketon po ashtu një mjet për auditim të sigurisë që e bën një vëzhgim nga maja gjerë në pëllëmbë për të shikuar nëse jeni duke bërë çdo gjë të nevojshme për të qenë të sigurt.

Ai do të shikojë nëse keni të lëshuar veçorinë Find My Phone të Google, qoftë nëse keni ndonjë veçori të sigurisë të ndalur në pajisjen tuaj (si instalimi nga burime të panjohura ose është lëshuar mostra për zhvillim (development mode)), e kështu me radhë.

Natyrisht, shumë nga këto veçori të sigurisë ndalojnë ngarkimin anësor ose përdorimin e aplikacioneve të cilat mund t’i pëlqeni, por të paktën do të mund të keni një pamje të plotë të sigurisë në pajisjen tuaj. Klikoni lidhjen këtu për ta marrë MalwareBytes nga Google Play.

[Zero Cool]

Autochthonous