Youtube

[Zero Cool]

Te gjitha pyetjet, pergjegjet dhe pervojat rreth youtube ne kete teme.



Si te shohim videot te cilat jane te bllokuara?

Per shkak te mbrojtjes se te drejtave autoriale disa video ne YouTube jane te bllokuara ne vende te ndryshme. Kur hasni ne keto video zakonish ju shfaqet mesazhi “This video is not available in your country“.





Per te shikuar video qe jane te bllokuar ne vendin ku jetoni, duhet te instaloni shtesen YouTube Unblocker per shfletuesin tuaj. Kjo shtese do te zhbllokoje automatikisht videot qe nuk keni mundur ti shikoni me pare.



Per Mozilla Firefox:

http://www.unblocker.yt/addon/firefox/010.xpi

Per Google Chrome:

http://www.unblocker.yt/addon/chrome/013.crx

Per Safari:

http://www.unblocker.yt/addon/safari/013.safariextz

Per Opera:

http://www.unblocker.yt/addon/opera/010.oex

[Zero Cool]

YouTube shton mbi 60 kanale origjinale në disa vende evropiane





YouTube është duke vazhduar shtimin e kanaleve origjinale që të tërhjek më shumë para nga reklamat e ndryshme, me shtimin e linjës programore në vende të ndryshme evropiane.


Një lajmërim në blogun zyrtar të YouTube thotë se “gjeneratë e re e kanaleve origjinale” po lansohen në Francë, Gjermani dhe Britani të Madhe së bashku me kanale të reja në SHBA, vendi ku fillimisht u shfaqën kanalet origjinale në gjigantin e kërkimit.

Sipas AllThingsD, më shumë se 60 kanale të reja po futen në rundin e ri të rritjes. Studio produksioni Endemol, është ndër partnerët e ri që do të futet në Francë dhe Gjermani. Kanalet tjera të reja përfshijnë ChannelFlip dhe MultiVerse, WorldWide’s OnEarth nga BBC si dhe The Jamie Oliver Food Channel.

Tetorin e kaluar YouTube lajmëroi lansimin e 100 kanaleve origjinale, në të cilat shpenzoi rreth 100 milion dollarë.

Një raport tjetër nga blogu i YouTube thotë se 800 milion përdorues tani shikojnë 4 miliard orë nga kanalet me përmbajtje origjinale për çdo muaj, për dallim nga 3 miliard orë në fillim të vitit.

Një tjetër fakt që shërben si arsye e mirë e këtij hapi të YouTube është fakti se partnerët e kompanisë po arrijnë 100,000 nënshkrues në faqet e tyre, 5 herë më shpejtë se dy vjet më parë.

[Zero Cool]

YouTube sjell kanale origjinale për tre shtete europiane


Kompania Google ka lajmëruar që programi i saj për kanale origjinale është duke u bërë mbarëbotëror me lëshime të posaçme në Francë, Gjermani dhe Britani të Madhe.

Gjatë muajve të ardhshëm, ndërmarrja planifikon të lëshojë kanalet e reja origjinale në shtetet evropiane, po ashtu edhe në mbarë botën si në Shtetet e Bashkuara të Amerikës.

Ndërmarrja investoi 100 milionë dollarë në grumbullin e parë të pothuajse 100 kanaleve origjinale tetorin e kaluar dhe ka parë sukses me nismën. Sipas Google, top 25 kanalet mesatarisht kanë mbi një milion shikime për javë dhe 800 milionë shikues me 4 miliardë orë shikim në muaj.

Kompania pritet të shtojë rreth 50 kanale të reja

Ndërmarrja thotë gjithashtu që abonimet janë dyfishuar vit për vit dhe anëtarët partnerë në YouTube janë duke arritur 100,000 abonues pesë herë më shpesh se sa që ndodhi dy vite më parë.

New York Times raporton që Google është duke shtuar 200 milionë dollarë në programin për shpenzimet për reklamim dhe prodhim dhe pritet të krijojë më tepër se 50 kanale të reja.

Ndërmarrja planifikon që eventualisht të arrijë një brez të gjerë të shikimeve të YouTube me kanalet e veta.

“Unë besoj që çdo interes, në ndonjë pikë, ka një kanal që i shërben atij interesi”,- tha për Times udhëheqësi i përgjithshëm i përmbajtjes në YouTube, Robert Kyncl. “Njerëzit janë duke ndërtuar kanale dhe duke krijuar audienca, që është diçka që ata nuk mund ta bënin përpara në numra të këtillë.”

[Zero Cool]

YouTube për iOS optimizohet për iPad dhe iPhone 5






Kur Apple prezantoi iOS 6 e kemi ditur se do ti mungojë aplikacioni YouTube i cili ishte pjesë përbërëse e sistemeve të kaluara.

Në përputhje me këtë, është njoftuar se Google do të lëshojë aplikacionin e veçantë YouTube për iOS, gjë që ndodhi shumë shpejtë, por ky aplikacion mbështeste vetëm iPhone-in, e jo edhe iPad-in.

Kur në treg arriti iPhone 5, për shkak të ekranit më të madh në aplikacionin YouTube janë vërejtur skaje (apo tehe) të zeza për shkak të mungesës së optimizimit për rezolucionin e ri.

Më në fund Google ka lëshuar versionin e ri të aplikacionit YouTube e cila mbështet iPhone 5 dhe mënjanon skajet e zeza irrituese, duke shfaqur kështu videon përgjatë tërë ekranit, kurse është paraqitur mbështetja edhe për iPad.

Nëse nuk e keni shkarkuar ende aplikacionin e ri YouTube për iOS ju mund ta bënë këtë në dyqanin iTunes App Store.

[Zero Cool]

YouTube fshin shikimet e rreme, nën sulm edhe Rihanna


Kompanitë më të mëdha për publikimet e prodhimeve muzikore kanë humbur më shumë se dy miliardë shikime në rrjetin YouTube, pasi u zbulua se numri i shikimeve në video incizimet individuale është i falsifikuar.

Më së shumti i’u morën Universal, kompani kjo e cila publikon albumet e Rihanna, Nicki Minaj dhe Justin Bieber, që humbi një miliardë shikime. Sony është në vendin e dytë dhe ka humbur 850 milion shikime brenda një dite, ku klient të kësaj kompanie janë Alicia Keys, Rita Ora dhe Labrinth.

Sot numri i shikimeve në YouTube konsiderohet si top lista jozyrtare botërore, kështu që kjo humbje e kredibilitetit të “lojtarëve të mëdhenj” mundet të dëmtoj seriozisht biznesin e tyre.

YouTube siç duket i ka hyrë me seriozitet luftës kundër shikimeve të falsifikuara, numrin e të cilëve në mënyrë artificiale e rrisin hakerët dhe në këtë mënyrë i bëjnë më të popullarizuar sesa janë.

Gjithashtu është goditur edhe kanali i fitueses së X Factor-it britanik Leona Lewis, e cila ka humbur më shumë se 24 milion shikime.

“Ky nuk është ndonjë virus apo problem me sigurinë në faqen tonë. Kjo është një forcim i politikës sonë të numërimit të shikimeve”, -njoftoi YouTube.

Universal ka konfirmuar rënien e numrit të shikimeve, por nga kjo kompani thanë se kanali i tyre është “kryesisht pasiv”, duke pasur parasysh se fokusi është zhvendosur në kanalin Vevo.

Vevo-n në vitin 2009 e kanë themeluar Universal, Sony Music, Abu Dhabi Media Company dhe El Entertainment.

Disa fakte rreth YouTube

* Më shumë se 800 milion përdorues unik vizitojnë YouTube çdo muaj

* Më shumë se katër miliardë video incizime shikohen në muaj në këtë faqe

* 72 orë video incizime ngarkohen (upload) çdo minutë në YouTube

* YouTube në vitin 2011 kishte më shumë se një trilion shikime dhe rreth 140 shikime për çdo person në Tokë.

* Më shumë se një milion kompani reklamojnë në këtë faqe.

[Zero Cool]

Si të shihni videot në YouTube në sekondën kur keni ndaluar së pari


Në Chrome dhe Firefox: Ju ka rastisur të jeni duke parë një video në YouTube, papritur ju ka dalë një problem dhe duhet të largoheshit nga kompjuteri?

Pasi riktheheni, duhet të kontrolloni se tek cili moment i videos fillon pjesa që nuk keni parë dhe shpeshherë ju duhen disa sekonda për ta gjetur.

Tashmë ka një zgjidhje. Video Resumer është një shtesë e thjeshtë që mban mend momentin kur keni ndaluar së pari videon dhe e hap atë po në atë moment kur riktheheni për ta parë.

Video Resumer nuk ka nevojë për pothuajse asnjë instalim. Mjafton të instaloni plugin-in në Chrome apo Firefox dhe filloni të shihni video.

Nëse ndaloni në një moment të caktuar dhe e mbyllni faqen, ajo do të mbajë mend këtë moment dhe herës tjetër që riktheheni, do ta hapë videon pikërisht në çastin ku keni ndaluar së pari.

Në linqet e mëposhtme gjeni shtesën për Chrome dhe Firefox:

Video Resumer (pa pagesë) | Chrome Web Store

Video Resumer (pa pagesë) | Firefox Add-Ons via GHacks

[Zero Cool]

YouTube, gati për formatin e videove 4K







Ndonëse konsumatori ende nuk është mësuar me videot e kualitetit 4K, Google ka nisur punën me të madhe për tu siguruar se do të jetë i gatshëm për të ardhmen.

Sot, gjiganti mediatik YouTube ka zbuluar për GigaOm se do të shfaqë video në formatin 4K duke përdorë video-kodeksin VP9 gjatë ekspozitës së javës së ardhshme në Las Vegas, CES.

Formati 4K ka pothuajse katër herë rezolucion më të lartë sesa formati i rregullt HD (3,840-me-2,160 pikselë vs. 1,920-me-1,080 pikselë). Por, të shikosh ndonjë video në 4K duhet të keni shpejtësi të lartë të internetit si dhe duhet të keni TV-pajisjen e cila përkrah formatin 4K, gjë të cilën aktualisht shumë pak konsumatorë në mbarë botën e kanë.

Por, pavarësisht këtyre fakteve, Google ka vendosur të jetë gati kurdo që ky format të nis pushtimin e botës.

[Poshnjari]

Nuk mendoj se perdoruesi nuk eshte mesuar me 4K por eshte interneti shume i dobej per cilesin 4K. ketu ne HD dhe disahere nuk plotesohet.